ياالله ياسامع دعاء كل مكروب=ياكاشف الغمة وفارج اكربها
ياشافي ٍ نبيك الصالح ايوب=وياواهبه اعظم عطيه كسبها
وياحافظٍ يوسف بدعوات يعقوب=مع فرحةٍ عاد البصر من سببها
نطلبك يالمعبود ياخير مطلوب=ياعالمٍ صدق النفوس وطلبها
ترد لقلوب المحبين محبوب=الوالد اللي في حضوره طربها
وفي جيته تحيا من الفرحه قلوب=وتسعد به أجفان العيون وهدبها
يا الله ياللي نطلبه كل ماجوب=ودعوات خلقه بالعداله وهبها
مقسمه ما بين بلدان وشعوب=عنهم نسايم رحمته ما حجبها
سبحانه الوالي رجيناه بسلوب=وفي شيمة كبار المعاني وادبها
إنه يديم الخير في كل مكتوب=وايام أبومتعب يقفي تعبها
يلبس لباس الـعافيـه لبســـة الـثوب=وتقبــل له سنين ٍ يذعذع شبـبها
وترقد عيـون ٍ دونها النوم محـروب=من يوم غادر ما تطابق هدبــــها
بكل العــروبه وين ماراح مصحوب=كــل ٍ يكرر دعــوة ٍ له طـــلبها
من واحـد ٍ مادونه الباب محــجـوب=يسمع دعاوي من دعاه ويجـبها
ماطـاب له زاد ٍ ولا طاب مشـروب=مدة علاجه كل شــعبه حســبها