من لايعالج مشكلت ما حدث له=لابد ما تكشف سراير ظروفه
ان كان ما يدري ترى الناس مثله=الحل فرصه والمغفل تطوفه
كم واحدٍ والمشكله وسط حثله=يحلها قبل المقابل يشوفه
من لاعرف ثوب المعزه يعثله=واليا عرف تكثر عليه الحسوفه
غلطه من الطيب بسيطه تخثله=تثربه الطيحه ويصعب وقوفه
والا ردي المعرفه قلعت اثله=تقطع شهر وتعود مامن كلوفه
واليا هرجت اختر من الهرج جثله=وثمّن كلامك لاتقول محفوفه
العلم ياصل واحدٍ ما بعثله=ويجيبه اللي بايداتٍ خفوفه
ولاكل خيالٍ يجيب ام كثله=كم واحدٍ تصعب عليه النكوفه