مل قلبٍ يا ملا يزداد غيضه=لو بغيت اصالحه ماهو براضي
من أشتاه وبالربيع وكل قيضه=ما دله مثل العرب يصلاه لاضي
كل ما قلت اعتدل جدد نقيضه=واستشاط وعنّ خيله بانقضاضي
ما تولع في هوى غضه غضيضه=تاركٍ طرد الهوى عقب البياضي
تاركه واعلنت بالخط العريضه=وعن دورب اهل الهوى كافٍ حياضي
من زمانٍ طافحٍ هيضه بفيضه=ما شفع لي فيه ركضي وامتعاضي
راح وقتٍ يجمع الناس بمقيضه=بوقتهم عاشوا على حب وتراضي
التواصل بينهم مثل الفريضه=والكبير مقدرٍ تقدير قاضي
والسوالف بينهم تاتي نجيضه=لانتهت من واحدٍ هذاك هاضي
وقتنا الماضي طلع وقتٍ نقيضه=وش يكون المجتمع من دون ماضي
وقتنا الحاضر به اجحاف وغليضه=يكوّنون اللي يبونه بافتراضي
والصداقه صارت اليوم ابحضيضه=رفقة اليومه لقضيان الغراضي
والصديق اللي منول لك حضيضه=غيّره طيف الزمن ماهو ابفاضي
ولو اتدور منت لاقله عويضه=ما هقيت معيض عن عواض عاضي
وشفت لي عادات واسلوبٍ بغيضه=كثرة النمه وتشذيب الاعراضي
وشفت لي ناسٍ بطاينها مريضه=من نلوم ومن نذم ومن انعاضي
ان تجاهلنا وجاملنا غميضه=وان تكلمنا يزيد الاعتراضي
وعن سواليفٍ طويلاتٍ عريضه=تفرح اللي به نياه وبه نجاضي
اعتذر يوم العبر جتلي مهيضه=من ارجالٍ طيبهم بالنور ناضي

ابيات قصيدة تحاكي عن طابع العصر

من شاعرنا الغالي بن حديد

اشكر من نقلها

سلمت اناملك

ابو يارا
تقبل اعجابي
في هذه الرائعة