|
ليه ما اتغزّل ؟؟!!!!! عاجل جداّ.. الى علي بن زيد وسعد بن هذيل وغازي ابو زوايد .. مع التحيه تصـلّط عليّ ابن جضعان وابن عنيزان (ابو بندر) كل ما اعطيتهم قافٍ وردي ..قالوا ياشويّب مالك ومال الغزل ..راحت عليك ... فكانت هذه الآهات ، والشكوى لله ............................ قالوا تغزّل وانت "جدٍّ كبيّر"=دربٍ تحلّم فيه ما تستطيعه !! ما يسلكه ياكود ممهون "صيّر"=مع الطخامه فيه "عرف وخديعه" واللي بسنّك يابن الاجواد "خيّر"="متغانمٍ "باق الليال السريعه قلت اسمعوني علّة ٍ بي "تحيّر"=عند الاطباء شخّصوها "طبيعه" قلبي "خضر"ماقدر اعدّل واغيّر=كل ما بغيت اطوّعه صرت اطيعه واليا شكيت الحب قبلي"كثّير"=و"جميل" و"المجنون" و"ابن الربيعه" و"النمر بن عدوان"و"ام الغريّر"=و"عيون علياء" خاتمتها شنيعه واللي سلب عقلي وروحي"صغيّر"=اللي عن التوصيف"صوره بديعه" ياعيون ريم ٍ "بالمحازه" مذيّر=لو دونه اسوار"الحمايه"منيعه مما بقلبي صرت اجيهم "مسيّر"=واقول ياقلب "الرجا ولا القطيعه" عود ٍ مشقّى وعادته "مايتغيّر"=ولا يخالف احكام الهوى و"الشريعه" ضارٍ على بدع القوافي"مضيّر"=خريف عمره يحسبنّه "ربيعه" لاتجرحونه بــ "انت عود ٍ كبيّر"="بصري" عرفنا قصته مع صنيعه ******** وسلامتكم |
رد: ليه ما اتغزّل ؟؟!!!!! قلبي "خضر"ماقدر اعـدّل واغيّـر كل ما بغيت اطوّعه صرت اطيعـه واليا شكيـت الحـب قبلي"كثّيـر" و"جميل" و"المجنون" و"ابن الربيعه" و"النمر بن عـدوان"و"ام الغريّـر" و"عيون علياء" خاتمتهـا شنيعـه عسى اللي نهب قلبك يتهنى به مازلت شاب يابو عبدالعزيز وابشر في بنت عمرها 16 من الشقر وش رايك صح لسانك ياعندليب المجالس على هذه القصيدة وتقبل تحياتي |
رد: ليه ما اتغزّل ؟؟!!!!! ابو وسيم الله يجبر بخاطرك ياولدي ... رغم بعد المسافه الا ان قلبك ليّن وحبيب ..ليتك والله عندي بدل الــــ .... ولا تمزح ترى شايبك متهوّر ههههههههههههههههههههههههه هههههههههههههههههههه ولك الاذن والشكر لجمع قصائدي في مجلس الدواوين ... لك حبي يا اطهر قلب ... |
رد: ليه ما اتغزّل ؟؟!!!!! اقتباس:
ابو عبدالعزيز كان قلبه خضر و أظن بعد مداخلتك هذي يا سندي صار قلبه أشقر ههههه : : أدام الله هذه القصائد الرائعه على هذا المنتدى المحبوب . |
رد: ليه ما اتغزّل ؟؟!!!!! الشاب / أبو عبد العزيز صح لسانك وصحة قلوب اهل القلوب الخضراء وسلمت يمينك على كتابة هذه القصيدة |
رد: ليه ما اتغزّل ؟؟!!!!! والله ما عندهم سالفة أما ابن جضعان فشايب وخوّاف >> اجتمعن وابن عنيزان .. والله إن الخوف لا يسويها بس >>> واظنه مثل رفيقه أقول يا أبو عبدالعزيز لا يهمونك .. ولد ولد .. كل الشقر يتمننك ولا يروح عليك عرض أبو وسيم <<< والله ما ادري عنه >>> بهاك الديار صح لسانك وعلا شانك |
