مجالس الفرده

مجالس الفرده (http://www.alfredah.net/forum/)
-   مجلس الشعر الخاص (http://www.alfredah.net/forum/alfredah33/)
-   -   الـــقــــاضــــي . . . ! (http://www.alfredah.net/forum/threads/alfredah2815/)

مقبل بن نمران 28-06-07 06:02 PM

الـــقــــاضــــي . . . !
 
قصيدة مطلوبة أتمنى أن تنال إعجابكم كما نالت إعجاب من طلبوها

( لاصار قبيلك القاضي من تقاضي )

غزلية أتت من هالمنطلق




من عرفتك صرت انا المظلوم والقاضي قبيل = لابغى ياخذ حلاله جيت لديت سنعه ‍
وصرت عقبك من سماتي لاصحيح ولا قتيل = عودٍ أجرد في عباته والزمن رد إصفعه
وصرت مثل اللي بناله بيت في وسط المسيل = جاه غيثٍ ماتحمل صطوته قام إقشعه
اسقني لا عدمت رضاك شهد وسلسبيل = قبل مالعذال تحصد ماتعبنا نزرعه
ضعت في صحراك خلي لا دليل ولا صميل = كيف قلت إني مسافر لا خليل ولا أمتعه
مأعتبر نفسي ليا مريت بك عابر سبيل = ولا أعتبرها كثر من مات قبلي أمعه
وإن صحيت وشفتني ياصاح باطرافك نزيل = الكرم ياسمي الخير لا أطعمت أشبعه
والله إني مالقيت وشفت لا أوصافك مثيل = انت أروع من عرفت ومن عرفت أنت أروعه
شب نارك جيت لك ملهوف بضلوعي صهيل = مابقى في عين ذهني غير باب وصومعه
خل للراحل المسبي تحت رمشك مقيل = وإن غطاه الشعر شلال بالليل إهجعه
لاتسوق الذود يمي صدرك النافر كفيل = أتركه يرتع صوابي دام صدري مرتعه
من زلال الشفق والغيم مأرضى بالقليل = هل باللي جاك مقبل ومن باعك بعه
من عرفتك صرت انا المقيم بضلوع الرحيل = جاهلٍ بالدرب يمك جاه حظه وجدعه
وصرت أنا المظلوم والقاضي جنابك لي قبيل = وإن بغى ياخذ حلاله قمت هفيت سنعه

1421 هــ

متعب بن نومان 28-06-07 06:43 PM

رد: الـــقــــاضــــي . . . !
 
صـــــــــــــــــــــح السانك

صح السانك


واطلب المزيد ممالديك

تقبل مرووووري

الفريدي 28-06-07 07:05 PM

رد: الـــقــــاضــــي . . . !
 
وصرت أنا المظلوم والقاضي جنابك لي قبيل
وإن بغى ياخذ حلاله قمـت هفيـت سنعـه

اختيار جميل وقلم مبدع تسلم تسلم

خلف الفريد 28-06-07 07:10 PM

رد: الـــقــــاضــــي . . . !
 
بسم الله
تاج راسي يالنمر بن النمر كل بيتٍ يضحك للثاني ويقول تحداني؟؟؟؟؟
امتعتنا طربا وجمالا وخيالا

حييت ياشعرٍ معانيه حلوات=من شاعرٍ دايم جديدٍ ابداعه
بيوت شعرٍ للفريدي جزيلات= يجلن هم القلب ساعه وساعه

الموج 29-06-07 03:56 AM

رد: الـــقــــاضــــي . . . !
 
والله إني مالقيت وشفت لا أوصافـك مثيـل
انت أروع من عرفت ومن عرفت أنت أروعه

قصيدة رائعه يابن نمران وصح السانك.

ابن منيديل 29-06-07 04:13 AM

رد: الـــقــــاضــــي . . . !
 
مقبل بن علي بن نمران

وش اقول على هذا الابدااااااااع؟

قلي؟ ! ! !

اجي ابوس رأسك ؟ ؟

والا اقول صح لسانك ؟ ! !

كلمة (( صح لسانك )) ماتكفيك
مايكفيك الا مطخة(ن) على الخشم ولاتكفيك

مبدع ، ، رائع ، ، شاعرية متدفقه من شخص يروض الكلمات بلسانه وإحساسه


ابو ياسر

تقبل اعجابي بهذه القصيدة وبشخصكم الكريم

طلبت هذه القصيدة وطلبها غيري

والان انت وعدت ووفيت

والان لن اطلب بل اقول لاتحرمنا من قصائدك التي استطيع بإن اقول انها فريدة

((ابو ياسر في قصيدة ببالي بس اخاف تقول طماااااااع))

تقبل ودي الخالص لكم

ابوبندر 29-06-07 07:15 PM

رد: الـــقــــاضــــي . . . !
 
صح لسانك وسلم بنانك

قصيده رائعة

ضيف الله بن علي 30-06-07 12:03 AM

رد: الـــقــــاضــــي . . . !
 
الله الله وش الإبداااااااااع وش اقوووووول

ده متخبي فين من زمان !!

يارقل عشرة عمر ..... ماعرفتش حاقه


صح لسانك مقبل قصيدة ولا اروع

ابدااااع وتألق وصدق احساس

اسجل اعجابي بهذه القصيدة


اخوك نازف الحرف

منصور الوسوس 30-06-07 12:43 AM

رد: الـــقــــاضــــي . . . !
 
ضعت في صحراك خلي لا دليل ولا صميـل *** كيف قلت إني مسافـر لا خليـل ولا أمتعـه

مقبل بن علي بن نمران

صح لسانك قصيدة رائعة جدا والشكر موصول لمن طلبها حيث احسن الاختيار

وكشف عن درر ارجو ان تتحفنا بالجديد منها لك اجمل تحية .

استمر فانت من قامات مجالس الشعر دمت بود

مقبل بن نمران 30-06-07 08:37 AM

رد: الـــقــــاضــــي . . . !
 
بقايا إنسان

صح بدنك يالغالي

أشكر لك طيب مرورك وأبشر بطلبك

دمت بخير ومجبة


الساعة الآن 02:22 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52