جتني قواف الشعر خيلٍ تبارا=وشديتهن بالوزن شدّ الاعنّه
ولا اتخيّر كود عوبٍ بكارا= راع الولع -في ركضهن- يطربنّه
دايم لهن عند النشاما وقارا=والا ضعيف المعرفه يسهجنّه
واسرجتهن للفارس اللي تمارا=فيه القبيله عند رفع الاسنه
عند المواقف ظاهر ٍ ما يتوارى=وليا بذل معروف مافيه (منّه)
ولا للمديح بلا دليل اعتبارا=ومنصور صفحات النقا يكتبنّه
ولا جابنا غير الوفاء يابو يارا=وعدّ الجمايل يابيض الوجه سنّه
مشاعرٍ وابديتها لك جهارا=والقلب له تعبيرْ عما يكنه

صح السانك ويستاهل ابو يارا التشريف
والله يخليله يارا ان شا الله
الأخ عندليب المجالس بيض الله وجهك على الروح الطيبه التجاه الأخ القدير والعزيز على قلوبنا جميعاً المراقب العام في مجالس الفرده منصور الوسوس((ابو يارا)) يستاهل كل خير ...رائد المجالس
وسعدنا في الأبيات الرائده منك و الرائعه كذلك جداً جداً
ووجودك يا ابو عبد العزيز شرف لكل ...
وكل شخصاً له الشرف في دعوتك ومن مثلك الذي
الذي ينطق لسانه الشعر ذات المعنى القوي وذات المعنى العميق
ويبدو انني سعيد الحظ في متابعة شعر من مثلك
انت صاحب الكلمه ذات المعنى والحكمه والأبداع
شاعر لايهدى ولايتوقف عن نبض الشعر
ودائماً يرفرف عالياً
شكراً لك ولك مني أجمل تحيه
ودمت بحفظ الرحمن

سراحة اثريتنا من الجزل
ويستاهلها ويستاهل اكثر منها
منصور
اشكرك اخي وعزيزي خلف

انته تتبّع ما نجيبه من ابيات=وانا اتحرّى مايخطه يراعك
في حقكم كلمات ردي قليلات=لانك محيطٍ يحتويها اتساعك
راع الوفا تاتي معانيه جزلات=ومدّي قليل ٍ ماوصل حد صاعك
سموك مشعل عارفينٍ مزاياك=اتعبت عينٍ ناظرت لارتفاعك
اشكرك يارمز الوفا والمروّات=لعل مانحرم روايع ابداعك

امام غازي مالقينا اختيارا=وابياته اللي بالوفاء جملنه
الا نجيب القاف لول بمحارا=تو جابه الغواص من عمقهنه
لاهنت يانسل الصقور الحرارا= اللي على الجزلات محوالهنّه
صار الوفا والحب عندك شعارا=فنجال كيفٍ طاب هيله وبنّه