مجالس الفرده - حفل معايده الخصيبه الثاني

أخواني أعضاء وزوار هذا الصرح الشامخ ..
أضع بين يديكم مشاركاتي في حفل المعايده الثاني في الخصيبه

انــــوب وارحب على كـل مـــــــــــوجود= وأكــــرر التــرحيب بســم القـبـيله
وأخصـــــها بشيـــخاً على الطيب معهود= الشيخ ابن حــــــــماد راع الفضيله
هــلا هـــلا بضيوفـــنا افــــراد وافـــــود =ترحــــــــــــيبة تحمل معاني جليله
عــلى الشـــحم والبـــن والهـــيل والعــود= ياهل الحــــــضور اللي قليلاً مثيله
وهــــلا هــــلا ياعــــزوتي منبع الجـود= ياألاود راشــــد كاســـــبين النفيله
أفعــــالـــكم بانـت عــلى نايــف الـطــود= وأكــــبر دلـــــــيل المجد هذا دليله
حــفــلاً تــظافــر به قـــنـــعات وجـهـود =وأصــــبح على الواقع رمزاً نجيله
الـــعـــام عيـــدنـا وذا اليـــوم مــــعيـــود =والله يــــديمه لســـــــــنين الطويله
هـــذي مــعانــي الطيب والعرف والفود= ياهل الــــــــيدين اللي تمد الجزيله
بــنــتــم وبان الــعز والبــيــت مــــمدود =بــــخصيبه ياكــــــــاسبين الجميله
عــــاداتـــكــــم ورثاً من جــدود وجدود= شبحاً على الطولات وكره الهزيله
واللـي تــعنصر ضــــدكم صار مردود =أصـــبح مهمش دور بسباب ميله
الله نـــصركم ضــد هــــافي ومــــقرود= وحـــــول من الكرسي بيوم وليله
ووقــــفاتــكم حـــدت بغــيضاً يبا الزود= شــــــــعاركم لو شبر ماتهتني له
تــــستاهــــلون الــــمجد ياتـــرثة العود =ياللــــــــي فعايلكم براس الطويله
يانــــسل منهم بالوغى تحـــــتمي الذود= تحــت البيــارق يوم لكد الاصيله
يـــــوم القــــــبايل بين طارد ومطرود= والعــــز للـــــي يحــــتمون الدبيله
في نـــــجد داجــو دون قيــداً ولاحدود= واللــــي تــحدى ذاق مـــر الفشيله
حــماية التـــالــي لصــــاح مــــلهـــود =تـــــكفون ياهل الخيل نفسي عليله
يــردون حوض الموت ماعنه منشود =عــــدوهم بالــــــــــكون واعزتيله
الــــذود مـــــأخــــوذاً والعــــد مورود =وقلايـــع الفــــــريس مثل المخيله
من ضــــــدهم يــــبشر بميت ومفقود =واللـــي سلـــم بــــعيش نفسه ذليه
تاريـخهم في نجــد مثبــت ومشـــهود =مانــــصنع التاريخ بأطراف حيله
وسـط الكتــب نقرأ لهم فعل مرصود= وقـــــول الرواه اللي تعد الحصيله
ومن ديــــرة الاخــوان نعلن للسعود= البيــعه اللــي شـــــرعها ننتمي له
بــيــعة ولاء فيـــها مواثــيق وعهود =لمـــليكنا اللـــــي مارضــينا بديله
الـحــاكم اللــي حــكمتـه ماله حــدود= طــهر بلــدنا من جيـــوشاً عميله
اللــي على دخــان عسـكر له حشود =وبسم التـــطرف شب نار الفتيله
بـالبــر يلــقى لــه مــدافــع وبــارود =وبالــجو طايـــــرتاً تزيد وتكيله
اليــن صـارالــضــلــع أكفان ولحود= وأقفى عن الدخان مشتــال شيله
بأفعـــال من هـو للوطن أعلن الذود =جيشاً مــدرب للامــور الثــقيله
وصقور نايف للوطن تحتمي الكود= كم ماكراً لاهل الــتطرف تزيله
ويازمــــرة الارهــاب يالعـبة يهود =ياهل التطرف عاشقين الرذيله
انتـــم خــوارج هالزمن علم موكود =ياللـــي حملتم كـــل فكره دخيله
دون الحـرم بنعيش له درع وجنود= وليا طلــبنا ارواحــــــنا له قليله
نـــقدم فــداء للــدين والـفعل محمود =وندحر عـــدو الدين باية وسيله
نـموت مــوت الــعز مافـــيه منقود= شهــيد لـجل الديــن ربي وكيله
وختامها صلوا على خيــر موعود =اللـــي وعــدنا نرتوي سلسبيله
_____________

وهذه هي مشاركة في العرضه التي أقيمة في الحفل

ياهل الحفله بدء عرض الســيوف= عرضة ال سعود حكام الوطن
أهل ال عوجاء لهم مجد مـعروف =ناصــرين الدين في هذا الزمن
الامام الفيصلي زال الظــــــروف= زال عنها جوع وحروب وفتن
في يمينه زال شرك وزال خوف =وحد بــلاده على خطام ورسن
من بحر جده الى ســيف الهفوف =ومن حدود الشـــام لا حد اليمن
أساس الدوله ووحد بالـــصفوف =جعل مـــــيراده على جنة عدن

تقلبوا تحياتي