|
مرور صدفه .... مريت ابن عجاب قبل المشاريق=واخذت لي عند ابيض الوجه سيحه وقدم لنا هدف الدلال المدانيق=اللي بهاره يقعد الراس ريحه ولقيت لي حرٍّ للامجاد عشيّق=عليه من لمحات الصناديد ليحه قال الغداء يجهز قبل فكة الريق=ويوم اعتذرت لمسندي تل صيحه ولا طلعت الا عقب جزت تحقيق=اعطي من الاعذار ابغى استميحه وتصرفه زاد التفاكير تشويق=اثري بها قصه ودعوه صريحه |
رد: مرور صدفه .... شاعرنا الجزل وشاعر صاحب الأبداع والحضور المميز صح السانك على القصيده ويستاهل ابن عجاب الزيارة وبيض الله وجهـك ياعندليب المجالس ولكل له الشرف في دعوتك ولاهنت على الأبدااااع ابيات بقمة الجمال والروعه صح لسانك بكل شوووق ولهفه أنتظر جديدك:):) |
رد: مرور صدفه .... هلا وغلا بشاعرنا وبعندليب مجالسنا، صح لسانك على الابيات الرائعه ويستاهل الزياره ابن عجاب،، تقبل شكري ومروري وتقديري. |
رد: مرور صدفه .... صح لسانك كلمة لاتكفيك كلمات وحروف تستاهل اكثر واكثر ويستاهل ابن عجاب كل حرف وبيت تسلم افكارك وابداعاتك |
رد: مرور صدفه .... صح لسانك اخوي الشاعر الفاضل المبدع خلف قصيدة جميلة تحكي احداث ما وقع اثناء الزيارة بإنتظار جديدك |
رد: مرور صدفه .... صح لسانك ياعندليب المجالس ابيات جميلة ووصف راقي يستاهل العلم الغانم ابن عجاب لك خاااااالص التقدير |
رد: مرور صدفه .... اخوى الكبير الشاعر الكبير خلف بن عتاق وأحلى صدفه مرورك على أخوكــ وأنا والله الذى لا إله غيره إني يرتفع رأسي إذا مرني إبن عمي وأعتبره هو المعزب وأنا الضيف اشكرك من كل قلبي دمت لي ذخرا ابا عبد العزيز تحياتي |
رد: مرور صدفه .... تسلم وصح السانك يالفريد وابوفيصل ماهو غريب عليه العلم الغانم ومهما بذل لن يأصل مضحى ابوه انت صح السانك وهو يستاهل عشير النشاما تسلم على اتحافنا وتستاهل الرفع |
رد: مرور صدفه .... الاوفياء .............. مشعل عايض راكان فريدي وفي ابو يارا ابوفيصل ابوعمر مروركم تشريف ومناط فخر واعتزاز ويستاهل ابو فيصل لكم الشكر واسمى عناوين المحبه لاعدمتكم |
| الساعة الآن 02:02 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir