مجالس الفرده - من روائع الشاعر سعيد أبن دخنان

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - من روائع الشاعر سعيد أبن دخنان (http://www.alfredah.net/forum/threads/alfredah24576/)

من روائع الشاعر سعيد أبن دخنان

الحال ياعاذلين الحال معذوره= مازال مستقبلي لغز(ن)محيرها
تمشي على غير ماتوده ومجبوره =الله على الصبر بالشدات ياجرها
لاساقني هاجسي واسرجت مظهوره =امشي مع الناس ماكني مسايرها
امشي مع الناس بسم الجسم والصوره= و اسم الوناسه ثمان اسنين هاجرها
عمال ضايق وحالي تقل مسحوره= مدري عنى وقت والا ولف ساحرها
تتوق مع عالم التفكير وبحوره= هجسٍ يسندبها وهجسٍ يحدرها
والقلب به علة النسيان مشهوره= لوحاجتة قدم عينة زم ناظرها
ماعاد يقدى قدم رجلية ناظوره =لو طال سير المسافه مايقدرها
وكبدي عن الزاد بالحرمان مسموره= لوطاب مأكولها ماطاب خاطرها
وعيني مناديلها بالدمع ممطوره= دايم على خدهاذراف حاجرها
تمسي وتصبح بليلٍ ماكشف نوره=يامدبر الكون باحسن حال دبرها
صبرت والصبر منه الحال مدموره =ياحالي اللي طويل الصبر دامرها
متكلفه بالكليف وزادها جوره= دنياً تكاليفها يبحل معاصرها
سقنابها الرجل ميسوره ومعسوره= في طرد الاسباب والخيره ندورها
والرجل بالمشي منهيه ومأموره= الله على الخير ينهاها ويامرها
مضيت عقد الزمان أيام وشهوره= بوهام الأحلام وأرجي حمل عاقرها
حتى تردى النصيب وصار ناقوره =من بين الأصباع كنه من خناصرها
وأصبحت لأمر الحقيقه تقل سبوره =عن ساير الناس ماتخفى سرايرها
في ماضي الوقت حال الإيد مستوره =بالغفله اللي شربنا مر حاضرها
واليوم بالقلب هجسٍ حطم شعوره= مخفيته النفس مبديته مشاعرها
ياحن قلبي حنين الخلج مقهوره= ردوا مصاغيرها وساقوا عشايرها
أوحن من حن ماطوره مع سيوره =الريح قافيه وشمس القيض ناحرها
أو وجد من سلعته بالسوق مكسوره =خسران بالعشر تسع أعشار عاشرها
عليك ياللي ذكرك القلب من دوره =ماضي لياليه توا القلب يذكرها
عنها حداني قليل الوفق في شوره= والحقت نفسي هوا شاير مشاورها
وزليت مع ديرةٍ جوره ومهجوره =زلت قدم سقت غلطتها بحذافرها
واليوم كل الحسايف فيه منشوره= لو التحاسيف ماتنفع مكثرها
جداي أعدي طويل الرجم وأزوره= أدله النفس لين الله يدبرها
وعسا لعل النصيب يطيب مثبوره =وتعوّض النفس ثلث من خسايرها

الشاعر: سعيد عايض أبن دخنان الحربي