|
لاهنت يابن كنعان .... وتتوالى الافراح والليالي الملاح ... وترتفع هامة اخرى من هامات عيال راشد لتعانق المجد والعلا على اكتاف الكرم والطيب ... ليلة البارحه وفي (الروضة الخضراء) في راشديات بريده كان لاكابر القوم ورؤوسهم موعد مع كرم الضيافه والوفاء والحب ...وكان المضيف رجل ليس بمجهول انه اخي الحبيب عياد بن كنعان الفريدي -ابو سلطان - بمناسبة تخرج شبله عبد الله .... وقد حضرها بعض من شيوخ القبيله وضيوف من قبائل اخرى .. وكان لي شرف تقديم الامسية الجميله ومن حظي ان التقيت بعدة احبه اذكر منهم/ رائد المجالس ابو يارا منصور الوسوس والاخوة الاعضاء ابن منصور وابن راشد وابن مزرم .. وكانت لي هذه المشاركه : ياليلـة ٍماتشبـه ايـات ليـلـه=من حسنها تزها جميـع الليالـي والروضه الخضراء عروسٍ جميله=تزينـت لوجيـه روس الرجالـي اهل النقا والطيب واهـل النفيلـه=واللي مجهزهـا كريـم السبالـي عياد بـن كنعـان نفّـال جيلـه=ومواقفـه فيهـا كمـال وجمالـي يشرب قراح الطيب من سلسبيلـه=من راس عودٍ شرفـوه العيالـي اللي بمثلـه تستهيـض القبيلـه=وترقى مشاريف العلا والمعالـي ويامرحبـا ياكاسبيـن النفيـلـه=روس القبيله والضيوف الغوالـي تشريفكم نهج النفـوس النبيلـه=ورسم المحبه والوفـا والكمالـي |
رد: لاهنت يابن كنعان .... هلا وغلا في الأخ و المبدع ابا عبد العزيز ترحيباً بك وبي شاعريتك النادرة ماشاءالله عليك تواجد مشرف لك في المحافل وندل انما يدل على أهميتك عند الجميع ويدل على التواضع ........صح السانك على قصائدك الشعريه الجميله ذات المعاني الجميله .. وتقديمك للحفل يدل على الأسلوووب الذي يتمتع به الأخ عندليب المجالس تقبل مروري المتواضع عذراً على الأطاله يا اباعبد العزيز |
رد: لاهنت يابن كنعان .... اخوى الكبير بقدره خلف بن محمد بن عتاق الوفى ديدنك والجزاله نطقك والرجاله معدنك ماذا أقول ابا عبدالعزيز الا صح لسانك ويستاهل ابو سلطان عياد الكنعان علمه غانم وعشير نشاما تحياتي |
رد: لاهنت يابن كنعان .... صح لسانك يا عندليب المجالس يستاهل عياد بن كنعان وابناءه شكرا لك هذه الاضافة ودمت لنا مبدعا تقبل وافر التقدير |
رد: لاهنت يابن كنعان .... -- شكرا ً لك يا بو عبد العزيز وفـيـت وكـفـيـت في التقديم و في -- هذه القصيده الجزله و يستاهل ابوسلطان / عياد بن كنعان -- وحفل ابوسلطان جزل ومقامه أ جزل كيف لأ وهو يقيم هذا -- الحفل بمناسبة تخرج ابنه عبد الله من كليت الملك فهد الا إمنيه -- برتبة ملازم وقد شرفه با الحضورعدد من مشايخ القبيله -- ووجهاها وعدد من وجها القـبايله الوفيا وهذا ليسى غريب -- على الرجال الووفيا 0كما لايفوتني الدعا للخريج با التوفيق -- بعمله شكر ا ً ياعندليب المجالس -- اخوك مبارك بن ناصر بن حديد |
رد: لاهنت يابن كنعان .... ابو عبدالعزيز وفيت وكفيت وصح السانك على هذه الدرر التي ماتنبع الا من قلب وفي وانت عندليب المجالس وستضل مرجعنا وقدوتنا ابا عبدالعزيز وابو سلطان احتفى بتكريم ابنه الذي نسال الله ان يوفقه بحياته العمليه فهو نعم الرجل وعادته الطيب دائما شكرا لك وتقبل وافر التحايا والتقدير |
رد: لاهنت يابن كنعان .... صح لسانك يابو عبدالعزيز كفيت وفيت يستاهل أبوسلطان كل خير الله يعطيك العافية |
رد: لاهنت يابن كنعان .... صح لسانك يا عندليب المجالس يستاهل عياد بن كنعان وابناءه شكرا لك هذه الاضافة ودمت لنا مبدعا تقبل وافر التقدير |
رد: لاهنت يابن كنعان .... صح لسانك يابوعبدالعزيز،،،، دمت لنا ودام ابداعك ياعندليب المجالس، تقبل شكري وتقديري لك. |
رد: لاهنت يابن كنعان .... الشاعر خلف الفريد دايم الوفاء مبداك اشكرك على النظم المشرف |
| الساعة الآن 03:00 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir