|
~~(((لاضـــاقـــــ صـــــدرك )))~~ بسم الله الرحمن الرحيم منتديات الفرده / اداره واعضاء وزوار طبتم وطاب اللقاء بكم ,,,,, مبارك عليكم الشهر الفضيل جعلنا الله وياكم ممن صامه وقامه وغفر له اللهم آمين ... نبض اول ,,,,,, لاضاق صدرك وابتد أ داخلك هم = وشح الزمان وصرت بالحيل مرتاب وصار الملل في داخلك كنه اليم = حتى عيونك للنظر صارت اغراب ارفع يديك لكاشف الضر والغم = ماخاب من وجه له ايديه طلاب الواحد اللي بالمخاليق يعلم = هو الذي لاضقت يفتح لك ابواب لامن عطا من غير كيف ٍ ولاكم = ماشحت ايدينه على مذنب ٍ تاب يغفر ذنوب العبد لو هي تردم = ويستر خفا ذنب ٍ على صاحبه عاب والنفس للانسان تسقيه علقم =ومن لانهى نفسه عن الشر ماصاب كم واحدٍ باسباب نفسه تندم =ماينفعه دمع ٍ على العين سكاب ياقارئ الابيات .. تكفى وقل تم = خالف هوى نفسك ترى قدمك حساب من قبل لاترحل الى قبر ٍ اظلم =تبقى وحيد ٍ ملتوي فوقك الداب داب ٍ اذا ضمك ظلوعك تحطم=ضمه ماهي ضمة قريبين واصحاب يالادمي بادر على الخير واغنم=اغنم حياتك قبل تفريق الاحباب ترى الحياة اللي بها موت ٍ وغم =واجل ٍ بها لو طال محدود بكتاب واللي خلق ياناس بعروقنا دم = هذي حياة ٍ مابها غير الاتعاب وسلامتكم .. فهد جنب الفريدي .. |
رد: ~~(((لاضـــاقـــــ صـــــدرك )))~~ الشاعر فهد الفريدي صح لسانكـ يالبناخى وجعل الله هذه النصيحه بموازين حسناتكــ جزله جزله ونصيحه غاية الأهميه لكــ تحيتي |
رد: ~~(((لاضـــاقـــــ صـــــدرك )))~~ فهد بن جنب بداية حياك الله وياهلا بك بين اخوانك وربعك .......... اما هذا النبض الاولي فهو نبض فاخر ومنتظم ..... وهومصافحة جميلة وموفقة وفي وقت مناسب ..... اشكرك على هذا الابداع الجميل .. لاعدمتك |
رد: ~~(((لاضـــاقـــــ صـــــدرك )))~~ الشاعر : فهد جنب حياك الله في مجالس العز والشموخ نص راقي ومصافة غالية من احد شعرائنا الفضلاء نرحب بك اجمل ترحيب ونهنئ انفسنا بتواجدك ضمن كوكبة شعراء الفرده في هذه المجالس العامرة تقبل باقات من الورد والكادي لشخصك الكريم |
رد: ~~(((لاضـــاقـــــ صـــــدرك )))~~ الشاعر القدير: فهد الفريدي، صح لسانكـــ وعلا شانك وسلم بنانك يامبدع،،، قصيده جزله من شاعر جزل،،، وهلا ويامرحبا فيك بيننا يابن العم. |
رد: ~~(((لاضـــاقـــــ صـــــدرك )))~~ اولا / لاااااهنتم على هذا الترحيب الطيب والذي لا يستغرب من اهل الطيب واهل الوفاء والجود : عيال راشد .. وعسى الله يجملنا ونقدم مايرضي ذائقتكم المميزه اللتي ارضائها هو غاية سرورنا .. |
رد: ~~(((لاضـــاقـــــ صـــــدرك )))~~ اقتباس:
اخي العزيز / غازي بن عجاب مرورك وسام لمتصفحي المتواضع لاعدمتك ولا عدمت تواجدك |
رد: ~~(((لاضـــاقـــــ صـــــدرك )))~~ صح لسانك يافهد وبالتوفيق دائما تقبل تحياتي :::: |
رد: ~~(((لاضـــاقـــــ صـــــدرك )))~~ الاخ / منصور الوسوس ... لقد انرت بريدي الخاص بتواجدك .. وانا اقول : الله يحييك ويبقيك .. ويعلم الله يشرفني تواجدي بينكم لاعدمتكم اما بالنسبه للخطأ الاملائي اللي بالتوقيع / فعلا كلامك صحيح وجاري تصحيحه .. انا لاتوجد عندي خاصية ارسال الرسائل الخاصه .. بسبب عدد المشاركات فلذالك رديت عليك هنا ... شكرآ لاينتهي .. لشخصك الكريم |
رد: ~~(((لاضـــاقـــــ صـــــدرك )))~~ اهلا وسهلا شاعرفهد لي الشرف في أنضمامك لهذه الكوكبه الرائعه وصح لسانك على هذه الدره التي تنم عن شاعريه مميزه جداً ننتظرها هنا بين ربعك وياهلابك ونبي منك المزيد لتتحفنا |
| الساعة الآن 02:21 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir