لو سألتي عن سبب طعنات قلبي مع شقايه=كان سهلًت الجواب وقلت لك باسبابك انتي
ولو سألتي عن طعونك كم عددها في حشايه= كان قلت الك الطعون كثار .. زادت يوم منتي
لو سألتي عن رياح الغيم والشوق بسمايه=كان بينًت الجواب وكان واضح لو فطنتي
ولو سألتي عن جنون العشق وفصول الروايه=كان قلت الك الروايه يوم بعماقي سكنتي
واحتلال الخافق اللي صار حبك به ولايه=من ولايات الخيال اللي بها عشقي رهنتي
لو سألتي لحظة الغزو الجنوني في البدايه=كيف كانت ؟ والحصون اللي دمرتي واستهنتي
واستبحتي قلب عاشق ! واحتفلتي بالجنايه=والجنايه في خفوقي ليه خفاقي سجنتي
لو سألتي عن جمالك قلت لك طاغي وآيه=خالقك سبحانه اللي صورك حتى فتنتي
لو سألتي بلسم الجرح العطيب وعن دوايه=قلت قربك هو دواء كل الجروح اللي طعنتي
لكن انك تساليني عن تفاصيل ونهايه !=والفشل واحساسه اللي داخلك حتى ظننتي
الظنون آثااام ! وانتي دائمآ ظنك خطايه=وانتي انتي تعرفين الخافق اللي به مكنتي
والله انه ماتساوي مدة يدينك عطايه=كل مامديت كفي واعتلى مدي طمنتي !
انتهينا .. وانتهى الفصل الاخير من الحكايه= وانجلى زيف المشاعر والهوى بيدك دفنتي

صــــــــــــــــح الله السانك
قـــــــــــــــــلت وافلحت بالقول الجزيل
والجميل
سلمت وسلم بنانك

فهد صح لسانك وعلا شانك قصيده جزله من شاعر جزل

لاعدمناك يابو مشاري