قناعتي ... هي أكبر الكون عندي=حتى ولو جاملت نايف وسلطان
تبقى القناعه في مقام الافندي=وتبقى ثوابتها على خمس الاركان
عـلــيّ أنا أبوي وصــّـاه جدّي=ولا , وصلني خطّ جدي إلى الآن
ومهما يطول الوقت ماباح ســدّي=يمكن لها تــالــي إلى الآن مابان
مثل البحر مابين جزرٍ ومدي=ومثل الحياه أحيان ,, وأحيان ,, وأحيان
ومثل الرتب مابين ضابط وجندي=وبعض القصص تبدا على كان ماكان
لكن معانيها غموض وتحدّي=هاذي هي الدنيا على مـــرّ الازمان
ياويل حالي صدق ويا وجد وجدي=ويا زين عرعر لا تضايقت يا فلان
وإذا بغيتم قصتي .. كــــــان ودي=يسمح وانا أقراها على كل الاخوان