|
أحاسيس مقروءة بسم الله الرحمن الرحيم ابدا بأول مشاركاتي في هذا المنتدى العامر بهذه القصيده راجيا ان تنـال اعجابكم يارب لك دمعي غدا سكابي انثر غزير الدمع مما صابي اشكي ذنوبٍ اغرقت صاحبها وحصيله اللي كان قيد كتابي مقيّدة رب الملا سبحانه ومايسلم العاقل بدون حسابي لجيت لك ياربي انته وحدك وماخاب منهو للولي طلاّبي أرجوك عفوك ياآلهي لني ادري بأن دعاي دون حجابي اغفر ذنوبي واعف لي سياتي واستر عيوبي عن عيون اقرابي اغفرلي ذنوبي وحل قيودي واغفر لعبدٍ من ذنوبه تابي بين الرجا والخوف حالي صارت والقلب من زود الرزايا ذابي انت الخبير وعالمٍ بالخافي ادري عن قصوري وانت ادرى بي راسي حنيه لك وماهو لغيرك لو كان طارت دونها الارقابي كل الفخر ياربي ان ساجد لك ياعليم بساير الاقطابي لوكانت الدنيا تسر ابن آدم ماشفت قلبي يالولي منصابي ولوكان لذنوب الخلايق ريحه ضاقت من الريحة عليّ ثيابي ماضام منهو رام قرب المولى اللي له اصلي واهج ركابي يالله ياللي بالسماء متعلي يامنزل الاحقاف والاحزابي يالخالق الباري عظيم الشاني يالرازق المتجبر الوهابي يالظاهر الاول وانت الاخر يالباطن الستار والتوابي يالحي يالقيوم يالمتصرف غفور لعبادك سريع حسابي يالقاهر الغفار وانت الهادي يالغالب القهار والغلابي صابر على كل الذي قدرّته راضي بحكمك مافقدت اعصابي اذكرك ثم اشكرك ياخلاقي ومن ماذكر ربه ترى ماثابي كل المجالس دون ذكرك غفلة وذكرك ياربي نال كل اعجابي عيشٍ كريمٍ ياآلهي زدني برحمتك ماهو ببذل اسبابي ترديد كلمة ياآلهي عفوك ودموعي اللي يالولي تنسابي لني مقرٍ باللذي سويته واخاف من سخطك عليّ وأهابي توحيدك الخالص جميل افعالي يكفيني انه ينكتب بكتابي مالبّي لغيرك ولا اشرك بك والدمع اغرق من رجاك اهدابي ومن فضل ربي مايرد السايل اللي لجا له يارعب وانابي وان مت يارحمن ارجو عفوك ارحم فقيرٍ صار تحت ترابي هذي قصيده قالها ياعالم شخصٍ من افعال الهوى مرتابي يقول يارحمن ارحم عبدك لاغابت الحيلة ونوره غابي وسلامتـــكم .. |
رد: أحاسيس مقروءة اخوى عظيم الشوق الله يقبل منك نوبتك ويغفر زلتك والله هو الغفور الرحيم تحيتي |
رد: أحاسيس مقروءة صح لسانك وعلاء شانك .. على هذه القصيدة الجميلة والأبيات الجزلة .. أبيات رجاء لله رب العالمين بأحلى كلمات التضرع وأصدق الأحاسيس .. طبت وطابت أيامك ولياليك بالخير والمسرات .. |
رد: أحاسيس مقروءة الله يقبل منك نوبتك ويغفر زلتك والله هو الغفور الرحيم وتسلم على الاضافه وهلابك ضيف عزيز وعلى الرحب والسعه في مجلس العزوالشموخ |
رد: أحاسيس مقروءة الله يقبل منا ومنك وصح لسانك على الابيات الجميله تقبل مروري الله يحفظك |
رد: أحاسيس مقروءة يسلم قلبك اخووووووووي غازي شاكر لك مرورك الكريم والله يتقبل منا ومنك |
رد: أحاسيس مقروءة اقتباس:
اخوووووووووووووي فهــد الطميشاء صح بدنك والله يسلم قلبك على مرورك العذب وهذي شهادة اعتز فيها طال عمرك |
رد: أحاسيس مقروءة اقتباس:
اللهم آمين .. والله يبارك فيك طال عمرك واتشرف اني بينكم واناماني ضيف مادام اني بين ربعي عيال راشد مشكووووووووووور على مرورك الكريم |
رد: أحاسيس مقروءة اقتباس:
صح بدنك والله يتقبل من الجميع شاكر لك مرورك الكريم تحيــــــــاتي لك |
| الساعة الآن 12:56 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir