|
الشعر قلت قيمته يخو هزاع للشاعر / حمودالعويني هذه القصيدة اتمنى تحوز على رضاكم لانها اعجبتني وتحكي واقع الشعر وما يتعرض اليه من محاولات تشويه من بعض المستشعرين اليكم القصيدة للشاعر / حمود بن محمد العويني ويسندها للشاعر نايف بن بادي الفريدي
الشعر قلّت قيمته يخو هزاع=من يوم كلٍ قام يشعب ذلوله من يوم صار الشعر يشرا وينباع=مال القصيد المتّزن فيه جوله تكالبت فيه المصايب والاوجاع=واستشعرت به ناس ماهي بحوله مايحرك شعورك ولايهز الاسماع=ولافيه شيٍ لاسمعته تقوله ناسٍ تثاغا به على قلت اسناع=مثل القطيع اللي على درب حوله عن الشعر بعد الثريا عن القاع=قولٍ صماط ومفردات مغيوله يوم اهجروه اهل الخزايز والابداع=مالي بسوقه يالفريدي عموله لو ابا عددهم يضيقٍ الاتساع=واجد عباقرة القصيد الفحوله |
رد: الشعر قلت قيمته يخو هزاع للشاعر / حمودالعويني صح السانه وصح احساسك ذائقة الشعر منصور الوسوس وتقبل مروووري |
رد: الشعر قلت قيمته يخو هزاع للشاعر / حمودالعويني لوابا عددهم يضيـقٍ الاتسـاع واجد عباقرة القصيـد الفحولـه ابومحمد فيما يتضح لي ان البيت هذا فيه خطأ .... القافيه عيت تجي معي قد يكون هناك اشكال بالنقل لا تصدق اني نقاد لكن اللي اعرفه ان القصيدة تجي اهجيني واذا دقر معك شي اكيد فيه خطأ بالكتابه او بالشاعر وشاعرنا من فحول الشعراء غني عن التعريف لكن قد يكون من كتبها اخطأ بها وتم النقل وش رايك استاذنا |
رد: الشعر قلت قيمته يخو هزاع للشاعر / حمودالعويني ابيات جميله اخوي منصور وصح الله السان الشاعر وبيض الله وجهك على هالنقل الجيد كما تعودنا منك |
رد: الشعر قلت قيمته يخو هزاع للشاعر / حمودالعويني أبيات جميلة ابومحمد صح إختيارك وصح لسان الشاعر وملاحظة أبو عبدالله في محلها |
رد: الشعر قلت قيمته يخو هزاع للشاعر / حمودالعويني بقايا انسان الفريدي فيصل الفريدي عبدالله الغنام اشكركم جميعاً على مروركم الجميل وامّا بالنسبة للبيت الاخير فهكذا كتابته لدي من قصيدة الشاعر وزيادة على ذلك اتصلت بالشاعر وقرأت عليه القصيدة واقنعني وقنعت وهو شاعر غني عن التعريف والجود من الماجود ياعيال راشد اشكركم على الملاحظة واتمنى تكون موجودة بكل قصيدة نقرأها وأن لاينطبق على منتدى الشعر (( غمض واجغم )) عنوان احد مقالات منتدى النقاش الجاد بل يجب ان نورد الملاحظه هذا اولاً وثانياً تتسع صدورنا لاستقبالها وهو الاهم تحياتي للجميع |
رد: الشعر قلت قيمته يخو هزاع للشاعر / حمودالعويني بسم الله احسنت الاختيار ابو محمد وتشكر عليه وملاحظة الاخوان في محلها ولو ان ابو محمد خلاها (الاوساع ) لكان اقرب للمعنى ارجو مراجعته مرة اخرى للتصحيح لك حبي |
رد: الشعر قلت قيمته يخو هزاع للشاعر / حمودالعويني ابومحمد اقبل المرور والشكر ابوعبد العزيز بالفعل يالغالي الاوساع وليس الاتساع ..<<<<< تعديل في محله بس ياجماعه اذا كل واحد صار نقاد من عنده ضاعت الطاسه والنقد له اهله دمتم بود |
رد: الشعر قلت قيمته يخو هزاع للشاعر / حمودالعويني مشكور اخوي معلا على مرورك الكريم لك صافي الود |
رد: الشعر قلت قيمته يخو هزاع للشاعر / حمودالعويني صح لسان الشاعر حمود العويني |
رد: الشعر قلت قيمته يخو هزاع للشاعر / حمودالعويني ناسٍ تثاغا به على قلـت اسنـاع=مثل القطيع اللي على درب حوله قصيدة تحكي واقع الحال المؤلم 000 ولكن العزاء 000 انه يوجد مبدعين واصحاب كلمة وقلم 0000 سلمت من الشر يا ولد ابوي |
رد: الشعر قلت قيمته يخو هزاع للشاعر / حمودالعويني بسم الله ابو بندر نحن لابد لنا بحكم المسؤوليه من ابداء النقد بل واكثر من ذلك لضمان الجوده والنقل والذوق هو الناقد شكرا على المرور لك حبي |
رد: الشعر قلت قيمته يخو هزاع للشاعر / حمودالعويني صح لسان الشاعر حمود العويني وسلمت يمين كاتبها ابو محمد |
رد: الشعر قلت قيمته يخو هزاع للشاعر / حمودالعويني يوم اهجروه اهل الخزايز والابداع مالي بسوقه يالفريـدي عمولـه صح لسان الشاعر ومشكور منصور على النقل ما اعتقد ان اهل الخزايز والابداع يتركون ابداهم والشاعر لا يهاجر مورده الشعري ابدا ولكم صافي الود نازف الحرف |
رد: الشعر قلت قيمته يخو هزاع للشاعر / حمودالعويني والله هالقصيدة بلشنا فيها عموما ترى من حقكم النقد ويجب علينا قبوله ولو على مضض لاكن ثقوا انني اسعى للاختيار الاجمل حتى نسمو بمجالس الشعر واتمنى ان يطال النقد بعض القصائد اللتي نشاهدها لكم اجمل تحية وللشاعر ان يكتب مايدور بمخيلته . |
| الساعة الآن 09:51 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir