والله لوصادقـت غيـري ملاييـن = مثل الصداقـه بينـا مانـت لاقـي
العشره اللـي بينـا عـدة أسنيـن = ماهي بحاجه حلـف وألا طلاقـي
ولانسمع النمه وهـرج المساكيـن = اللي تلوى مثـل مشـي السواقـي
عن نهجنا أبعد من الروس والصين = ومنزالنا يصعب على كـل راقـي
لك مدةٍغايب وأنا أقول لـك ويـن = وآخر عهد ذبيـت خـط الطراقـي
وخطك مقفل ياصعـوط المجانيـن = رد الجهازيقـول بـراء النطاقـي
ونشدة عنك أصحاب ويسار ويمين = وعبر الأثير أرسلت عـدة براقـي
واليوم لآغبتـه نحسبـه بيوميـن = مثل الحكم في عدٌ وقـت السباقـي
دافع غلأيابن على بيـن شخصيـن = عشرة شرف ماهي بعشرة نفاقـي
وباقين ياهابس على العهد باقيـن = عيال راشـد عهدنـا لـه وثاقـي
وافين مادمنا على الأرض حيييـن =ولآبد من يومٍ(ن) يحـل الفراقـي
يـارب تجعلنـا مـن النارناجيـن =عبدك ومذنب وأنت بآمـر عتاقـي

شووووووفوا الرقي والتالق والتناغم#$%%$

الشاعر علي الجضعان :rolleyes:

والناقل منصور الوسوس :o

ابو عمر شاعر الرومانسية والوسوس ما يجيب الا الجزلات :)

مجرد وجوداسم منصور فوق المشاركة يدل على الذوق الرفيع ههههه

وابن جضعان مهو بحاجة مدحي له ,,,#$%%$

صح لسان الشاعر علي الجضعان
وابيات جميله تربط بالمحبه والوفاء
وتسلم يمناك يابو يارا على الاختيار الرائع

وقد رأيت مناسبة الاشارة للبيتين اعلاه حيث الشاعر مدح واطرأ القبيلة بطريقه ذكية تدل على شاعرية قوية ولم يكن
المجال مجال مدح او اطراء ..

وهذه الصفة الطيبة تنسحب على كافة افراد القبيلة في الماضي والحاضر .. وآمل ان نكون كذلك .

شكرا ابن جضعان شاعر الوفاء .. وهذه تحسب لك .