لا ضاق صدري جديد الجيب تليته = يم الحرم و المدينه حق ناتيها
ومعيه ارجال ٍوكل ٍعالي ٍ صيته = ارجال عز تنومسني طواريها
اما سرينا وسهرنا الجيب في ليته = ولا سرحنا وشوف اديار ناسيها
واليا وصلنا عفيف النقص وفيته = من عزبتلي قديمه محتفظ فيها
واليا مشينا وشفت البرج عديته = وقفه على يمين دايم ما نعديها
وجبت المعاميل ونجر الكيف دنيته = وسويت كيف يطير اعماس راعيها
واليا تقهوو وتعشوا قلت سريته = وجت القصايد تراقص في مباديها
واليا وصلت السريع وظلم مريته = هديت من سرعة ٍ بالجيب ماشيها
خايف من امن الطرق اليا تمثنيته = يرصد وحنا القسايم ما ندانيها
واليا وصلنا العطيف الجيب عبيته = اشرت له للتوانك لين يمليها
وقبل الحويه يمين الدرب لفيته = عشرين كيلو مسافتنا نقظيها
وقفت بالسيل محرم ثم لبيته = لبيت في عمرهٍ لله راجيها
وفي موقفك يالحجون الجيب طفيته = اثنين كيلو على الاقدام نمشيها
وشروعنا بالطواف الرمل بديته = وطفت الطوافات وسبع اشواط ساعيها
وحلقت راسي ورب الكون دعيته = يغفر ذنوب ٍ عليه يوم اسويها
ويقبل رجايه اليا مني ترجيته = ويقبل لي العمره اللي كنت ناويها
و تسعين فرسخ ليا مني تهقويته = صوب المدينه بمشي الجيب نطويها
وصلت وقت العصر والفرض صليته = وسنه نسلم على اطهر بشر فيها
والجيب عقب العشاء له سلف دقيه = ياخذ طريق القصيم ونحو اهاليها
المعذرة والسموحه لوصف ٍ اخطيته = ولحدٍ يوصف اديار غير ماشيها

المشاركة الأصلية كتبت بواسطة عايض المقطع (المشاركة 149849) صح لسان يالقسومي، والله يشرح صدرك بالايمان.

المشاركة الأصلية كتبت بواسطة ميس الريم (المشاركة 149916) ونعم المنصى ونعم الإنتماء من نصاه ماااخاآب صح لسانك وجاد جودك

المشاركة الأصلية كتبت بواسطة منصور الوسوس (المشاركة 149919) صح لسانك يالقسومي ابدعت ووصفت اجمل رحلة يتمناها كل مسلم نسال الله ان يعمر قلوبنا جميعا بالطاعة دمت بالوجود وتقبل واااااافر التقدير