|
~~((( العطا ماهو غريب )))~~ اعزائي منتسبي هذا الصرح الشامخ طبتم وطاب اللقاء بكم ,, اولآ / اعذرونا على عدم تواجدي في الفتره السابقه ثانيآ/ هذا النص حصل على المركز الاول في مسابقه بأحدى المواقع .. اتمنى ان يشفع لغيابي وينال اعجابكم ,,,, ((( العطا ماهو غريب))) العطا ماهـو غريـب لابذلـه الصادقيـن=حي والله هالجهـود وديـرة(ن) بعيالهـا يارجال الخيـر هـذا ديـدن(ن) للطيبيـن=بـارك الله بالرجـال وحـي والله فالهـا الجهود اللي بذلتوا للوطن في كـل حيـن=واضحه مثل الشروق وفيتـه فـي جالهـا مركز(ن) خيري يساعد كل من جاله حزين=يسعف اللي حال دونه كلمـة(ن) ماقالهـا عاجز(ن) عن كل شي ومالـه الا يامعيـن=واستجـاب الله دعائـه والرعايـه نالهـا والعلاج اللـي يعسـره امًنـوه القائميـن=ابذلوا كـل الجهـود لصحتـه واحوالهـا في سبيل الخير فعل الصادقين المحسنين=وفـروا لـه مايكفـي حاجتـه واكمالهـا راتب(ن) شهري لحده من جهود الصالحين=والصعايب طوًعوها فـي سبيـل اجيالهـا (عنيزه)اللي كم لها بقلوبنا حـب(ن) ثميـن=ساكن(ن) فينا هواها لـو تطـول اميالهـا والبلاد اللـي حباهـا ربنـا بالمسجديـن=طيبها من جود اهلهـا والمكـارم حالهـا حكمها شرع الأله وسنة الهـادي الاميـن=حبها واجـب علينـا والوفـا يبقـى لهـا للمليـك ارواحنـا نفديـه فيهـا والبنيـن=من عهد عصر الجدود اللي وفت بقوالهـا وسلاااااامتكم .. فهد بن جنب الفريدي |
رد: ~~((( العطا ماهو غريب )))~~ اخوى فهد الفريدي صح لسانك واعتلاء شأنك جزله من جزل تقبل مرورى وتحياتي |
رد: ~~((( العطا ماهو غريب )))~~ فهد الفريدي صح لسانك وعذرك مقبول وأضافه رائعه وأنت أروع وباهلابك |
رد: ~~((( العطا ماهو غريب )))~~ صح السانك أخوووووي فهد على القصيدة الجزله بيض الله وجهك ونا أقول تحتل هنا المركز الأول تقبل مرررروري وتقديري لك |
رد: ~~((( العطا ماهو غريب )))~~ صـــــــــــــح السانك وسلم بنانك يافهد بن جنب قلت الجميل من الوزن الثقيل خذ تحيه يالاصيل ابن الاصيل |
رد: ~~((( العطا ماهو غريب )))~~ اقتباس: المشاركة الأصلية كتبت بواسطة ؛؛ فهد الفريدي ؛؛ http://www.alfredah.net/vb/alfredah_...s/viewpost.gif اعزائي منتسبي هذا الصرح الشامخ طبتم وطاب اللقاء بكم ,, اولآ / اعذرونا على عدم تواجدي في الفتره السابقه ثانيآ/ هذا النص حصل على المركز الاول في مسابقه بأحدى المواقع .. اتمنى ان يشفع لغيابي وينال اعجابكم ,,,, ((( العطا ماهو غريب))) العطا ماهـو غريـب لابذلـه الصادقيـن=حي والله هالجهـود وديـرة(ن) بعيالهـا يارجال الخيـر هـذا ديـدن(ن) للطيبيـن=بـارك الله بالرجـال وحـي والله فالهـا الجهود اللي بذلتوا للوطن في كـل حيـن=واضحه مثل الشروق وفيتـه فـي جالهـا مركز(ن) خيري يساعد كل من جاله حزين=يسعف اللي حال دونه كلمـة(ن) ماقالهـا عاجز(ن) عن كل شي ومالـه الا يامعيـن=واستجـاب الله دعائـه والرعايـه نالهـا والعلاج اللـي يعسـره امًنـوه القائميـن=ابذلوا كـل الجهـود لصحتـه واحوالهـا في سبيل الخير فعل الصادقين المحسنين=وفـروا لـه مايكفـي حاجتـه واكمالهـا راتب(ن) شهري لحده من جهود الصالحين=والصعايب طوًعوها فـي سبيـل اجيالهـا (عنيزه)اللي كم لها بقلوبنا حـب(ن) ثميـن=ساكن(ن) فينا هواها لـو تطـول اميالهـا والبلاد اللـي حباهـا ربنـا بالمسجديـن=طيبها من جود اهلهـا والمكـارم حالهـا حكمها شرع الأله وسنة الهـادي الاميـن=حبها واجـب علينـا والوفـا يبقـى لهـا للمليـك ارواحنـا نفديـه فيهـا والبنيـن=من عهد عصر الجدود اللي وفت بقوالهـا وسلاااااامتكم .. فهد بن جنب الفريدي صح لسانك وعلا شانك وبيض الله وجهك جزله من شاعر جزل عودنا على الجزله سعد هذيل اعطاك تحيه وانت تستاهل وخذ التحيه الثانيه :119::119: |
رد: ~~((( العطا ماهو غريب )))~~ الشاعر القدير : فهد بن جنب الفريدي صح لسانك على هذه الابيات الرائعة تضل احد عناوين الابداع والتألق في مجالس العز والشموخ تقبل وافر التقدير |
رد: ~~((( العطا ماهو غريب )))~~ صح لسانك اخوي فهد بيض الله وجهك دايم وافي يعطيك الف عافيه لك ودي |
رد: ~~((( العطا ماهو غريب )))~~ الاخوان الاعزاء غازي بن عجاب ابو زوايد علي الجضعان ابن مطيع سعد بن هذيل ابو حمد منصور الوسوس النمر الارقط اشكر كل واحد ٍ منكم شكرآ جزيلا يليق بمقامه وقدره العزيز حضوركم شرف ووسام من الدرجه الاولى لمتصفحي المتواضع لااااااعدمتكم |
رد: ~~((( العطا ماهو غريب )))~~ فهد الفريدي جزله من راس جزل تستاهل الاول وفالك التوفيق تقبل مرروي |
| الساعة الآن 12:16 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir