هـاض هاجـوسي على الشعـر و القـاف استقـام= والقـريحـة حـضّـرت لـي قـبل ما ارسلــها
الفـرايـد تـزهـم إخوانـــها هـيـا الهـمـام= الهـدف قــدامـنا والــدروب انــدلـــها
ضـوح بـدرن شـارقـن ما يغــيطـيه الظــلام =والنجـوم السـاطـعة خــفتـت واحــتلــها
لادعـانـي داعــي العــز شـديـت الحــزام= الجــزال اخــزهـا والـهــزال ازلـــها
ياسـلام الله عـلى الـلي خذا النخـبـة ســلام =التـهاني و التــباريــك جــته بحـلـــها
جـايـزةعـبد العـزيز الشـهـيـرة و الـوسـام =اشـهـدنـه يا عـرب بالـفعـل كـفـون لــها
نخـبة النخبة تجي مـركـزن لــه كـل عـــام= فـي مغاتيــرن تفـــوق المــناقـي كلــها
كـنها لـون الـبرد سـاع طــاح مـن الغمــام= تعـكس اضـواء الشمس في نورها عكـسن لـها
والـوصـايـف جـل خـلاقــهـا رب الانــام= ان نـضـرت لـدقـها وان نـضـرت لجلــها
الفحـــل ياقـف لـيا جـاه بالزمــل الكــلام=الســوالـف بالمــشاهـير صـك اسجلــها
وكـل وضحـا ًطافحــن زينها فــوق العــلام= ماتــوقـع دوجـت بالخـليــج احـلاًلــها
روسـها طــفاح ٍاعـراض و خــشومٍ ارثــام =مــاتـحـكـم فـي طـراخيـمها وسـبلــها
والرهـا بـرقـابـها الـجـرد منـتـله امــام= لو تـظاها بـونـش الابــراج مـاوزن لــها
والجروم اجــبارٍ كــبار مع طــول القــوام= يـصـغـرن الـطـرش لامـنهن بـارن لــها
كـايـفــة في كـل الاوصـاف لله التــمــام= الله انـه مـن عــيون النـحـوت يـضلــها
يوم خضّـت ساحـة العـرض تمـشي بانسجــام =ينـدفـع معـها راع الصـنف لاعـايـن لــها
كنــها طابـور جيـشـن مــدرب للنـظــام= مـع وصـايفـها الجـميـلـة حــلاوة دلــها
لا دعــاهــا صــوت ندابها لبـت اشــمـام= ويـن مـاصـد المـطـية لـها تـزر فـلــها
في مكـانـن جـامعـن كـل صفـوات الجهــام= كـل بـدون حـضّـرت فــيه خـيـرت بلــها
فـرحـوا الاصحـاب في فـوزها شـرق ٍوشــام= والـقـلـوب الحـاسـدة تي تـمـوت بغـلــها
ذود شيــخـن دايـم الـدوم واقـف للـمهــام =والصعـيبـة لابـغـاهـاغـصـب يـاصلــها
نـاصـبن معـها البـيـوت الكبيـرة والخــيام =والمــجالـس تـبهـرالعـقـل وثـرة زلــها
لـوتجـيله حــرب في كـبرها بـرد وســلام =ولـو بـعـد معـها لفـا كثــرها مـامـلــها
محـتســيهم بالـذرا وبالـشـراب وبالـطعـام= والدلال الصـفر من نـارهـا جــاذن لـــها
يذبح الـقعـدان و الـضـان لضـيوفه اكــوام= ابـن راشـد مـا حـسـب كثـرهـا مع قلــها
فـوح طـيبه بالمبـاخـر مثل لــون العســام= ريحـته تنــطـحك بـرا قبـل تـدخـل لــها
هـو جملـها بالثــقـال البهيـضات الجـســام =حـملـته لو حـطـها مـن يــقــوم يقلــها
والخطـاب الـلي بنيـته على مـسـك الخـتـام =القـبيـلـة تفـتـخر بالــطـهـيمي كـلــها