مجالس الفرده - اجمـــــــل الضيــــوف مصافحه ثانيه

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - اجمـــــــل الضيــــوف مصافحه ثانيه (http://www.alfredah.net/forum/threads/alfredah20174/)

اجمـــــــل الضيــــوف مصافحه ثانيه

http://www.geek4arab.com/vb/images/salam.png
يسرني ان اطرح بين ايديكم هذه القصيده المتواضعه والتي اتمنى ان تنال اعجابكم
ّ
ّ
ّ

هـــلابك ياجمـــــل ضيـــوف الفـــؤاد اللي زمانـــه مـــال
وصلتي عقب طــــول الغيــبه اللي جرحت صـدري

عقب ماحال من دونك سياج ومن ورااك حباااال
هــــلا بــك عـــــد ما نــــــاح الحمـــام وغـــرد القمري

رغم طـــول السنيــــن الممحله و البـعـــــد والاهــــوال
احسك يا أمــــل في داخل عـــــروق الـــغــلا تجــري

يشـيـب القـلـب وتــمــر الليــــــالي والامــــل لازال
على رجعتــك ياحلمٍ سرقــه الوقت من بـــدري

يــســــج الفكر مع طـــاري غرامــك بين حال وحال
واراجـــع مانسجــتــه من بقــايــــا حلمي الــــزهري

هـــلابــك ياغــرامٍ كم على شانه قطــعــت اميال
هــلابــك ياسبــب هم الجريـــح وعـــوده المبـــري

هــلابــك ماتجــــاهلتــك عقب غيبــتك يأجمــل فـــال
وانـــا ادري لو تجــاهلــت المحبـــه مانقـص قــــدري

ياسرٍ مادرابه لا اخو!! لاعم!! لااقرب خاال
كتمتك في ضلوعي ..في عروقي ما حدن يدري

تعــال نجـــدد سنــيــن الغرام ونــنــعـش الامـــــاال
تــرى رزنامــة الايـــام تطــوي عمرك وعمري

ثلاثيــــني على باب الوصــــول ولاحصـــل هماال
وانا اراقب مزونك ياحبـيـــبي جعلها تـــثري

وعقب ذيك السنين اللي بدونك عشتها رحــال
عسى ربي يعوضني عن جرووحي وعن صبري

((عريب الجديد)) جميل القد ابو نقشه وحبة خاال
تعــــــال اسمـــع جديــــدي فيك مــن شعري ومن نثري

ياغيــــااث المشـــاعر صــب لي من لهفتك فنجال
ابي تـقــدع عيـــوني من ملامــــح وجهك الخمري

وبروي مسمعي من هرجك اللي ما يحوش اهزال
انا عاقـــل واحبـــك واعشقك ياحــبي العـــذري

حظيـــظ اللــي لقا في وجنــتك عقب البطا مقيال
ويابخت اللي تنـــادينه(( حبيـــــبي يابعـــد عمــري))

هـــلابك ياجمـــــل ضيـــوف الفـــؤاد اللي زمانـــه مـــال
هلا بك عــــــد مانــــــاح الحمــــام وغـــــرد القمـــــري
ّ
ّ
ّ
ســيــــــف الــراشـــــد