مجالس الفرده - رد اسناد

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - رد اسناد (http://www.alfredah.net/forum/threads/alfredah28380/)

يابحر الهوا نايف هقابك عساه إيعوم =مجاديف نايف جعل موجك ماينسفها
تلاطم به امواجك ولا ينصفه مقسوم=على عكس مجدافه تهبهب عواصفها
يرده قدر ماهو ردين ضعيف اعزوم=والاقدار في قدرة إلآهن مصرفها
ولاهو على درك يابحر الهوا ملزوم=ولكن بيكمله مشاوير ناصفها
يعدد علل حاله ولحدن خلق معصوم=وبعض العلل دايم تصادف مواصفها
سهامه وسط صدره تبين ثلاث اوسوم=وحاله على ماحل به مايحسفها
غدا صدره معزب وهمه لفا معزوم=مشاعره في ماجوب ضيفه مكلفها
ولاهو مثل خبلن هوا ماثناه اللوم=ورايه جميع اريا عذوله يخالفها
بدربه على سامر نجومه سرا منجوم=تغره نجومن تبهره في تلاصفها
حقوق الهواوي بالهوا عدلها مهضوم=عسا تبهج الدنيا ظميرٍ معاسفها
لامات الزهر باكر يعله حقاق اوسوم=وتزهالك اثماره وتزهر وتقطفها

رد: رد اسناد

صح لسانك

وصح لسان الشاعر نايف بن مياس

رد: رد اسناد

صح بدنك ولاهنت

رد: رد اسناد

اخوى
عبد العزيز العبلان
صح لسانك رد بمستوى الاسناد
تحيتي بالغالي

رد: رد اسناد

صح لسانك رد كنا نتوقعه من شاعر بحجمك

هذا مروري ولي الشرف وعساك بالوجود

رد: رد اسناد

رد جميل ورائع جداً من شاعر بحجمك لله درك
ابيات شعرية رائعه تقبل مروري مع التحية لشخصك
الى لقاء قادم مع جديدك

رد: رد اسناد

صح بدنك يابو فيصل

ولاهنت على التواجد

رد: رد اسناد

صح بدنك يابوعمر

ولاهنت على تواجدك
ومرورك المشرف محله التقدير

دامت ايامك

رد: رد اسناد

لاهنت يابن مطيع على تواجدك

ومشكور على الأطراء

تحياتي لك

رد: رد اسناد

قاف جزل وجميل على البحر الطويل .. الذي دائما ً ما يكون في مقام كهذا .

ولا يكتب عليه سوى شاعر متمكن ..

لم أقرأ الاسناد ولكن الرد عبر عنه ودل على جزالة الاثنين .

صح لسانك شاعرنا القدير / عبدالعزيز العبلان .

وتقبل تحيتي وتقديري .