مجالس الفرده - ((( النفس العزيزه )))

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - ((( النفس العزيزه ))) (http://www.alfredah.net/forum/threads/alfredah27609/)

((( النفس العزيزه )))

من زمان وكل ماقلت اتصل واسأل واجيه=عية النفس العزيزه كن حاديها حدي
وكل ماقلت الخواطر فدوة اللي نشتريه= صار بالخاطر كلام وضاع رقمك من يدي
والاشاره تكفي الصقر المعرب والنبيه= وانت حر وفاهم ٍ كل الكلام ومقصدي
والرفيق اللي نعزه واجب(ن) نشره عليه=لو ماغلاه اللي جبرني كان وفرت اجهدي
والهقاوي ماتخيب من توجه له يبيه=طيب(ن) من روس ربع(ن) يزحمون المعتدي
والخوي فعل البلالي واضح(ن) ماله شبيه=يوم قالت يا(دخيل) وداعتك عمر ولدي
ثم فدى عمره خويه لأجل عين(ن) تحتريه=ساق روحه فدوة اللي رافقه واصبح فدي
والله اني مامدحتك لأجل شي(ن)مرتجيه= وسهيل في جملة كلامه مامدح غير الجدي
وانت للعلياء تروم وكل طيب(ن) تهتويه=والردي لو فز مره ! دائمآ يبقى ردي !

وسلامتكم ,,,,

رد: ((( النفس العزيزه )))

وانت سالم وغانم
صح لسانك وعلا شانك
اخوي فهد
جزله من راسٍ جزل
لاعدمناك

رد: ((( النفس العزيزه )))

صح لسانك اخي فهد قصيده جزله من شاعر جزل
لك مني وافر التقدير
دمت بود

رد: ((( النفس العزيزه )))

وأنت سالم اخوى غازى الفريدي
والاشاره تكفى الحر المعرب والنبيه
نعم كلام صحيح قلت فأجدت القول لله دركـ
تحيتي

رد: ((( النفس العزيزه )))

صح لسانك وعلاشأنك

الشاعر فهد الفريدي تقبل مروري

وتقديري

رد: ((( النفس العزيزه )))

صح السانك قصيدة جزلة من شاعر جزل
تقبل مروري وتقديري لك ولشاعريتك الرائعه

رد: ((( النفس العزيزه )))

أخي الشاعر القدير / فهد الفريدي :

صح لسانك ,

وقاف شامخ يستحق الاشادة ,, دمت ودامت معانيك .

تحيتي ووافر تقديري .

رد: ((( النفس العزيزه )))

قصيدة رائعه جدا صح لسانك
تقبل مروري اخ فهد

رد: ((( النفس العزيزه )))

فهد صح السانك
حكم حكيم وحبكة شاعر
وتجارب
لاغرابة فيها من شاعر يملك الكثافة
الشعرية بحجمك يافـــهــد..

رد: ((( النفس العزيزه )))

الاخوان الاوفياء

ابو حمد

النمر الارقط

غازي بن عجاب ابو زوايد

علي الجضعان

ابن مطيع

نواف فارع

ميس الريم

غازي الفريدي

اشكر لكم حضوركم الرائع والجميل

لاهنتم ولاعدمتكم ....