قصيــدة قــــصتي في ليلة(ن) لو لي جناحين قد طرت=أثر الفرح يطير بالمودماني من عقب صوت(ن)بآخر الليل هرجت=صوت(ن)تمنيت أسمعه من زماني يوم أتصل فزيت طولي ورحبت=عجزت أعبر عن شعور(ن)غشاني من فرحتي سهران ليلي ولانمت=بس يتردد صوت خلي بأذاني قالت محمد قلت ياعيون من قلت=أحكي وقولي يابعد من حكاني قالت عرفتن قلت نعم وتشرفت=أسمك ورسمك ساكن(ن)في كياني مير حلم والا علم والا تخيلت=من كثر ما بالقلب شوق وحناني قالت أخير يامحمد تكلمت=وأنا أحسبنك تتصل من أواني ويش السبب ماتتصل بي تأخرت=قصدك حياء او خوف والا تواني اللي يحب مايلتزم جانب الصمت=ويرجي حبيبه بألامل والاماني أظن لو ماجاك مرسول(ن)أرسلت=ماتتصل تقول بلكي أحتراني والله عليك الوم مهما تعذرت=لاشك قلبي في هوك أبتلاني قلت أسمعي ياشبه ريم(ن)تربت=بارض(ن)قفر وضاريه لجفلاني لاباس أنا ياناعم العود قصرت=حقك عليه معترف به مداني مير العفو يازين كأنك تكرمت=أشرح لك اللي صار ويش كنت أعاني كل الذي هوممكن فيه فكرت=وخوفي من الاحراج عنك حداني عنك نشدت وقيل بالبيت كم بنت=وصعب(ن)أعرف الصوت دون أنشداني ومن عادتي يابنت ماقد تطفلت=بأي طريقه دون داعي دعاني هذا السبب اللي جعلني ترددت=وطبعي عن اللي فيه شك يعصاني ولاتحسبني داله(ن)عنك من غبت=بعقلي وقلبي دأيم(ن)ماتعداني ولو أنت تدري ويش عقبك تحملت=كان الذي تشكيه يازين هاني أصفق عليك الكف خمس(ن)على ست=وقول كانه ياعرب مانساني وأصبحت مافرق خميس من السبت=ولادري من اللي راح عني وجاني ومن شافني قرر عليه تهرفلت=غديت مثل اللي دخلهم جناني ودام اتصلت اليوم خلاص فرجت=هذا الذي نبيه يازين حاني يامرحبا عداد بالعين ماشفت=نجل العيون مخضبات البناني ياكامل(ن)بالزين من جيت نورت=حياتي اللي نورها منك جاني تدرين أنا وشلون في حبكم طحت=وشلون حظي في هواكم رماني ولعتني يانافل الجيل من شفت=زول(ن)أظنه نادر(ن)بالغواني شفتك وأنا اللي غافل(ن)ماتوقعت=ومع فرحتي به روعة(ن)ماتعداني أثر صحيح الزين يروع اليا صرت=غافل وخزك بالعيون الافتاني أول أشوفك من بعيد(ن)اليا أقبلت=وهمي أحسب طلعتك بالثواني آقف وكني في مكاني تسمرت=أكحل عيوني بشوف زول(ن)خذاني وأنا ادري أني ياهواءالبال كثرت=لاشك ابا الفت ناظرك ثم تراني وفرحت فرحه يوم شفتك تبسمت=دريت أن اللي بغيته بغاني عطني خبر يامشغل البال كيف أنت=عسى الامورتمشي على ماهناني عطني علومك كلها من أول الوقت=من نظرت باعجاب لقلب(ن)نواني قالت من أول نظرة(ن)شفتكم ملت=والعين هي مفتاح قلب الحساني وكررت أنا النظرات لين أستقرت=باقصى الضماير لين حبك سباني وأشغلتني والله حتى توصلت=على الطريق اللي عليكم هداني ودامت علاقة حبنا لين كبرت=ودري بها من الناس قاصي وداني وعقب ثلاث سنين بالود مرت= ولابيننا ياكود سحر البياني وشرع المحبه للمحبين سنت=لقاء الحبيب ومقابله وين كاني قلت أطلبك يازين كان أنت وافقت=تسمح أشوفك في حياتي ثواني ياسعد حظي كان يازين تمت= وتحققت للنفس بعض الاماني قالت أنا والله مثلك تشفقت=وعسى الظروف القاسيه للياني المشكله من بعد حبي لها أفلست=حظي قصر من دونها ماعطاني حسبي على اللي للمواليف شتت=اللي عن المحبوب غصب(ن)نحاني فرق قلوب لغاية الحب تعبت=وهد الذي مع صاحبي كنت باني حلوه سنين العشق كلما تذكرت=لو النهايه تصير عكس الاماني ومن عقب ماني بالفرح طرت وقعت=مايطير حظ(ن)أنكسح وستهاني |
رد: قصيــدة قــــصتي صح اللسانك ولاهنت وسلمت ودمت واااافيه من راس وااااافي لاعدمتك |
رد: قصيــدة قــــصتي قصيده غزليه جزله ورائعه ... صح لسانك وسلم بنانك ياقرناس خامس.. لاتحرمنا من جديدكــ . |
رد: قصيــدة قــــصتي
|
رد: قصيــدة قــــصتي فعلا قصيدة قصة صح لسانك وسلم رأسك قصيدة جزلة تسلم قرناس خامس |
رد: قصيــدة قــــصتي
|
رد: قصيــدة قــــصتي قرناس خامس صح لسانك ماقصرت وننتظر جديدك لاهنت تحيتي |
رد: قصيــدة قــــصتي
|
رد: قصيــدة قــــصتي لكــ ماطلبت والكل يعرف المقصود |
الساعة الآن 12:13 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir