|
قالت وقلت ..... وكأنها مصادفه بعد قصيدتي ابو عمر وابو فيصل !!! اتصلت بي شاكية باكية ... وقالت : قالت قريت اللي قريته وكدرني=شيٍّ على المكشوف!! كلٍّ يذيعه!! كيف الحبيب اللي بعينه تخيرني=اليوم عنده صرت مثل الوديعه وكني مجرد لحظةٍ .. ثم يهدرني=حتى سنين العمر ماهي شفيعه!! لو مايخاف انه مع الوقت يخسرني=على الاقل وشلون قلبه يطيعه!! هو حق يوم انه بالاذلال يشعرني=يشكي سهوم الحب ..وانا الصريعه!! اقسم بربي ... بالثلاثين يكبرني=وانا شبابي يابن عتاق في ريعه والله ما اذكريومٍ على فعل يامرني=الا جوابي سم.. لو ما استطيعه كنت استمع كنك على لوح سامرني=وفصاحتي راحت سرابٍ بقيعه ماكنها الا بالاصابيع تمزرني=ومن كل عضوٍ فيّ تاخذ مزيعه قلت الغزل .. يابنت كله "حَوَرني"=ورعود صيفٍ ..يوم قفّى ربيعه مار اصبري ..قالت عسى الله يصبرني=لو باعني ببلاش..والله ما ابيعه !! |
رد: قالت وقلت ..... اخوى الكبير خلف بن عتاق الفريد الحمدلله تحرك الماء الراكد بمشاغبات الشباب حتى تحركت قلوب الشياب ومن يوم صارالفرق فوق الثلاثين وهى عمرها الان ثلاثين يعني الله المستعان تعدينا الستين انا وبن جضعان برى اللعبه تبقى ابا عبدالعزيز كما عرفتكـ الوفى متشربه بدمك ابيات أعجبتني من شاعر يجيد التعامل مع القصيده تقبل مداخلتي ولك تحيتي |
رد: قالت وقلت ..... عندليب المجالس وعنوان الابداع وقمة العطاء قصيدة جزلة من شاعر جزل جزل تعودنا منه الحضور الراقي والمشاركات الفعّاله شكرا لك على هذه الاضافة وصح لسانك ابا عبدالعزيز تقبل وافر التقدير |
رد: قالت وقلت ..... ابوعبدالعزيز صح لسانك مافيك حيله مشكوووووور والله يعطيك الف عافيه تقبل مني وافر التقدير والاحترام دمت بود |
رد: قالت وقلت ..... دائماً نجد لي شاعرنا... مدخلات رائعه أو مشاكسة في الأصح ولاكن تنتج لنا بأن جميع القلوب تغمرها السعادة في المداخلة بجميع أغراض الشعر التي يكتبها قلم خلف الفريد....... شاعر كبير بشاعريتة الفذة وبأخلاقة العالية هنيئاً لنا بهذا الشخص :073: صح السانك ابا عبد العزيز:024::024: ودمت بحفظ الباري ........... ان شا الله:123: |
رد: قالت وقلت ..... ثلاثين ياظالم تصدق أنك تقصدابوفيصل على العموم الف شكر على التفاعل اباعبدالعزيز وأنا متأكد أنك تقصد غازي العجاب مرورك عطر ومشاركتك تشجيع هلابك |
رد: قالت وقلت ..... عدت لنا ابا عبدالعزيز وعاد الابداع معاك شوقتنا لك ولشعرك الرائع فلك وحشه في القلوب صح لسانك وبيض الله وجهك واطال الله بعمرك لك خالص تحياتي وتقديري |
رد: قالت وقلت ..... صح السااانك ابا عبد العزيز وياهلا وسهلا فيك وين الغيبة اللة يحفضك دمت بخير وعافية |
رد: قالت وقلت ..... قالت وقلت وقولكما مشهود جميل قولكما بالحق له عهود يجرح المشاعر والقول بالعشاق مسرود ابيات نظمت جمالها جمال الـــورود ومعانيها للـــهواوي برق ورعود تنذر ذا وتصلــح ذااك وحــــافظة للوعود قصيـــدة بخـــــرت المجالس بالمـــسك والعــــود و حين مررت انفرطت كلماتـــي من فكري كانفراط حبات الخــرز من العقود اعجابا بالقصيدة كأعــجاب العقـيم بالمولود |
رد: قالت وقلت ..... صح لسانك وعلا شانك ابا عبد العزيز نور المجلس بوجودك دمت بالف خير |
| الساعة الآن 04:57 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir