مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   أهلا ً هلا جتنا القوافـي كريمـه (http://www.alfredah.net/forum/threads/alfredah28951/)

ابـن مـطـيـع 16-03-11 12:34 PM

أهلا ً هلا جتنا القوافـي كريمـه
 
السكينه السكينه ياشباب ....
هي قصيدة لشاعر القدير خلف ابن عتاق في مجلس الشعر الخاص
ولاكنها حركت ((شاعر المشاعر)) الأخ والشاعر الجميل نواف فارع
وطابت له المجاراة على قصيدة خلف
وأليكم القصيدة الشاعر نواف فارع
يقول ابوعبد السلام



حنا شباب الدين واهـل العزيمـه=وانتم لنا مبنـا شـراع السفينـه
يا مرحبا والخير ذعـذع نسيمـه=ماهي طرات اليوم .. باول سنينه
علم ٍ عرفته يا القلـوب الفهيمـه=جدي وعدي والعـوارف عرينـه
متوارثينـه والمعانـي مقيـمـه=عز وفخر , والعلـم متوارثينـه
أهلا ً هلا جتنا القوافـي كريمـه=من عودنا اللـي كلنـا عارفينـه
بالمنطق اللـي للمهمـات ديمـه=حكيـم راي وربعتـه جاذبيـنـه
لا حل بالوقفـه تنحّـى خصيمـه=ويهتال من يسمع .. دليل وقرينـه
وعن الوطن كل ٍ دليلـه زعيمـه=لا شاف زين الراي قـدّم يمينـه
ما همنا نـاس ٍ سـواة البهيمـه=اللي يجفلهـا ضريـس المكينـه
ولا همنا أهـل القلـوب السقيمـه=ما بين ( بلطقجي ) وحاسد بعينه
ومسترزقه آخر رجاهـم حريمـه=على الكبود .. وحقنـا محتمينـه
حشا وكلا , ما يجي من يضيمـه=حنا سيوف ونـار بينـه وبينـه
نبقى حرار وصوتنا لـه رزيمـه=وعلى الشريعـه ربنـا عابدينـه
ونطلب من المولى الوقار وصميمه=مع سنة الهـادي ومنبـع معينـه
وتقديرنا ينصا الرجال الحشيمـه=وإلا الردي من عرفته مرخصينه
منفي وملكه بالعرب ظـل خيمـه=يبقى ضعيف ولو تكاثـر حنينـه
**نواف فارع**

خلف الفريد 16-03-11 01:41 PM

رد: أهلا ً هلا جتنا القوافـي كريمـه
 
صح لسان ابو عبد السلام فهو عنوان الوفاء دائما ...
وسلمت يمينك ابو صالح على روعة الشعور والاضافه ...
انتما الاثنان عندي عناوين كبيره -وبالخط العريض- للوفاء والافتخار ..
لاعدمتكما

ميس الريم 16-03-11 02:56 PM

رد: أهلا ً هلا جتنا القوافـي كريمـه
 
**أخي نواف فارع**


ياسلام على هذه الجواهر التي تتوالى نظيمه منتظمه مجارة مفتخره


تابعه متتابعه


سلاسة أشعار يقف القارئ محتار


في مروره كيف لك من الكلام يختار


سلمت وسلم رأسك وصح لسانك وفكرك المقدار


تقبل مروري المسطر بالشكر والعرفان




والشكر لك وجهودك ابن مطيع في هذا القسم شعار

غازى بن عجاب أبوزوايد 16-03-11 05:33 PM

رد: أهلا ً هلا جتنا القوافـي كريمـه
 
اخوى
بن مطيع
صح لسان الشاعر القدير نواف فارع
شاعر بمعنى الكلمه ومامجاراته للعلم ابا عبدالعزيز
الامن باب الوفى أدام الله الوفى بين الاحبه سلمت أخوى
مشعل ولاهنت على النشر ولولا وفاك للجميع لمانشرت هذه الفارهه
لكــ جزيل الشكر والتقدير
تحيتي

النمر الارقط 16-03-11 10:57 PM

رد: أهلا ً هلا جتنا القوافـي كريمـه
 
صح لسان ابوعبد السلام
قصيده جدا رائعه ومجارها جميله
مشكور اخي مشعل على الايراد الجميل والرائع
تقبل مروري

منصور الوسوس 17-03-11 12:43 AM

رد: أهلا ً هلا جتنا القوافـي كريمـه
 
صح لسان شاعر المجالس ابا عبدالسلام
والشكر موصول لعندليب المجالس
ولك ابن مطيع خالص التقدير على هذا النقل والاهتمام

علي الجضعان 17-03-11 02:14 AM

رد: أهلا ً هلا جتنا القوافـي كريمـه
 
صح لسان ابوعبد السلام
قصيده جدا رائعه ومجاره جميله


كلمة شكر غير وافيه الله لايحرمنا منكم

حس وطني تشكرون عليه

هذا مروري وأعجابي

أبو وسيم 17-03-11 03:00 AM

رد: أهلا ً هلا جتنا القوافـي كريمـه
 
صح لسان الشاعر ابو عبدالسلام

وسلمت يداك اخي مشعل لهذا النقل

نواف فارع 17-03-11 08:57 AM

رد: أهلا ً هلا جتنا القوافـي كريمـه
 

إثبات في معنى جميع المجالات=اللي تقول إن المعرفه تجاره
هنا .. لمعناها تزين العبارات=زوّار , واعضا هالكيان , وإداره
مجالس عيال الكرامه بطولات=حتى ولو كانت مجرّد زياره
تلقى معانيهم عظيم المروات=وكل ٍ بفعل الطيب قد شب ناره
نار السعد من رب سبع السماوات=طبع ٍ لهم ما حسّــبوا للخساره
ما مات راشد لا حشا صدق مامات=ليل السعد لاراح يطلع نهاره
لنا مع أهل العرف وقفه وهقوات=نمشي بعز مواكبين الحضاره
وجزل المعاني صدقها بالاشارات=( واخير من كثر الكلام اختصاره )



أتقدم بالشكر الجزيل لأخي القدير / مشعل بن مطيع العويني .

والشكر موصول لجميع من شرّف هذا الموضوع بحضوره .

ودائما ً ما تحرجون الكاتب بجميل وجزيل عباراتكم إخواني الكرام ,

فتقبلوا هذه الأبيات هنا ..

معطرة ً بفائق التحية وخالص الاحترام .


الساعة الآن 05:01 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52