|
وفاء لاهل الوفاء ........ كانت ليلة الجمعه الماضيه من اجمل الليالي حيث اجتمع فيها الوفاء ونزول المطرفارتوت القلوب والدروب ... وفي هذه الليلة المباركه كان اجتماعنا في بلدة الشبيكيه الغاليه ... وكنا بضيافة الاخوين الكريمين مسلط لافي المعباسي ومحارب غازي المعباسي ... وكانت المناسبه تكريم مشائخ حرب ووجهائها وشيوخ القبائل الذين كان لهم دور في المسعى الخيّر الذي قام به اخي محارب والذي نتج عنه عفو الوالد /علي الاحمدي الحربي عن قاتل ابنه قبل عام وهو/ ابراهيم العازمي .... وقد كان الحفل كبيرا وزاهيا بأهله ومن حضره .. فكانت لي هذه المشاعر : ماكل من يمدح ..بالافعال ممدوح=ولا كل من هام الطويله رقاها والمرجله قمّه ومن دونها سفوح=والناس بين (اثنينها) مستواها والعمر به فرصه تجي نوب وتروح=ولا ينتهزها الا فهيم ٍ وعاها والطيب ماهو بالمزادات مطروح=ولا كل سلعه من بغاها لقاها وبه قومة ٍ تبرد بها احزان وجروح=وتطفا بها نار ٍ شديد ٍ لظاها ومن دافعه خير ٍ ليا قام..مسموح=لو انها بين المحاجر سطاها ومجد ٍ توزّع بين سالم ومسروح=كل القبيله في كماله تباها ويوم انها مابين صافح ومصفوح=روس القبايل مانسينا وفاها واعظم معان الجود لاجدت بالروح=لوجه الولي ماحال دونه غلاها واللي سعى بالجاه من يبعد الشوح=ويوم انها جاته تحمّل عناها محارب الغازي بنى مجد وصروح=بسم القبيله يوم قام ونخاها حرٍّ ليا جته الملازيم زحزوح=اللي عطى له كلمة ٍ واحتماها يجري على منهج ويمشي على ضوح=ويموح من بير ٍ بعيد ٍ مداها جعله ليا حفظت الاعمال باللوح=تحفظ له جهود ٍ بعزمه بناها شرحت لي درس ٍ ومعناه مشروح=وكل الوجيه الطيبه ماخفاها وما غرّد القمري على نايع الدوح=صلوا على سيـْد النبيين طه |
رد: وفاء لاهل الوفاء ........ الله ....... الله صح لسانك ابو عبدالعزيز وبيض الله وجهك ولاهي غريبة مواقفك بكل مكان وزمان ويستاهلون الممدوحين هذا المدح وقصيدة جزلة من شاعر نقف احتراما له وتقديرا تقبل وافر التحايا |
رد: وفاء لاهل الوفاء ........ والطيب ماهو بالمـزادات مطـروح ولا كل سلعـه مـن بغاهـا لقاهـا كلام درر صح لسان قايلها سلمت يداك |
رد: وفاء لاهل الوفاء ........ تسلم وصح السانك قصيده معبره عن نفسها تقبل مروري وأعجابي |
رد: وفاء لاهل الوفاء ........صح السانك ياعندليب المجالس وبيض الله وجهك صح السانك ياعندليب المجالس من ابداع الى ابداع ومن تشريف الى تشريف شكراً لك على تمثيلنا في المحافل سلمت وسلم قلمك بماخطه بمداد من ذهب , قصيدة رائعة , وفيمن يستحقها , نهج وتوصيف رائع , وصح السانك ياخلف الفريد , ولاتحرمنا ممايخطه إيراعك ياابو عبد العزيز بيض الله وجهك وسلمت ودمت الى الأمام ياعندليب المجالس أخبرك بأنني استفد الكثير والكثير من القصيده ،. قوتها في حكمتها سلمت وسلمت من كل شر من شرور الدنيا (اَمين) يستاهلون المدح وتستاهل منا كل الشكر والتقدير تقبل مروري المتواضع امام شخصك الشامخ وتواضعك الرائع تاج راسي ياخلف صــــــح الـــــســـــانــــــــــ ـك |
