|
بين يدي الشيخ زيد واهل العلا بسم الله الرحمن الرحيم هذه القصيده قلتها بناسبة دعوة الشيخ /زيد بن حماد لجماعتنا اهل العلا (المواسا من الفرده) في بيته العامر بالمدينة المنورة مساء الخميس الموافق 25/10/1427 هج وقد حضر بعض شيوخ واعيان وابناء قبيلة الفرده من المدينه والقصيم ومناطق اخرى وهي مناسبة فرحةلقاء ولم شمل واجتماع محبه
من وين تبدا يابن عتاق من وين=يومك نهمت الشعر واسرجت خيله الملتقى طيبه والاضياف غالين=والدار دار الشيخ عز القبيله زيد النشاما يرفع الراس ويبين=ومواقفه بالطيب ماهي قليله شيخٍ اليا منه نوى يقوم مايلين=واليا بغاها ما تعوزه وسيله بدا بها فكره وصارت مضامين=والحمد للمعبود صارت جميله ويا مرحبا ومن التحايا ملايين=عد النجوم وعد وبل المخيله باللابه الي قرة النفس والعين=لاجا نهارٍ فيه حطه وشيله كان انها بالجاه مثل السلاطين=وكان انها بالحرب سيوفٍ صقيله تكاملوا ربعي على الوعد وافين=وهاذي عوايد كاسبين النفيله بالمرجله ومزارق الطيب عجلين=يوم ان خطو اللاش رجله ثقيله وصار اجتماع اليوم جمع على الزين=وفرحة لقانا اليو م اكبر دليله ولو الليالي فرقت بين حيين=مانعتبر رداتهن مستحيله يامرحبا باللي لفونا عزيزين=اهل العلا اهل النفوس النبيله حياكم الله عند ربعٍ محبين=الفرع عود للجذور الاصيله جينا لكم تقدير وايضا مهنين=ويوم اجتماع الشمل كل يجي له انتم مواسا والمواسا عريبين=ومكانكم محفوظ ماحد يزيله وليا سمحتوا لي ابآخذ عناوين=في دفتر الامجاد سيره طويله ابا امدح شيوخٍ على العز ضارين=وانا اعتبر مدحي لربعي فضيله اللي لهم في قصر الامجاد بابين=من يدهله يلقى ذراه ومقيله شيوخنا الحماد اول وهالحين=متوارثين المجد من سلسبيله الراس ابو غازي به العقل والدين=واليا برك للحمل لازم يشيله شيخ الشيوخ اللي على العهد باقين=ريف القريب وعون من يلتجي له وشيوخنا الهدبان ربع مسمين=منهاجهم بالطيب مافيه ميله اللي مشيختهم لها سنين وسنين=تسنموا فرع يباري زميله من عهد ضيف الله اليا عهد حثلين=لما ذوي مخلف خذوها حليله وشلاح بن متعب خصيم المعادين=شيخٍ على ضيده فعوله جزيله يسلم ابو سطام موف الموازين=يوم الردي يمناه تبخل بكيله وهادي راع النقره لنا درع ويمين=الله يرحم شايبٍ هو سليله دايم جديد ومن شيوخٍ جديدين=وذي شجرة الحماد دايم ظليله وامدح دهاليسٍ على الموت جسرين=لاصار طعم الريق كالحنظليله شيوخ قوم حمول قبٍ شياهين= لا ولع الحراب راس الفتيله ومدحت من ربعي رجالٍ قليلين=لاتحسبون اللي ذكرته حصيله العود عقب له زحولٍ مهيبين=مثل الجبال الراسيات المهيله هذي حقايق والحقايق براهين=ماهي حكاية الف ليله وليله هذا ونا اخوكم وسويت بيتين=عظم العرب وامجادكم ترتكي له كل الجماعه عندي عيون ويدين=وارج السموحه كان فيهن هزيله واللي حضر من حرب حقه على العين=مدحي لربعي بعض مدح القبيله حرب امنا ندي لها الحق حقين=والام مدح عيالها تنتشي له وصلاة ربي عد همس المصلين=على نبيه مصطفاه وخليله |
رد: بين يدي الشيخ زيد واهل العلا صح السانك قصيده جزله من رجال جزل وفففففففففففففففففففففففففففففففففففففففففففف لك التو فيق دمتم سالمين |
رد: بين يدي الشيخ زيد واهل العلا
العود عقـب لـه زحـولٍ مهيبيـن=مثـل الجبـال الراسيـات المهيـلـه هـذي حقايـق والحقايـق براهيـن=ماهـي حكايـة الـف ليلـه وليلـه لا هنت ابو عبد العزيز وصح لسانك مليون مبطي وأنا اتحرى هالقصيدة |
رد: بين يدي الشيخ زيد واهل العلا صح السانك خلف الفريد صح السانك عظم العرب صح السانك صح السانك تقبل مرووووري واحترامي |
رد: بين يدي الشيخ زيد واهل العلا بهـا فكـره وصـارت مضاميـن === والحمـد للمعبـود صـارت جميلـه ويا مرحبـا ومـن التحايـا ملاييـن ===عـد النجـوم وعـد وبـل المخيلـه باللابه الـي قـرة النفـس والعيـن ====لاجـا نهـارٍ فيـه حطـه وشيـلـه كان انهـا بالجـاه مثـل السلاطيـن ==== وكان انها بالحرب سيـوفٍ صقيلـه ابو عبدالعزيز شااااااااااااااااااعر شاعر مبدع وابيات جزلة عساك تسلم ذخر وفخر تقبل مروري وتحياتي لشخصكم الكرررررررريم |
رد: بين يدي الشيخ زيد واهل العلا اقتباس:
الله يبض وجهك على هالرائعه ابوعبد العزيز لاتبخل علينا نريد المزيد.... |
رد: بين يدي الشيخ زيد واهل العلا بسم الله عبد العزيز الفريدي مرورك كمرور العود الازرق في مجلس النشاما ابو عزام مرورك عبق تمكن من الاعماق وآسف على التاخر مقبل بن نمران راقٍ في كل شيء في الشعر في التشجيع في الاسلوب التخاطبي ابياتك الخمسة همسات محب ونسائم صبا وانا اقرأها تكاد تكلمني لتقول انا جزء منك لك حبي الخالص، بقايا انسان وانت صح لسانك ودمت في الوجود ايها الجاد الجديد الفريدي وانت يسلم لي راسك وطلتك وطلة توقيعك السامي حفظ الله رافع كفيه وغفر لوالديه ابن جدعاء وانت بيض الله وجهك ونور قلبك بالهدى والايمان |
رد: بين يدي الشيخ زيد واهل العلا خلف الفريد اقف لك احتراآ ايها الشامخ بشعرك واخلاقك العالية وطيبتك اللامحدودة هذا ماعندي من تعليق وصح لسانك انت ومقبل النمران واخوي ابو ياسر (( مقبل بن علي النمران )) هذا اقل ماقدمه لك |
رد: بين يدي الشيخ زيد واهل العلا ابوعبدالعزيز000كفيت وفيت الله يمد بعمرك تقبل مروري وفائق احترامي |
رد: بين يدي الشيخ زيد واهل العلا صح لسانك ابوعبد العزيز لاهنت ولا هان البنان واللسان |
| الساعة الآن 05:12 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir