مجالس الفرده - قصيدة بسيطة في الشيخ ( عليان الطهيمي )

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - قصيدة بسيطة في الشيخ ( عليان الطهيمي ) (http://www.alfredah.net/forum/threads/alfredah26780/)

قصيدة بسيطة في الشيخ ( عليان الطهيمي )

هذه مشاركة بسيطة من الارشيف واتمنى ان تحوز على رضاكم

سلام ياشيخ ٍ يطيب الفخر فيه
****************اعداد نجم ٍ بان في كل ليله
سلام من قلب يوده ويغليه
****************سلام ياصل له على أسرع وسيله.
الشيخ أبو فواز مأدري شسميه
****************شيخ الفخر وإلا زعيم القبيلة
اسمه ينومس كل من جاء يطريه
****************وشوفه يزيد الفخر ما حد ٍ مثيله.
من ماضي التاريخ كل ٍ يحييه
****************حيث إن شخصه كاسب ٍ للجميله
الطيب عنده زايد ٍ من يجاريه
****************ماشوف مثله معتلي فالطويله
باب الكرم مفتوح وهذي مباديه
****************الجود طبعه والمكارم حصيله
وكل النشاما للفخر دون تنزيه
****************لكنّ أبـو فـواز ذكـره دلـيله
يملك خيار الذود مأحد ٍ يضاهيه
****************إبل ٍ مغاتير ٍ سمان ٍ ثـقـيله
جابت له النخبه تحانا وتهديه
****************وتقول مثلك يستحق الجزيله
يستاهل العليا وتسلم مساعيه
****************راع الكرم والجود مزبن دخيله
وياسامع ٍ صوتي ترى العلم تنبيه
****************وصل بيوت الشعر لو هي قليلة
قل له سطع نجم الجدي من يوازيه
****************تساقطي يانجوم محد ٍ عديله
وصلاة ربي عد من قام يدعيه
****************واعداد ماهل المزن من هميله
على نبي ٍ كل مسلم يزكيه
****************شفيعنا في موقف ٍ نحتسيله

وسلامتكم

اخوكم : محمد الفريدي