رد: وفاء لاهل الوفاء ........ دايم شاعرنا العزيز ابو عبد العزيز اذا دعته الامجاد ازادها امجادا نعم انت خير من يمثل شعرانا في محافلنا زاد انسك ولا غابت شمسك وتحية طيبة |
رد: وفاء لاهل الوفاء ........ ابو وسيم هلا وغلا صح بدنك وسلمت لاخيك المحب ... كلماتك ترصيع لتاج المحبة والوفاء الذي تحمله دائما .. اشكرك على كبير الثقه .. لاعدمتك |
رد: وفاء لاهل الوفاء ........ الكريمه الاخت مهرة الخيال صح بدنك وسلمت لمن يحبك .. تواجدك معنا دائما يعلمنا معنى الوفاء والاهتمام بالجهود .... واقتباسك لبيت الطيب دليل طيب قلبك .. حفظك الباري |
رد: وفاء لاهل الوفاء ........ صح بدنك ياعلي وشكرا على مرورك لاهنت |
رد: وفاء لاهل الوفاء ........صح السانك ياعندليب المجالس وبيض الله وجهك اقتباس:
كلماتك هنا كبيره وكثيره وهي مداد من القلب .. ويصعب عليّ حقيقة مجاراتها ولكن اقول فقط .. شكرا من الاعماق وادامك الله لنا ذخرا وفخرا.. لاعدمتك |
رد: وفاء لاهل الوفاء ........ اقتباس:
هذه الكلمات سيمفونيه موسيقيه تضرب على اوتار القلب ... انها تنساب في الروح كانسياب الماء من الجدول العذب .. صح بدنك وسلمت لاخيك لاعدمتك |
رد: وفاء لاهل الوفاء ........صح السانك ياعندليب المجالس وبيض الله وجهك اقتباس:
تستاهل يا الفريد |
رد: وفاء لاهل الوفاء ........ مشاركة اعتز بها وافخر... لاهنت يالوافي... لاعدمتك ابا راكان |
رد: وفاء لاهل الوفاء ........ صح لسانك يابوعبدالعزيز وكما قال الإخوان انت خير من يمثل القبيلة بالتوفيق والى الامام |
رد: وفاء لاهل الوفاء ........ هلا مليون هلا بالغالي ابو عبد الاله صح بدنك ولا عليك زود ياكحيلان لاعدمتك .... وللمعلوميه : كان اخي ابو عبد الاله شاعرنا الكبير /رشيد محمد الفريدي هو نجم الحفل ومقدم برامجه وكان نعم الرجل وقد قدم عدة قصايد من روائع شعره ونالت استحسان الجميع .. بيض الله وجهك ياسنادي |
رد: وفاء لاهل الوفاء ........ صح لسانك يا مبدع |
رد: وفاء لاهل الوفاء ........ القسومي صح بدنك لاهنت اشكرك على مرورك العطر لاعدمتك |
رد: وفاء لاهل الوفاء ........ مشاعر رائعة أبو عبدالعزيز صح لسانك بس ياليت تعطينا وجة ونشوفك ياالغالي |
رد: وفاء لاهل الوفاء ........ حمدان الجضعان هلا مليون ببو محمد شعور الاخ تجاه اخيه المحب ولا استغرب هذه المشاعر الشامخه ... اما بخصوص قلة التواصل فالحكم بيننا والدنا ابو علي .... ولانك كريم ، صاحب الكرم دائما طماع لجوده ... وابشر بالمسيار ولا يكون بخاطرك الا الزين ولّم الهرفي وبالعريق.. وابو عمر لا اشوفه هههههه لاعدمتك |
| الساعة الآن 07:32 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir