|
من شاف ابن عتاق ؟ إن كان ابن عتاق ماهو هواوي=أنا قضيت من الهوى قبل لاجيه العالم الله يا عيون الشقاوي=قلب العنا تكشف حروفه مباديه وين انت عنا يا بعيد الهقاوي=كثرت علينا غاويات المشاريه الحب بلوى من كبار البلاوي=مجنون ليلى يشتكي من بلاويه طرف ٍ خجول برمش عينه يداوي=وليا تعافى ( العظم ) يرجع ويعميه هاذي سواة الحب حكمه عماوي=حرفين لكن من يفسر معانيه في عالمه مافاد كثر العزاوي=تخالطت حقايقه مع تساليه عن صاحبي تبطي وطاويك طاوي=وابعد عليك من السما بس طاريه خلك على صكات ! بقعا غناوي=( ريم الفلا ) مافيه شي ٍ يحاليه تجمع وتقسم والنتيجه يساوي=ريم الفلا كل الحلا منـــّـه وفيه :170: |
رد: من شاف ابن عتاق ؟ ابو عبدالسلام صح لسانك قصيدة جزلة وابياتها كل بيت اجمل من الثاني وزاد روعتها أسم شاعرها تحياتي لك... |
رد: من شاف ابن عتاق ؟ صح لسانكــ شاعرنا نواف فارع قلت فأجدت وقرأنا فإستمتعنا بما قرأنا لله دركــ وننتظر خلف بن عتاق الفريد تحيتي |
رد: من شاف ابن عتاق ؟ صح السانك شاعرنا نواف فارع رائع في شعرك ورائع في حضورك مبدع شاعرياً ما شا الله قصيدة ذات الرسالة لشاعرنا الكبير خلف ابن عتاق ولاكن لن تمر مرور الكرام امام عندليب المجالس!! |
رد: من شاف ابن عتاق ؟ الله الله رائعة هذه الأبيات ،، نداء جميل في بدايتها وتميز جميل بالوصول إلى المعاني ، حقيقة الشعر له أهله .. صح لسانك يا أبو عبدالسلام وبانتظار أبو عبدالعزيز الفريد .. ليطلّ علينا برائعة أخرى مثل هذه الرائعة .. |
رد: من شاف ابن عتاق ؟ صح كلك أخوي سهم , وردودك فكل رد أرى جانب مشرق جديد , ويثبت لي أني بين ربعي أكيد , هل الوقفات والقول السديد . دمت وتقبل تحيتي وتقديري . |
رد: من شاف ابن عتاق ؟ صح لسانك يا أبوعبدالسلام قصيدة جزلة بيض الله وجهك . |
رد: من شاف ابن عتاق ؟ أبوفيصل صح بدنك ونقدك وكلماتك , مررت فبهرت وعبرت فعطرت , عيني وعلى راسي بحضورك ومرورك . |
رد: من شاف ابن عتاق ؟ صح كلك أبوصالح , وأمير بكلمتك وأخلاقك , لاهنت يا شوق البنت , وفي انتظار ابوعبدالعزيز , لو إني أتوقع إنه يعيش أحلام اليقظة البعيدة ههههه . دمت بشخصك وقامتك أميرا . |
رد: من شاف ابن عتاق ؟ عيوني الثنتين أبوفياض , ومن أنا لولا الله ثم حضوركم ومروركم , وفي انتظار أبوعبدالعزيز , لأستفيد من علمه وشعره , كما اسفدت من نقدك ومرورك وحضورك , صح كلك طال عمرك . ودامت لياليك وأفراحك على طاعة الوالي سبحانه . |
| الساعة الآن 08:27 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir