مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   الشيبان والصبايا ........ (http://www.alfredah.net/forum/threads/alfredah28913/)

خلف الفريد 15-03-11 10:06 AM

الشيبان والصبايا ........
 
الاخ والصديق الشيخ الشاعر/ عايض بن عبد الله بن ماطر الفريدي رجل ظريف
وعفيف وله مداعبات جميله مع الاقارب والاصدقاء ..
وقد وصلتني منه هذه المداعبه حيث يقول:
(هذه الابيات مسندة الى الاخ/ابو فارس ..شديد بن عيد الحميدي وهي تحكي حال بعض من تقدم
بهم السن وفيها اقول) :


عزمت اسيّر على ابن عيد وازوره=اعدّه انه صديق او من حدا اخواني
وابا استشير ابو فارس وآخذ بشوره=عن امّةٍ تنزعج لا قيل شيباني
اشوف ناسٍ تصرّف تقل مجبوره=يخفون نور الحقيقه دون برهاني
ياشديّد العود لو هو يصبغ شعوره=مايقبلنه بنات البدو بالعاني
مادام اقفى شبابه وانتهى دوره=اكيد انه عن المقناص كسلاني
ماهو ردىً فيه غير الحال معسوره=ماتساعده حالته لو كان رغباني
العود لو هو يحب الزين في زوره=تلقى" مقامه" عن الماجوب متواني
لو كان يلبس جديد ويضبط الصوره=المشكله داخليّ العود خرباني
العود لادق سلفه حنّ ماطوره=وان زاد حسّه طلع من خلف دخاني
صِيد الصبايا على الشيبان محظوره=ويلزم فريق الحمايه يصدر اعلاني
وتقنع نفوسٍ بحب الزين مبهوره=لو ما بها حيل تذكر وقتها الفاني
ويستثنى اللي لهم حالات معذوره=ان كان وفّوا بالشروط اللي لها شاني
*************
طبعا يقصدني باليت الاخير الله يطول عمره !!!!

ملاحظه هامه
الكره الان في ملعب الشيبان !!!
ولهم حق الدفاع عن النفس

أبو وسيم 15-03-11 11:42 AM

رد: الشيبان والصبايا ........
 
يابو عبدالعزيز الظاهر ان كلام ابو عمر صحيح .........؟؟

وصح لسان الشاعر على هذه القصيدة

ولنا رجعة مع تعليق الشيبان على هذه القصيدة

علي الجضعان 15-03-11 12:30 PM

رد: الشيبان والصبايا ........
 
صح لسان الشاعر/ عايض بن عبد الله بن ماطر الفريدي
أما أنت وين ردك ماهي عاداتك الضاهر

أن الكوي جاء على الفك قصيده

ابوعبدالعزيز المفروض أنك تدافع

طالماً الرمي وصل حدود متارسك

قصيده فعلاً ضريفه واضحكتني لحد

الثماله والقلوب النظيفه والرجال اللي

يجوز المزح بينهم لله درهم كم أحب

العجوبيات

تسلم على الاضافه اخوي خلف الفريد

غازى بن عجاب أبوزوايد 15-03-11 12:31 PM

رد: الشيبان والصبايا ........
 
اخوى
الكبير بقدره
خلف بن عتاق الفريد
صح لسان الشيخ عائض بن عبدالله الفريدي
وسلمت ودمت على النقل والنشر وأنا أقول الحمدلله
ماحنا شيبان مثلكم هالحين الدور على الشيبان ولا الشباب
بمأمن عن كلام فضيلة الشيخ هههههههههههه
تحيتي

النمر الارقط 15-03-11 01:04 PM

رد: الشيبان والصبايا ........
 
صح لسان الشاعر
اخي خلف
مشكوووووور والله يعطيك الف عافيه

خلف الفريد 15-03-11 01:21 PM

رد: الشيبان والصبايا ........
 
ههههههههههههههههههههههههه هههههههههههههههههه

ماعدا ابو وسيم مع احترامي لكم !!!!!!!!!!
بدلا من اللف والدوران ردوا كلنا نعرف بعض والا تبوني احط تواريخ ميلاد كل واحد منكم !!!!!!
اما انا فعذري انني ناقل وهذه المهمه جعلت الشيخ يستثنيني كما اوضحت ....
مشكورين على المرور وللكلام بقيه
تحياتي

ابـن مـطـيـع 15-03-11 06:54 PM

رد: الشيبان والصبايا ........
 
صح السان الشاعر وصح بدنك شاعرنا الجزل ابا عبد العزيز على الاضافة الحصرية لنا
وندل انما يدل على حرصك على المجالس
تقبل مروري على عجل

منصور الوسوس 15-03-11 11:28 PM

رد: الشيبان والصبايا ........
 
اقول صح لسان الشاعر
سمعنا وسلمنا المقصود الشعراء فقط

نواف فارع 16-03-11 12:23 AM

رد: الشيبان والصبايا ........
 
صح لسان الشاعر / عايض بن عبد الله بن ماطر الفريدي .

والله يوفق الجميع لكل خير .

وسلمت أبوعبدالعزيز .. بما تكتب وتنقل .


تحيتي وتقديري .

خلف الفريد 16-03-11 01:09 PM

رد: الشيبان والصبايا ........
 
لاهنتم على مروركم وتعليقاتكم الاروع ...
واظن الرساله وصلت لبعض الناس ...
وبالانتظار ...


الساعة الآن 08:32 AM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52