مجالس الفرده - لا جا القدر ما احدٍ بوجهه تصدى

صح لسان الشاعر الجزل المبدع/ عبدالعزيز بن عوده بن هديب

والقصيده رائعه جدا والله يعطيك العافيه يابن مخيمر على التذوق الرائع والنقل الجميل

الموت ما خـلا المليـك المفـدى

لافيه مخلوق على رغبته عـاش

لا جا القدر ماحدٍ بوجه..هـتصدى

ولاتنفع الاجباص والقطن والشاش

ناظر بفعله كـم تعشـى وتغـدى

وخذ العبر من واقع يدهش إدهاش

وبد الفروض اللي لـزومٍ تبـدى

وخل الرفيق اللي مخادع وغشاش

ولوذاك دفـش بالكـلام يتحـدى

يرطن السانه تقل طلقات رشـاش

إقصر عنه لين العجاجـه تعـدى

خله يولي مع مهفـات ودشـاش

العاقل ان شاف المطبـات هـدى

والعجل ياخذها له أوماي واقراش

واللي خبن بشته لـزوم يتقـدى

والعين يابس نونها لولا الارماش

أختـر جزيـل ولا لغيـره تعـدى

لزينه اللي طيبـة زري واقمـاش

الزيـن ياصـل قيمتـه ويتعـدى

والا الردي من ناظره صد وانحاش