البارحة من صافي القاف قهويت= فكري وضرمان الهواجيس قافي
وسيرت يوم الله هداني ومريت=مجلس بكل الطيب والعزوافي
ولقيت ربعي مركز الفخروالفيت=ربيع قلبي لصبح الوقت جافي
ونشدت يوم اني وصلت وتعفيت=بحلو الحن من بين مقري ولافي
بين الرجال اهل الوفاء ذايع الصيت=ربعي حشى معهم يصير الخلافي
حتى لواني عن مجالسهم ابطيت=مبطي وقلبي مع غلاهم امصافي
بفعولهم اليا ذكرو لي تعليت=كنه على انجوم السماء لي ملافي
عيال راشد ربعي الياتعزويت=هم درعي اللي بالمهمات ضافي
وكم واحدٍ لاشافهم قال ياليت=ياليت ربعي مثلهم لي الحافي
ولوقيل وش قولٍ الى قلت كفيت=لاقلت اناء فريدي ومن حرب كافي
تطيح له روس الطغاه الطواغيت=ايام في حد السيوف الرهافي
اليا انتخو ضدو جموعٍ عفاريت= وحــيدهم الياعتزا مايخافي
وعلى النبي بختام ماخط صليت=شفيع يوم العبد عاري وحافي

المشاركة الأصلية كتبت بواسطة غازي الفريدي (المشاركة 139206) حتى لواني عن مجالسهم ابطيت=مبطي وقلبي مع غلاهم امصافي بفعولهم اليا ذكرو لي تعليت=كنه على انجوم السماء لي ملافي اعيال راشد ربعي اللي تعزويت=هم درعي اللي بالمهمات ضافي

اخوى

غازى الفريدى

ياسلام على الجزاله والله إنك جزل ياغازى


تحيتي

صح السانك على القصيده الرائعه والجميله
ياغازي الفريدي
شهادتي مجروحه
جميل جداً القصيده التي فيها فخر وعتزاز يستاهلون عيال راشد
تقبل مرووري
بنتظار جديدك :) :)

يامرحبا

ويامسهلا

حياك الله

صح لسانك

قصيدة جزله من شاعر جزل

والشعر انت أهله ولاتطول الغيبه

ولاتنسى ربعك الأولين !!؟؟

المشاركة الأصلية كتبت بواسطة غازي الفريدي (المشاركة 139206) سلام عليكم اخواني واخوتي في هذا المجلس الطيب بعد دعوتكم لي اتيت وكل فخروهديكم مالدي من ابيات البارحة من صافي القاف قهويت= فكري وضرمان الهواجيس قافي وسيرت يوم الله هداني ومريت=مجلس بكل الطيب والعزوافي ولقيت ربعي مركز الفخروالفيت=ربيع قلبي لصبح الوقت جافي ونشدت يوم اني وصلت وتعفيت=بحلو الحن من بين مقري ولافي بين الرجال اهل الوفاء ذايع الصيت=ربعي حشى معهم يصير الخلافي حتى لواني عن مجالسهم ابطيت=مبطي وقلبي مع غلاهم امصافي بفعولهم اليا ذكرو لي تعليت=كنه على انجوم السماء لي ملافي عيال راشد ربعي الياتعزويت=هم درعي اللي بالمهمات ضافي وكمواحدٍ لاشافهم قال ياليت=ياليت ربعي مثلهم لي الحافي ولوقيل وش قولٍ الى قلت كفيت=لاقلت اناء فريدي ومن حرب كافي تطيح له روس الطغاه الطواغيت=ايام في حد السيوف الرهافي اليا انتخو ضدو جمعوعٍ عفاريت= وحــيدهم الياعتزا مايخافي وعلى النبي بختام ماخط صليت=شفيع يوم العبد عاري وحافي غازي الفريدي

صح السانك وسلم
بيانك كفيت وفيت
والنعم فيك يا غازي

المشاركة الأصلية كتبت بواسطة غازي الفريدي (المشاركة 139206) سلام عليكم اخواني واخوتي في هذا المجلس الطيب بعد دعوتكم لي اتيت وكل فخروهديكم مالدي من ابيات البارحة من صافي القاف قهويت= فكري وضرمان الهواجيس قافي وسيرت يوم الله هداني ومريت=مجلس بكل الطيب والعزوافي ولقيت ربعي مركز الفخروالفيت=ربيع قلبي لصبح الوقت جافي ونشدت يوم اني وصلت وتعفيت=بحلو الحن من بين مقري ولافي بين الرجال اهل الوفاء ذايع الصيت=ربعي حشى معهم يصير الخلافي حتى لواني عن مجالسهم ابطيت=مبطي وقلبي مع غلاهم امصافي بفعولهم اليا ذكرو لي تعليت=كنه على انجوم السماء لي ملافي عيال راشد ربعي الياتعزويت=هم درعي اللي بالمهمات ضافي وكمواحدٍ لاشافهم قال ياليت=ياليت ربعي مثلهم لي الحافي ولوقيل وش قولٍ الى قلت كفيت=لاقلت اناء فريدي ومن حرب كافي تطيح له روس الطغاه الطواغيت=ايام في حد السيوف الرهافي اليا انتخو ضدو جمعوعٍ عفاريت= وحــيدهم الياعتزا مايخافي وعلى النبي بختام ماخط صليت=شفيع يوم العبد عاري وحافي غازي الفريدي

واليوم انا من جزل الاشعار عـلّيت=من عقب ما ذقت الظما والجفافي
واللي رواني شاعرٍ يصخر البيت=ثم يصهره صهر الذهب بالمصافي
واليا نحت ينحت بصخر الجرانيت=ماهو هوايه صنعته باحترافي
حييت ياغازي من القلب حييت=وافي يابن راشد ليا قلت وافي
صغت البيوت بمدح ربعٍ زناتيت=من طيب نبعك ياوسيع الضفافي
اهل الفعول اللي مثل ضلع "حلّيت:=واهل السيوف الماضيات الرهافي
الله يعز احياهم ويرحم الميت=امجادهم ماهي علينا خوافي
وعز الله انك يابن راشد تقهويت=دلال ابوي مكرّمات نظافي

f15
هلا ومرحبا تراحيب المطر وكثر قدر
على شعورك نحو ماكتبت
اخي الغالي احنا مدانين لهذا الاسم
الغالي من الصرح العالي

واليوم انا من جزل الاشعار عـلّيت=من عقب ما ذقت الظما والجفافي
واللي رواني شاعرٍ يصخر البيت=ثم يصهره صهر الذهب بالمصافي
واليا نحت ينحت بصخر الجرانيت=ماهو هوايه صنعته باحترافي
حييت ياغازي من القلب حييت=وافي يابن راشد ليا قلت وافي
صغت البيوت بمدح ربعٍ زناتيت=من طيب نبعك ياوسيع الضفافي
اهل الفعول اللي مثل ضلع "حلّيت:=واهل السيوف الماضيات الرهافي
الله يعز احياهم ويرحم الميت=امجادهم ماهي علينا خوافي
وعز الله انك يابن راشد تقهويت=دلال ابوي مكرّمات نظافي

مرحبا ابوعبدالعزيز
مشاالله تبارك الله
اني لاراك الاتتكلم شعرٍ
ونت من يزيد القصيد
في ردوده قوه وصلابة
مجاراتك دايم تاتي بالابداع
ولا يسعني الا اقول
يعطيك ربي العافية
اخي
وتحية طيبة

تراتيل مبهمه
مرورك عطر
اشكرك على اسلوبك
الراقي
لك شكري وتقديري

هلا هلا يابو راكان اشكرلك هذه التعابير القلبية الصادقة النابعة من روحك الطيب
تحية طيبة لشخصك الكريم

هلا بسلطان ذوقك هو الرائع ومرورك عطر

وتحية طيبة