الا يا ابو مهره صاب قلبي ثلاث سهوم=سهوم المنايا معلناتِ تكاتفها
جميع الجمال بصاحبِ لي لقيته كوم=خشوفِ تفرد زولها عن ولا يفها
ضربني سهم زودِعلى ضربته مسموم=سطا بالضلوع ودمر الحال واتلفها
سهم عينه اللي تقل حرِ يصر الحوم=يداور عيونه باطرف الغيم شايفها
اذا كان صاحي كن عينه عليها النوم=نسيم الصبا لاهب تتعب ويطرفها
وثاني سهم مسموم من جسمه المبروم=شبيه الغصون المايله في نغظرفها
وثالث سهم قرب لي الموت للحلقوم=خدوده ثمار اليوسفي يوم نقطفها
وعنقه كما الغرنوق ما يشبه الفيوم=وجمر الغضا لمحة طبيعة شفايفها
ان كان بين الناس معطى فا انا محروم=متى يازمن تعرف حقوقي وتنصفها
ياليت داري عن دياره ورى زلوم=ماجيت في وجهة دياره ولا اعرفها
قصة هوانا درس ومولفه مضلوم=لعل الوزاره تعلنه من معارفها
نايف بن مياس الفريدي