اجابة الدعوة تجب بعض الاحيان=خص(ن) ليا جت من رجال(ن) احشامي
ليا جت من شجعان من نسل شجعان=مثل العزيز الصيرمي القطامي
ابو فهد طير السعد طير حوران=رجل(ن) صميدع من كبار الاسامي
ثلاث حروف تبادر الاذهان=عبر الزمن تاريخها فوق سامي
قوم(ن) تخلد فعلهم عبر الازمان=يبقى الى يوم البعث والمقامي
حرب اهل الوقفه ومن دون حقران=لهل الجزيرة كلهم بالتمامي
وماغرد القمري على خضر الاغصان=سلام من شرف ورد السلامي
على الرجال اللي لهم بالفخر شان=ولهم من اعلى المجد راس السنامي
عدوهم يخذل ويدحر وينهان=واتلا العهد به فوقه الطير حامي
وصديقهم ماقل شانه ولا هان=كنه لحدهم واحد من العمامي
حطوا لهم في صفحة المجد عنوان=غراس زرع(ن) ماتلاه الصرامي
ويوم الاعنه والاسنة والارسان=كم صبحو قوم(ن)وخذو من جهامي
ولاهم بفي حاجة شهادات صدقان=لكن قول الصدق ينطق اشمامي
وانا على مدح المطاليق شفقان=ولمدحهم جيعانبالحيل ظامي
هذا وانا من عزوة شانها شان=تارد احياض الموت ورد الضوامي
ليا قيل منهم قلت بالاسم عتبان=ماينجهل تاريخنا يالكرامي
عتبان لاثار الدخن واللغا شان=وكثرة غطارف ناقشات الوشامي
كم شيخ قومن طش للذيب سرحان=وراحت جموعه عن نحانا انقسامي
حماية الساقه وحامين الاضعان=ودون الخوي والجار دايم انحامي
وللضيف والعاني كما الغيث هتان=ودخيلنا بوجيهنامايضامي
ومادامنا ياحرب احبه وجيران=وكلمة شبابه جامعتنا الزامي
له عندنا قيمة وشيمه وميزان=حق الجوار اللي عليه الكلامي
انقدر الطيب كرامه وعرفان=هاذي عوايدنا ومابه ملامي
واليوم في دولة هل السيف شامان=ودستورها سنة شفيع الانامي
للشرع تباعه وللعدل عنوان=ومن خالف السنة قليل الرحامي
نـ نعم بمن وبخير في كل الاوطان=ونرى التطور عام من بعد عامي
وكل القبايل صارو انساب واخوان=وولا زمان الحنشلي والحرامي
في ظل عبدالله نايف وسلطان=حكامنا وابنا المليك الامامي
وتمت بيوت(ن) مبتداها على ان=واختامها بتحيتي واحترامي