هذه قصيدة وجهتها
لشاعرنا خلف بن عتاق
لعلها
تلقى منه الرضى
ومنكم قراءنا الكرام

انا سباني هوا من لا عرف داره=حورا عطها الولي توصيف حوريه
تملك جمالٍ تحير الناس ببهاره=والطول غصنٍ تمايل فيه غربيه
قامت تهزع هبوب الصبح بشجاره=وريح ريح العطورات الفرنسيه
والصوت نبرة حنين الشوق وشعاره=يذوب قلبي لا صار الصوت حنيه
لا واهني من عرف داره ومن زاره= ومعي خويٍ يشوش الراس طاريه
على جديدٍ يجيب البعد مشواره=جيب كياس الوكالة فوق بوديه
اليا هوا بطمان هواي طياره=وليا مشى مامشى على الوطى زيه
ونا رفيقي خلف من ذاعت اخباره=خلف خلف راعي الفزعة وجاهيه
عظم العرب كان تنشدني عن ذكاره=مايجهله غير من يجهل ابناخيه
وليا سرينا على اللي يعجب الطاره=شمس الامل في ستار الليل مرئيه
نبى نتوجه على التوصيف ودياره=ونجيه لو كانت ادياره نحاويه

الياهوى بالطمان اهواي طياره=وليا مشى مامشى على الوطى زيه

منصور مرورك للقصيدة يعطيها قوةٍ وجمالا

تحية من الاعماق ودمت بحفظ الله

الشاعر العزيز ابو عبد العزيز
اشكرك على كلماتك
وأحساسك
الرائع
وننتظر
جديدك
من القصائد
الجميلة في صياغة
المعنى وحبك الابيات
ذات النسيج الجويد
اخي واستاذي خلف الفريد