هلا بالشعر دامه طق بابي = على الماجوب وأرهي له زهابي
يحل بديرتي ضيفٍ معزز = وأسولف به على غر السحابي
وهو والله عنيد وحس شارد = ليا عمد عليه وإنتحابي
إذا جيت أبتدي به وأتهيا = تنكبني وجاني وإبتدابي
أنا وياه في صوله وجوله = أجي له عشق ويجيني منابي
أزعل حضرته وأرضي غروره = وأشد خطامه لدرب الصعابي
خذيته يم طاروق الجزاله = أو ليا قلت ياقومي سرابي
يذكرني زحول الطيب كله = عيال العود مروين النصابي
لباس البأس وجبال السرايا = حيودٍ مابهم لين ولبابي
ليا دقت طبول الحرب أخيذه = فتاهم جن والشايب شبابي
وليا منا على هذا سكرنا = بسكرٍ غير سكرك يالشرابي
بسكر فعولنا وخيول ربعي = تدك جبال بسيوف وحرابي
يصيح الطفل في مهده ويأبى = طعامٍ غير دمان الرقابي
وناخذ من معادينا حلاله = ونارد به دياره مانهابي
وليا منا على عده روينا = شلعناها وهم سودٍ غضابي
ولاناخذ غير من يعجز يجيبه = جحافل قوم كأزوال الهضابي
وعلى هذا ليا منا فزعنا = يقول المستغيث العيش طابي
لو إنه ينتخينا لعرش كسرى = بحوافر خيلنا يصبح ترابي
ومن جانا عليه الوقت قاسي = يعيش بعز مرفوع الجنابي
يتقاسم مالنا طيب وشهامه = ومن الميراث قسمه مايغابي
يو الله يدله وينسى ربوعه = ويتسمى بالفريدي مايعابي
وكلٍ بالقبائل فيه حقه = على المعروف وعلوم الصوابي
لهم بالمجد رايه ماتخفى = مأضيع حق بنهاية جوابي

هلا بالشعر دامه طق بابي = على الماجوب وأرهي له زهابي
يحل بديرتي ضيفٍ معزز = وأسولف به على غر السحابي
وهو والله عنيد وحس شارد = ليا عمد عليه وإنتحابي
إذا جيت أبتدي به وأتهيا = تنكبني وجاني وإبتدابي
أنا وياه في صوله وجوله = أجي له عشق ويجيني منابي
أزعل حضرته وأرضي غروره = وأشد خطامه لدرب الصعابي
خذيته يم طاروق الجزاله = أو ليا قلت ياقومي سرابي
يذكرني زحول الطيب كله = عيال العود مروين النصابي
لباس البأس وجبال السرايا = حيودٍ مابهم لين ولبابي
ليا دقت طبول الحرب أخيذه = فتاهم جن والشايب شبابي
وليا منا على هذا سكرنا = بسكرٍ غير سكرك يالشرابي
بسكر فعولنا وخيول ربعي = تدك جبال بسيوف وحرابي
يصيح الطفل في مهده ويأبى = طعامٍ غير دمان الرقابي
وناخذ من معادينا حلاله = ونارد به دياره مانهابي
وليا منا على عده روينا = شلعناها وهم سودٍ غضابي
ولاناخذ غير من يعجز يجيبه = جحافل قوم كأزوال الهضابي
وعلى هذا ليا منا فزعنا = يقول المستغيث العيش طابي
لو إنه ينتخينا لعرش كسرى = بحوافر خيلنا يصبح ترابي
ومن جانا عليه الوقت قاسي = يعيش بعز مرفوع الجنابي
يتقاسم مالنا طيب وشهامه = ومن الميراث قسمه مايغابي
يو الله يدله وينسى ربوعه = ويتسمى بالفريدي مايعابي
وكلٍ بالقبائل فيه حقه = على المعروف وعلوم الصوابي
لهم بالمجد رايه ماتخفى = مأضيع حق بنهاية جوابي