مجالس الفرده - تشــــــــــــــــــــره

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - تشــــــــــــــــــــره (http://www.alfredah.net/forum/threads/alfredah21288/)

تشــــــــــــــــــــره

أشكرك أنا يصاحب الـعــرف والميـز=عــساك عـليها نلت تقـدير ممتـاز
ورضيت يوم أرضيت أهل المناغــيز=اللي على الــغـرات معـروف نهـاز
كسبتها وحـطيت نقـش(ن) وتـطريـز=وأهديتها اللي يحـسبنـه بها فـاز
هاذي تراها تـجوز لبـعــض الـعــواجيـز=اللي مع الشيطان همـاز لمـاز
الحق علي عجلت من غير تمييـز= مستبـعـد(ن) باللي مـعي غير ماجـاز
صحيـح من يحكم على غـير تركيـز=يرضى ويـقبل في قراره اليا بـاز
كنت أحسب(ن) للسر عندك ملافيـز=أثـرك علي مع الضعـيفين تنحـاز
ياليتـها من غـيركم كنت أباجيـز=ولاأثر علي وصار بالنفس حـزاز
ياحيف أحسب هقوتي فيك ماتبيـز=يقطعك ياطبـع(ن) غريب(ن) وهـزاز
تلقـى البلاء يدور خلف الدهاليـز=ميـر الليالي لما خفى الوقت بـراز
ومـدام ماخليـت حشمه وتعزيـز=مثلك عسى ماحتاج يوم(ن) ولاعـتـاز

الشاعــــــــــــــــر / قرنـاس خــامـس