|
السكينه السكينه ياشباب .... في خضم هذه الفتن المتلاطمه واختلاط الحابل بالنابل ... لامكان الا لاصحاب العقول الكبيره والمدارك العظيمه ... وعندما يستشعر المسلم مسؤوليته ويفهم معنى الصحة في الابدان والامن في الاوطان .. هنا يتبادر الى ذهنه معنى قول الباري عز وجل (( والفتنة اشد من القتل )) ولهذا اهدي ابنائي الشباب هذه الخطرات المقفاة ....... شبابنا ياهل العقول السليمه=ماخاب من يمشي على نهج دينه روس الفتن عدّت براس الجذيمه=مار السكينه ياشباب السكينه من يوقظ الفتنه عليه الجريمه=تبدا شراره والنهايه حزينه وعواقب الفتنه علينا وخيمه=لاتتبعون اهل الهوى والضغينه ماوحدتنا الا العهود القديمه=وحب الوطن والدين متوارثينه لاتتركونه للحواسد غنيمه=من عقب ما انتم عزوةٍ محتمينه وسور الوطن لاينفتح به ثليمه=ثم تدخل العدوان من كل عِينه الامن له عند العواريف قيمه=يدري بها من اصبحوا فاقدينه كانوا بنعمه والموارد عظيمه=ثم عقبها صاروا بحالٍ مهينه وعقب الامان اللي ركونه قويمه=للخوف والارهاب صاروا رهينه ولا اظن من عنده كرامه وشيمه=يرسم علامة ذل باعلى جبينه وحسن التصرف للرجال الحكيمه=مايقطعون حبال وصلٍ متينه ياما تذوقنا المراره اليمه=من طغمة الارهاب ياخابرينه هل ترتضون ان الاياد الاثيمه=تعبث بمكه مع ربوع المدينه؟!! مار الحذر ترى القياده حليمه=وان وصلت الحلقوم فالحلم وينه !! ومن لاحسب بالمعركه للهزيمه=ماينفعه عقب الفوات الغبينه ******** |
رد: السكينه السكينه ياشباب .... نعم نعم صح السانك على هذه المبادرة والانتماء الوطني وكلمة الجماعة على التكاتف ضد افكار اهل البغي وزراعة الفتنة : كما قال سبحانه (والفتنة اشد من القتل) حفظ الله وطنناء من كل سوء ورد كل كايد كيده الى نحره ...... لك اخي خلف كل الشكر على هذا التصميم الشعري تقبل مروري واعجابي ودمتم باالف صحة |
رد: السكينه السكينه ياشباب .... ابوعبدالعزيز هذه القصيده تفضح مشاعرك أتجاه مليك ووطنك ودينك وهذه الوطنيه ليس مستغربه عليك فأنت أحد رجال الأمن الأوفياء وضباطه المخلصين بيض وجهك وعسى بلدنا الغاليه سالمه من كيد الحاقدين وشر الاشرار المغرضين المفسدين قصيده تستحق الأشاده والتمجيد وترفع راس كل حربي سلام مني وعساك بالوجود تحياتي |
رد: السكينه السكينه ياشباب .... خلف الفريد صح لسانك وبيض الله وجهك وبلدنا ولله الحمد نامي وواعي لا يلتفت لسفاهات هذه والمظاهرات أشكرك بالفعل ع القصيد الرائعة جداً تحياتي لك وموفق خير |
رد: السكينه السكينه ياشباب .... اخوى الكبير بقدره خلف بن عتاق الفريد تظل ابا عبدالعزيزكبير بمقامك وشعرك وشعورك لاهنت وصح لسانك على هالابيات المعبره والجزله والله يحمى الوطن من عبث العابثين وكيد الكائدين تحيتي |
رد: السكينه السكينه ياشباب .... الاخ القدير ابوعبد العزيز صح لسانك مليار مقطوعه اكثر من رائعه الله يحمانا من الفتن مشكوووووور والله يعطيك الف عافيه لك مني وافر التقدير |
رد: السكينه السكينه ياشباب .... صح لسانك ابوعبدالعزيز .. وهذه الأبيات الكيبوردية .. ويطيب لي مجاراتك . حنا شباب الدين واهل العزيمه=وانتم لنا مبنا شراع السفينه يا مرحبا والخير ذعذع نسيمه=ماهي طرات اليوم .. باول سنينه علم ٍ عرفته يا القلوب الفهيمه=جدي وعدي والعوارف عرينه متوارثينه والمعاني مقيمه=عز وفخر , والعلم متوارثينه أهلا ً هلا جتنا القوافي كريمه=من عودنا اللي كلنا عارفينه بالمنطق اللي للمهمات ديمه=حكيم راي وربعته جاذبينه لا حل بالوقفه تنحــّى خصيمه=ويهتال من يسمع .. دليل وقرينه وعن الوطن كل ٍ دليله زعيمه=لا شاف زين الراي قدّم يمينه ما همنا ناس ٍ سواة البهيمه=اللي يجفلها ضريس المكينه ولا همنا أهل القلوب السقيمه=ما بين ( بلطقجي ) وحاسد بعينه ومسترزقه آخر رجاهم حريمه=على الكبود .. وحقنا محتمينه حشا وكلا , ما يجي من يضيمه=حنا سيوف ونار بينه وبينه نبقى حرار وصوتنا له رزيمه=وعلى الشريعه ربنا عابدينه ونطلب من المولى الوقار وصميمه=مع سنة الهادي ومنبع معينه وتقديرنا ينصا الرجال الحشيمه=وإلا الردي من عرفته مرخصينه منفي وملكه بالعرب ظل خيمه=يبقى ضعيف ولو تكاثر حنينه |
رد: السكينه السكينه ياشباب .... صح لسانك اخوي خلف بادرة رائعه .. |
رد: السكينه السكينه ياشباب .... صح لسان الشاعر خلف الفريد وصح لسان الشاعر نواف فارع واتمنى من جميع الشعراء مجاراة القصيدة |
رد: السكينه السكينه ياشباب .... عندليب المجالس صدحت بالحق وهكذا انت دائماً نعم نحن بحاجة إلى جمع الكلمة وتوحيد الصف وهذا ما حصل ولله الحمد فالكاتب والشاعر والأديب ينتظر منهم المجتمع وقفة كهذه الوقفة لشاعرنا المبدع : خلف الفريد صح لسانك ابا عبدالعزيز والشكر موصول لشاعر المجالس صاحب الحضور القوي والتواجد الراقي ابا عبدالسلام نوّاف بن فارع صحت ألسنتكم جميعا ودمتم حصونا منيعة لهذا الوطن الغالي .. تقبلوا وافر التقدير |
رد: السكينه السكينه ياشباب .... الأمن له عند العواريف قيمه ويدري بها من أصبحوا فاقدينه أبوعبدالعزيز صح ألسانك والله |
رد: السكينه السكينه ياشباب .... أهلا هلا جتنا القوافي كريمه من عودنا اللي كلنا عارفينه ________________________________________ وتقديرنا ينصا الرجال الحشيمه والأ الردي من عرفته مرخصينه ______________________________________________ الأخ نواف صح لسانك أدري أن القاعده لايجوز الجمع بين بيتين متباعدين ولكن من باب الميانه والتذكير أطال الله في عمر أبوعبدالعزيز |
رد: السكينه السكينه ياشباب .... خلف الفريد صح لسانك |
رد: السكينه السكينه ياشباب .... صح لسانك يا أبو عبدالعزيز على هذه المنظومة المتكاملة حيث بدأت فيها بالشباب وما يجب عليهم حيال الفتن وسردت الأحداث والواقع الذي سيحدث لو حدثت هذه الفتن وفيها تشبيهات مميزة ونصائح جميلة مع ذكر سابق الاحداث والوطن غالي على قلوبنا نفديه بدمنا وما يرفع من مظاهرات سلميّة ( فللأسف تبدأ سلميّة فتشتعل كالنار بالهشيم ) ولا نقول إلا اللهم أدم على بلادنا الامن والامان بظل قيادتنا الحكيمة وشكراً من الأعماق لتلك الدرّة الرائعة والتي لا يكتبها إلا والدنا / خلف الفريد |
رد: السكينه السكينه ياشباب .... ابنائي واخوتي الكرام هذا التفاعل الكبير وهذا الاعجاب المزدوج لايأتي من فراغ ... وذلك لانه نضح من قلوب صادقه وافيه كبيره في الولاء والشعور والادراك ... اعلم من البدايه وكما اقول لكم دوما انني اعبر عن ما يجول في خواطركم ويدور في محيطكم .... اشكركم على هذا الفيض الاخوي والثقه التي انتم محلها واهلها ... لاعدمتكم |
رد: السكينه السكينه ياشباب .... اقتباس: المشاركة الأصلية كتبت بواسطة نوّاف فارع http://www.alfredah.net/forum/alfred...s/viewpost.gif صح لسانك ابوعبدالعزيز .. وهذه الأبيات الكيبوردية .. ويطيب لي مجاراتك . حنا شباب الدين واهل العزيمه=وانتم لنا مبنا شراع السفينه يا مرحبا والخير ذعذع نسيمه=ماهي طرات اليوم .. باول سنينه علم ٍ عرفته يا القلوب الفهيمه=جدي وعدي والعوارف عرينه متوارثينه والمعاني مقيمه=عز وفخر , والعلم متوارثينه أهلا ً هلا جتنا القوافي كريمه=من عودنا اللي كلنا عارفينه بالمنطق اللي للمهمات ديمه=حكيم راي وربعته جاذبينه لا حل بالوقفه تنحــّى خصيمه=ويهتال من يسمع .. دليل وقرينه وعن الوطن كل ٍ دليله زعيمه=لا شاف زين الراي قدّم يمينه ما همنا ناس ٍ سواة البهيمه=اللي يجفلها ضريس المكينه ولا همنا أهل القلوب السقيمه=ما بين ( بلطقجي ) وحاسد بعينه ومسترزقه آخر رجاهم حريمه=على الكبود .. وحقنا محتمينه حشا وكلا , ما يجي من يضيمه=حنا سيوف ونار بينه وبينه نبقى حرار وصوتنا له رزيمه=وعلى الشريعه ربنا عابدينه ونطلب من المولى الوقار وصميمه=مع سنة الهادي ومنبع معينه وتقديرنا ينصا الرجال الحشيمه=وإلا الردي من عرفته مرخصينه منفي وملكه بالعرب ظل خيمه=يبقى ضعيف ولو تكاثر حنينه الشاعر الكبير وصاحب القريحه الرائعه اخي الغالي ابوعبد السلام اضافة رائعه تستحق ان تكون مستقله في الخاص ... اشكرك على هذه المشاعر الاخويه الصادقه الغير مستغربه من رجل بقامة نواف بن فارع ... تقبل تحياتي وصادق مشاعري الطيبه .. لاعدمتك |
رد: السكينه السكينه ياشباب .... صح لسانك وبيض الله وجهك يااباعبدالعزيز قصيدة وطنية رائعة وجزلة من شاعر كبير وصح لسان الشاعر ابو عبدالسلام على مجاراته للقصيدة ودمت لنا بالوجود مبدعين |
رد: السكينه السكينه ياشباب .... نثرت الؤلؤ المكنون من الكلام في الصدور مخزون من كل قلب ينتمي لهؤلاء المسلمون الذين بحق وطنهم معترفون ومخلصون وذا الؤلؤ لا ينظمه شعرا سوى روحك التي لا تخون فبارك الله فيك ومن يخرج من فيك المحصون ((يآآآ عظم العرب )) |
رد: السكينه السكينه ياشباب .... الشاعر المسكون بكل معاني الأصالة والجزالة / خلف الفريد أهدى لنا تلك الدرة الثمينه المليئة بالنصح والحب والولاء . صح لسانك وننتظر المزيد الشاعر الكبير / نواف فارع صح لسانك على هذه المجاراة الطيبة دمتم مبدعين |
رد: السكينه السكينه ياشباب .... الكرام مبدعنا ابو وسيم اختي الفاضله ميس الريم شاعرنا الشاب عبد الله المغضب مروركم دليل محبة ووفاء وتعليقاتكم دلالة غيرة وانتماء ... اشكركم على هذه المشاعر الفياضة الصادقه .. لاعدمتكم |
رد: السكينه السكينه ياشباب .... صح السانك شاعرنا ابا عبد العزيز على القصيدة لتي تدل توحيد الكلمة وصف تقبل مروري وتقديري لك وحترامي وسلامي ودمت لنا بالوجود وصح السان الشاعر نواف فارع على المجاراة الرائعه شكراُ لكم جميعاُ |
رد: السكينه السكينه ياشباب .... مشعل المجالس الشكر كل الشكر على مرورك الكريم وعباراتك الرائعه ,,,, عودتنا على الوفاء والمحبه لاهنت ..... لاعدمتك |
رد: السكينه السكينه ياشباب ....
|
رد: السكينه السكينه ياشباب .... ابو عبد العزبز عساك بخير سلمت ودمت اولا اعتذر عن الخلل والقصور المراجل تغيب وتحضر ثانيا صح لسانك على هذه الرائعه فانت من اهل الجزاله |
رد: السكينه السكينه ياشباب .... الفاضله التي شيخها ماشيخنا مرورٌ اسعدني وابهجني وزاد من اعتزازي .. كلمات اعتبرها ضمن هذه الاوسمة التي وضعها احبتي على صدر هذه القصيده ... واذا اتحدت المشاعر جاء التعبير على مستواها ومبتغاها ... لكِ جزيل الشكر |
رد: السكينه السكينه ياشباب .... هلا هلا مليون هلا بهذه الاطلاله الجميله الكريمه انت تعلم ابا خالد انك القريب الى القلب دوما والاثير في النفس ابدا... صحيح اننا نشتاق الى تواجدك كاشتياقنا للغيث ولكن نعذرك لاسباب ومنها تقصيرنا معك وهو الاهم ... وعساك بصحة وعافيه لاننا نعلم بعض ظروفك الصحيه .... وصح الله بدنك وسلمت لاحبتك هنا وهناك .... لاعدمتك |
| الساعة الآن 01:35 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir