حنا قبيلة حرب خير القبايل= تاريخنا يشهد له الترك والروم
مدحور لا جانا من الناس عايل=يتناه رمح يفري القلب مسموم
وأبختصرها قاف عبر الرسايل= لن الحقايق ماتبي غير مفهوم
سلطان* كل قول(ن) بلا حق زايل=نجد(ن) وطنا مابها قول مزعوم
ويوم البنادق مثل صوت المخايل= كم فارسن بسبابنا قيل مرحوم
أجابتن من غير طرح المسايل=وأعلوم ماتبغى من اعداي تعلوم
وعن نجد مارحنا أندور بدايل=ذدنا عن المورد شغاميم وقروم
ماحصلو من حرب غير النكايل= فارس فوارسهم علا ألقاع مجثوم
ومن فر منهم عن لقانا تحايل=عاش أمذله مع عوانيه مهزوم
عدونا صدره من الحقد كايل=جداه لا نام الملأ حارب النوم
وخوينا ماشاف غير الجمايل= فينا على الخوه تقاليد وسلوم
له مجلس(ن) بين الضلوع النحايل=وله صحبة تافي مع العمر والدوم
وللعلم يا سلطان توجد دلأيل=ولو لآ النجوم بليلها تاه منجوم
مالي ومال اهروج ناس هبايل=السان واحدهم عن الصدق مفطوم
وناء ماعم واقول كل الحمايل= أدرى ونزه كل طيب ومحشوم

سقت الأصايل يم راع الأصايل=حر اًليامنه شهر يبعد الحوم
رجال عرف وللمواقيف طايل=وسند علي قافن من المسك مختوم
مثايلا من راس واف الخصايل=ماينقد النقاد فيهن ولا يلوم
رحبت به ماهل وبل المخايل=وهليت ماهلل شجاعا على قوم
ماجد* حفيد معربين السلايل=أهل الوفاء والطيب ذباحة الكوم
عيال راشد بالملاقاء هوايل=يوم السنين اللي بها البيع والسوم
ويعدلون اللي عن الدرب مايل=لابانت أخصوما ولانزاحة أخصوم
يتلون بن حماد راع الجمايل=ضيف الله اللي له مفاعيل وعلوم
قلته وربعي يوم فعل الأوايل=عدوهم لاطاوع ابليس مهزوم
حنا حمينا معبساة الشمايل=ولا جتلنا البلها على حبة اخشوم
مع ضف أخو غزوا شريف العمايل=بن صميعر للمهمات زيزوم
غزاي مايحتاج شعر ودلايل=تاريخ ماهو العام يذكر ولا اليوم
وش قال بن خربوش راع المثايل=عد الصحيح اللي على الطرس مرسوم
اما عن اللي قلت مابه مسايل=بينت ياماجد وماقلت معلوم
ولانته ونا في حال راع الحثايل=النار في قلبه وفي عينة اهزوم
حرب الحرايب يوم ضرب الصقايل=قبيلة تاطا على كل شغموم
في نجد ذوقنا الخصيم الملايل=وكم شيخ قوم يسحب اخطاه مكصوم
ون شبة النيران روس الفتايل=مايهتني بنحورنا ناقل الزوم

على ماقدمت لنا من مقدمة
شكر لك