بسم الله الرحمن الرحيم
أبيات ترحيبيه بالابن عبد الله الحربي ‏
عند زيارته لمنطقة حائل عروس الشمال في 4/11/1416هـ
للشاعر : عايد بن ضواي الفريدي

سر ياقلم واكتب من الشعر ماطاب =مثايل منها يموت الحسودي
مثايل ما قالها كل شذاب =الي على الغْرات عزمه يزودي
يقولها من جرب الوقت وانصاب =جرب وجاه من الرفاقة لهودي
جرب وشاف وعاف من بعض الأصحاب=الي تبيع وجيهها بالنقودي
ومن بعد ذا يا مرحبا وألف ترحاب =ترحيبتن ممزوجتن بالورودي
بالي لفانا واشرقت شمس الاحباب =وفاحت سماء حايل رواحين عودي
ويامرحبابه عد ماسجل اكتاب=ويامرحبابه عد نبت النفودي
ويا مرحبا به عد ما شاب(ن) شاب =ويا مرحبا به عد مخضر عودي
بالي رفع راسي على كل مرقاب =من طيب ساسه قام يرقى سنودي
افخر ليا جاء طاريه عند الاجناب =واعتز من عزه وأعاند حقودي
يا صقر يا شيهان يا حر يا عقاب =لك ماكرن بين الوكور معدودي
ماكر وفاء لهل الوفاء فاتحن باب =ماكر شهامة عقبوه الجدودي
ارجال يحسب بالملاقا لها حساب =عدوهم ما يهتني بالرقودي
يالله يا معبود يارب الأرباب =سامع دبيب النمل حدر اللحودي
تجعلهم في جنتك ظل وحجاب=يا رافع سبع بليا عمودي
هذا وانا ظنيت والظن ماخاب =الظن بك يالقرم صار محمودي
الله يوفقكم ويكفيك الأسباب=ويجعلك دائم للأهل بالوجودي
وصلو عدد ما ناح ورق له بغاب =على النبي إعداد وبل الرعودي

صح لسان الشاعر
وسلمت اناملك على هذا النقل الجميل
شكرا لك اخي الكريم ودمت بخير وعافية