|
الى الاسير الحبيب ..... ياقدس لاتجزع لو تطول مأساتك!!!=ولا تلومنا ترى امة العرْب مظلومه!!! ياما بذلنا في سبيلك ونخواتك!!!=واليا سمعنا (ونـّتك) نسرع القومه!!! وياما وقفنا دون بابك وساحاتك!!!=حتى ادبرت روس الخنازير مهزومه!!! وياما تذكرنا مقامك وراياتك!!!=وانك الاقصى منه الارواح محرومه!!! وياما تمتعنا بشوفة مناراتك!!!=والقبه الصفرا والاحجار منظومه!!! وياما قرينا عنك ياطيب صفحاتك!!!=بس فيه علوم عندنا غير مفهومه!!! انك لنا ثالث البيتين في ذاتك؟؟!!=وانه حصل بك( ليلة )اعجاز معلومه!!! وانك حملت امجادنا بين طياتك!!!=واللي وضعهن جملة( اعلام) مرحومه!!! لكن تطمن كلنا دون روعاتك!!!=ونعاسنا ماهو دليل ٍ على النومه!!! ولا تهمك اصوات تطقطق باساساتك!!!=ناس تدوّر تحتك آثار "مزعومه"!!! ولا تهمك اصوات تغطي على اصواتك!!!=و(النتن ياهو) لو مساعيه محمومه!!! وان قالوا استيطان ما اكبر مساحاتك!!!=بعد التفاوض بين الاحباب مقسومه!!! ولا تساوْرك ياحبّنا بعض شكّاتك!!!=انا نبيعك (للعدو) بـ(اوّل) السومه!!! ياقدس عذبتنا وكثرت عذاباتك=خليت بعض العرب يطلع من هدومه ياقدس جرّح خدودي دمع عبراتك=موسومة كنها خدّيك موسومه ياقدس تاطا الاعادي فوق حرماتك=وسيوفنا من (رعاب الخوف)مثلومه ياقدس ما ياصل لنا حرّ زفراتك=عميان طرمان ٍ والاذان مصمومه ياقدس بلغنا العروبه تحياتك!!!=لو ان فزعات (الغيورين )معدومه وسلامتكم |
رد: الى الاسير الحبيب ..... الله يفك القدس من كيد اليهود صح لسانك وبيض الله وجهك قصيدة لها مكانتها والقدس يستحق منا ان نرثيه جزاك الله خيرا ابا عبدالعزيز لهذا الحنين الى البيت الاقصى ودمت لنا متالقا ومتميزا تقبل باقة ورد لجنابك الكريم |
رد: الى الاسير الحبيب ..... صح لسانك يابو عبدالعزيز وعسى أن يكون ( كنيس الخراب ) كما سموه : خراب لمخططاتهم وخراب لدولتهم بأيديهم |
رد: الى الاسير الحبيب ..... صح لسانك ابو عبدالعزيز وهذا يدل على صفا قلبك للاخوان في فلسطين ولم تنساهم مع مصايبهم فالقدس الان بيد اليهود الغاصبين عليهم لعنه اللله فانظر رئيسهم يقول ان القدس عاصمه اسرائيل لعنه الله عليهم وعلى من اعانهم |
رد: الى الاسير الحبيب ..... ابو وسيم اسعدني مرورك وحسن شعورك ... اشكرك على احساسك الراقي لاعدمتك |
رد: الى الاسير الحبيب ..... صح لسانك اباعبدالعزيز ونسال الله ان يفك اسر قدسنا الحبيب تقبل وااااااافر الحب والتقدير |
رد: الى الاسير الحبيب ..... اخي ناصر تقبل الله دعواتك وجزاك الله خيرا واشكرك على المرور وطيب الشعور لاعدمتك |
رد: الى الاسير الحبيب ..... المشتاق صح بدنك واشكرك على هذا الشعور السامي فهذه قضية امة الاسلام جمعاء ... لكن يؤلمنا مانراه كل يوم فيعذبنا وياكل اكبادنا اكلا ... لاعدمتك |
رد: الى الاسير الحبيب ..... مشعل المجالس على انني اعلم ان الاحاسيس لاتكفي ولكن لنعبر بدل ان نتفرج .... صحيح ان العين بصيره واليد قصيره كما يقال ولكن ... هل نعجز حتى عن الكلام ؟؟ لاوالله .. نرى كل يوم مايذيب المهج ويكسر النفوس ويضعف النخوه .. نرى كل اولئك الشيوخ الكبار والنساء المسنات والرجال المتلهفين لصلاة الجمعه ..ثم يردهم ويقمعهم اولئك الانجاس -لانهم على غير طهارة -يجولون في الحرم ويمنعون المتوضئين !!!! ماهذا ؟؟ انه الذل والخزي والله ... آهات هناك ورقصات هنا ... والغريب ان اليهود يبكون هناك ونحن نضحك هنا !! كيف؟!! يبكون هناك امام الحائط ونضحك هنا على مايفعلون باهلنا ..وعلى طبول الملاعب وتمايل فلانه وعلانه ...يبكون وهم المنتصرون!! الى الله المشتكى ... اشكرك اخي الحبيب على هذه الاثارة وجميل العباره سباق انت دائما الى درر الكلام وكسب الاحترام لاعدمتك |
| الساعة الآن 03:24 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir