|
سعد وباسمه للسعد غيث وآمال . العقيد / سعد بن محمد بن سدحان الفريدي إمتداد لـ جيل من النبل والمرؤة تجده أمامك في الوقت الذي تحتاجه فيه كم فيه ابو محمد وكم فيه رجال=بالاسم لكن بالفعايل قليلين وكم فيه صاحب لكن العلم لاطال=يبقى صفر ماله مقر وعناوين وأنا ليا مني زبنت أزبن جبال=مأقول كيف إوين وشلون ومنين أختار لي رجال وافي ومدهال=قوي باس وضلع ولسان ويدين عزيز له عند العرب قدر وجلال=يحسب حسابه من دهاة السلاطين ماشاخ يومٍ العرب شيخة ريال=وطى الريال وحط فوقه من الدين حتى الكرم يبقى على كل الأحوال=من سلم جدانه وسوم ونياشين ان قال طال ويسبق القول الأفعال=نسل الكرام الطيبين الشريفين ابو محمد طيب الصيت والفال=من الرجال الصادقين المسمين تحتار بأطيبهم وفاء جود واقبال=الشامخين بكل طيب السداحين سعد وباسمه للسعد غيث وآمال=في وقفته يبني على اسمه براهين جيتك وأنا مالي على الحلم مدخال=إلا أنت يالوافي كريم الحجاجين وأنا تعبت برحلةٍ كلها أميال=تحسب بدربي والمسافة ملايين في جاهك الطيب على العد منزال=في وقت يبغاله جهاد ومضامين واسلم وفيك المدح والشعر لازال=يبني على دربك صروح وميادين . |
رد: سعد وباسمه للسعد غيث وآمال صح لسانك ابا ياسر يستاهل المدح ابو محمد شئ يدعو للفخر والاعتزاز ان نجد هذه الصفات النبيلة التي ليست بغريبه على عيال راشد .. لك وافر التقدير على هذه المدائح التي يستحقها العقيد سعد دمت بخير وعافية وبيّض الله وجهك تقبل وافر التقدير |
رد: سعد وباسمه للسعد غيث وآمال صح لسانك يستاهل ابومحمد يعطيك العافيه على القصيده الجميله تقبل تحياتي |
رد: سعد وباسمه للسعد غيث وآمال كــــــــــــــــــــفــو كفويستاهل العقيد سعد محمد ولايستغرب منه الوفى والحموه براسه من نعومة اظفاره ويستاهـــــــــــــــــــ ـــل وصـــــــــــح السانك يابو ياسر قولة القول المليح من قلبك الصريح تقبل تحياتي |
رد: سعد وباسمه للسعد غيث وآمال اقتباس: المشاركة الأصلية كتبت بواسطة منصور الوسوس http://www.alfredah.net/vb/alfredah_...s/viewpost.gif صح لسانك ابا ياسر يستاهل المدح ابو محمد شئ يدعو للفخر والاعتزاز ان نجد هذه الصفات النبيلة التي ليست بغريبه على عيال راشد .. لك وافر التقدير على هذه المدائح التي يستحقها العقيد سعد دمت بخير وعافية وبيّض الله وجهك تقبل وافر التقدير صح بدنك ويستاهل ابو محمد بدون قصور بعيال راشد وهذا سلم الكرام يفتخرون بالطيب منهم وجهك ابيض يابو يارا تحيتي . |
رد: سعد وباسمه للسعد غيث وآمال يستاهل ابومحمد وفيت أباياسر الله الله الله صح لسانك يامهندس القافيه بصراحه لو المتنبي يقصد نبط كان قلت خليفته سجل مروري وتقديري وأعجابي ولنا الفخر أن تكون من كوكبة المجالس |
رد: سعد وباسمه للسعد غيث وآمال صح السانك وعلى شانك ابا ياسر على هذه القصيدة التي تسمو بك وبا العقيد ابن سدحان سعد يستاهل وأنت وافي ومدحك لسعد نعتبره لنا كلنا بيض الله وجهك تقبل تحياتي وتقديري اخوك / مبارك بن ناصر بن حديد |
رد: سعد وباسمه للسعد غيث وآمال اخوى ابو ياسر انت مدحتنا قبل تمدح العقيد سعد بن محمد بن سدحان ولاشك إن ابو محمد يستاهل المدح ونرفع روسنا به وبشرواه صح لسانك ابو ياسر وهذا من وفاك وعادتك الجزاله تحيتي |
رد: سعد وباسمه للسعد غيث وآمال مقبل بن نمران صح لسانك ولاهنت على هذه الجزله في أحد رجال الفرده الافذاذ في وقتنا الحاضر ولا عجب وهو سعد ابن سدحان .. تقبل تحياتي |
رد: سعد وباسمه للسعد غيث وآمال اقتباس: المشاركة الأصلية كتبت بواسطة مقبل بن نمران http://www.alfredah.net/vb/alfredah_...s/viewpost.gif . العقيد / سعد بن محمد بن سدحان الفريدي إمتداد لـ جيل من النبل والمرؤة تجده أمامك في الوقت الذي تحتاجه فيه كم فيه ابو محمد وكم فيه رجال=بالاسم لكن بالفعايل قليلين
وكم فيه صاحب لكن العلم لاطال=يبقى صفر ماله مقر وعناوين وأنا ليا مني زبنت أزبن جبال=مأقول كيف إوين وشلون ومنين أختار لي رجال وافي ومدهال=قوي باس وضلع ولسان ويدين عزيز له عند العرب قدر وجلال=يحسب حسابه من دهاة السلاطين ماشاخ يومٍ العرب شيخة ريال=وطى الريال وحط فوقه من الدين حتى الكرم يبقى على كل الأحوال=من سلم جدانه وسوم ونياشين ان قال طال ويسبق القول الأفعال=نسل الكرام الطيبين الشريفين ابو محمد طيب الصيت والفال=من الرجال الصادقين المسمين تحتار بأطيبهم وفاء جود واقبال=الشامخين بكل طيب السداحين سعد وباسمه للسعد غيث وآمال=في وقفته يبني على اسمه براهين جيتك وأنا مالي على الحلم مدخال=إلا أنت يالوافي كريم الحجاجين وأنا تعبت برحلةٍ كلها أميال=تحسب بدربي والمسافة ملايين في جاهك الطيب على العد منزال=في وقت يبغاله جهاد ومضامين واسلم وفيك المدح والشعر لازال=يبني على دربك صروح وميادين ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ الاخ العزيز الشاعر المبدع / مقبل بن نمران صح لسانك.. وماعليك زود اقدر لك هذا المدح والاطراء..واقول بأنه ان كان هناك شيء يستحق ذلك فهو واجب يحتمه علينا ديننا وعروبتنا والأنتماء لهذه القبيلة العزيزة . أنت شخص محير في علمك ناهيك عن حلمك. أبشر.. أبشر.. أبشر.. بالجاه والوجاه. كل الشكر والتقدير لهذه الهامة الشعرية السامقة. تقبل مروري.. وتقديري فارس الحرف |
| الساعة الآن 12:21 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir