السلام عليكم ورحمة الله وبركاته ؛
انا مامن حب للغزل لاكن بناء طلب الزملاء
علي الجضعان وابن مطيع عايض المقطع لا يهونون الباقين كلهم زملانا لاكن هم اطلبو طلب وهي جديده مسويها اليوم

يا لج قلبي لجـة الضلـع لا لـج=يـوم المدافـع بالثوانـي ترجـه
ومن فوق تنزله قذايـف بيونـج=حتى اختلط بالغيم خلقـه وعجـه
لين الخصم عن راس دخان دحرج=ما للعدو عن ديرة الديـن هجـه
على وليف سجني بالهـوى سـج=سجت شجيع طاح من فوق سرجه
مرهون انا بيديه كيـف اتخـارج=شفته وصاب القلب سهمه وخجه
وابا اتكلم مار ضيعـت بالهـرج=تاه اللسان بزين هرجـه وغنجـه
لـو البحيثـي جـاه وإلا مـدرج=والله ما تطري على البال حجـه
خط الوصل يـم الحبيـب تعـرج=ومن اول نمشي على سلك دجـه
ذاب الغلاء من بيننا ذوبت الثلـج=والكون ضاقت بي وسيعات فجـه
انا مريض وكن جسمـي امبنـج=يامنجي يونس من الحـوت نجـه
عبدك مريض ومومن فيك ما احتج=ويمشي على اللي كاتب له موجه
ويالله تلحقنا ولو تالـي الخـرج=وانك تشب لحضي اليوم سرجـه

وسلامتكم

المشاركة الأصلية كتبت بواسطة الغرام (المشاركة 164471) شاعرنا الرائع نايف بن مياس صح لسانك قصيدة غزلية جميلة لك ودي و احترامي

المشاركة الأصلية كتبت بواسطة ميس الريم (المشاركة 164484) أخي نايف والله انك تمشي مع الهوى ممشى العج==وتقول ماني راعي غزل ولا تحب هرجه هذه الأبيات ما تطلع من واحد ما يحب الغزل عفوا اخي لاتزعل من الصراحة لكنها ابيات جدا رائعة صح لسانك وسلم راسك ومشكور

المشاركة الأصلية كتبت بواسطة عبدالعزيز العبلان (المشاركة 164558) صح لسانك يابن مياس على هالقصيده الغزليه

يانايف شليويح رجيتنا رج=ياشاعرٍ مافيك خفّه ورجه
جانا رمضان وشايبك يحتر الحج=والخوف لايضيع رمضانه وحجه
انا وابن جضعان طرنا مع العج=وقلوبنا مع الهوى مستلجه
ذكرتنا بايام قبل نتزوج=واليوم يامشكاي مافيه هجه
من عقب ماكنا مع البيض ونسج=اليوم ناكلها على الكتف سجه
وعقب التبختر والتعالي ندوهج=وبالصوت والريموت دايم نوجّه

المشاركة الأصلية كتبت بواسطة خلف الفريد (المشاركة 164954) يانايف شليويح رجيتنا رج=ياشاعرٍ مافيك خفّه ورجه جانا رمضان وشايبك يحتر الحج=والخوف لايضيع رمضانه وحجه انا وابن جضعان طرنا مع العج=وقلوبنا مع الهوى مستلجه ذكرتنا بايام قبل نتزوج=واليوم يامشكاي مافيه هجه من عقب ماكنا مع البيض ونسج=اليوم ناكلها على الكتف سجه وعقب التبختر والتعالي ندوهج=وبالصوت والريموت دايم نوجّه وصح لسانك على القصيده الورديه

المشاركة الأصلية كتبت بواسطة عايض المقطع (المشاركة 166235) ويالله تلحقنا ولو تالـي الخـرج وانك تشب لحضي اليوم سرجـه صح لسانك يابن مياس على القصيده الرائعه،والله يسر امرك، والعذر والسموحه على التاخير،، وصح لسان عندليب المجالس على الرد الرائع.