رد: ليه ما اتغزّل ؟؟!!!!! والله الموضوع وجه لفطاحلت الشعر وننتظر ردهم |
رد: ليه ما اتغزّل ؟؟!!!!! صج السانك يا ابو عبد العزيز بعد القصيده خلاص مافيه من بيقولك انت شايب هههههههه صدق من قال انك عندليب المجالس شكراً لك على القصيده الجميله جداً ورائعه لفت انتباهي بأنك لاتفوت الفرصه أو المناسبه ألا ان تكتب بها قصيده وهذا دليل على شاعريتك الرائعه تقبل مروري |
رد: ليه ما اتغزّل ؟؟!!!!! هلا ابو راشد المهم كان عندك عظيمات تخاويني لبو وسيم توّلم ...والرخصه جاهزه مرورك اسعدني لاعدمتك |
رد: ليه ما اتغزّل ؟؟!!!!! ابو عبيد الله يرفع قدرك ...كذا التشجيع ياكحيلان لاهنت :d:d ماهي علوم ابو عمر وخويه ........ مرورك انار متصفحي وزاده وهجا.... اشكرك |
رد: ليه ما اتغزّل ؟؟!!!!! الابن فهد الطميشاء عزالله انك تعرف الرجال يالذيب ....:o والظاهر لهذا السبب يثبطون عزيمتي ..... خلهم يستاهلون وتراك بوجهي ما يقولون لك شي :ranting: اشكرك على جمال المرور وطيب الشعور لاعدمتك |
رد: ليه ما اتغزّل ؟؟!!!!! صح الله بدنك يامشعل المجالس وانا ادري ان عندي عيال يدافعون عني ويعطوني حقي ....::mad:: وطالما انكم من رواد هذه المجالس فانا مطمئن الى ان جهودي لا تذهب سدى ... وشعري كله منكم ولكم ............... لاعدمتك |
رد: ليه ما اتغزّل ؟؟!!!!! اقتباس:
والدعوى خرجت من يدي .... والله امدى لك انت وابن عنيزان $#%#^# تحياتي |
رد: ليه ما اتغزّل ؟؟!!!!! عندليب المجالس ما ودي انك تهورت بابن جضعان نبيه يتوسط لك عند خواله والا ابو بندر حيلك عليه ( ..... ) . لكن مادام انها حصلت فلايفوتك عرض ابو وسيم تراه يقول ويطول عموما تضل عنوان من عناوين ابداع المجالس صح لسانك وعاشت ايامك ما اسعد ان نرى لكن موضوعا او ردا لتضفي على المنتدى روح الفكاهة والمرح تقبل باقات من الورد والكادي |
رد: ليه ما اتغزّل ؟؟!!!!! اقتباس:
أنا من الموحدين يا سندي , . في العبوديه لله الواحد عز وجل , و أتبع نبي واحد محمد صلى الله عليه و سلم , و في الولاء للملك عبدالله فقط , و في الزواج لأم راشد الواحده فقط بتاتا أبدا ,, |
رد: ليه ما اتغزّل ؟؟!!!!! اقتباس:
والله اغراء يابو يارا لكن رايك يحلب صافي ابو عمر.؟؟؟ ما اظن ..عصفور ههههه اما ابو بندر عنده هو خل خواله ...هداك الله خربتها !!!!!!!!!!! اما ابو وسيم ..موضوعنا خاص اتركونا !!!!!! نور المجالس اشكرك حد الارواء على هذه العبارات السامقه وقد عودتنا عليها.. لاعدمتك |
رد: ليه ما اتغزّل ؟؟!!!!! اقتباس:
زادك الله توحيداً لا وحدة اما ام راشد فكفيها هذا التاكيد الثلاثي الابعادههههههههههههههه اسعدكم الله |
رد: ليه ما اتغزّل ؟؟!!!!! ليه لا.... صح لسانك عندليب المجالس . فارس الحرف |
رد: ليه ما اتغزّل ؟؟!!!!! صح لسانك وعلا شانك |
رد: ليه ما اتغزّل ؟؟!!!!! فارس الحرف صح لسانك وسلمت لاخيك هلا مليون هلا بهذه العوده الجميله ... هذه المجالس كهداج تيماء ..لايغيظ ولا تتعب ورّّّّّاده!!!!! لاعدمتك |
رد: ليه ما اتغزّل ؟؟!!!!! ابو اثير صح بدنك وسلمت لاخيك لاعدمتك |
رد: ليه ما اتغزّل ؟؟!!!!! يابو عبد العزيز صح لسانك والله اني مادريت عن القصيد ه هذي الاالساعه 11 من يوم السبت6/3 وعز الله انك تكلمت وقافيتك صعبه وان اسعفني بنات افكاري ابا اعطيك لك بيتين برايي في الموضوع |
رد: ليه ما اتغزّل ؟؟!!!!! هلا هلا مليون هلا يابو خالد مرورك وشعورك لايقاس بالوقت ولكن بالكلمات الصادقه التي تعودناها منك .... ومايخطه يراع اخيك فهو ملكك ... اما انتظارنا لبنات افكارك فهو كمن ينتظر هماليل (قبليه).... صح بدنك وسلمت لاخيك .. وتواجدك عطـّر متصفحي لاعدمتك |
رد: ليه ما اتغزّل ؟؟!!!!! صح السانك ابو عبدالعزيز ويكفي بالكلام صامله عن .... ولايهونون الاخوان ابيض وجه وفي تطلع لكل حرف ترسمه مشاعرك |
رد: ليه ما اتغزّل ؟؟!!!!! متعب النومان صح بدنك وسلمت لاخيك مرورك اسعدني وابهجني لاهنت اشكرك على كل كلمه لاعدمتك |
رد: ليه ما اتغزّل ؟؟!!!!! قصيده رائعه فانتبه وربط حزام الامان ابو وسيم لايدهورك ابو عبدالعزيز رائع بطبعه وقصائده جميله جدا لاعدمناك تقبل التحايا |
رد: ليه ما اتغزّل ؟؟!!!!! ابن منصور ربك الساترههههههههههههههههههه وابو وسيم ناصح امين ان شاء الله :g: اشكرك على الكلمات اللطيفه والشعور الالطف لاعدمتك |
رد: ليه ما اتغزّل ؟؟!!!!! صح السانك والله يعطيك العافية الابيات الرائعة |
رد: ليه ما اتغزّل ؟؟!!!!! عاشق المستحيل اشكرك وصح بدنك الله يعافيك مرورك ابهج الروح واثلج الصدر وتواجدك هنا انار متصفحي .......... لاعدمتك |
رد: ليه ما اتغزّل ؟؟!!!!! اخوى الكبير بقدره ابو عبد العزيز خلف بن عتاق الوردى والبنفسجى وجميع الالوان إختلطت مبدع كالعاده لكن أنا آخر المجموعه المعنيه بالموضوع ( هههههههههههههههه ) دمت لإخيك ذخراً تحياتي للجميع |
رد: ليه ما اتغزّل ؟؟!!!!! الشاعر خلف بن عتاق كلما اسمع لك ابيات ازاداد اعجاب وفخر بك اشكرك على هذا الطرح وعلى الأبيات الجزله ابن عمك نجم الليل |
رد: ليه ما اتغزّل ؟؟!!!!! الغالي ابو فيصل غازي ابو زوايد يازينها من شاعرٍ لا تهوّل=ثم دوّر الاعذار بين المعاني يكفيني انك جيت فوق المشوّل=وانت اوّل الفرسان شدّ العناني ولو انك الثالث بقلبي الاوّل=بعد اذن ابو خالد واخويه الثاني ربعي نجوم وشفت عند التجوّل=الجدي والمرزم وسهيل اليماني |
رد: ليه ما اتغزّل ؟؟!!!!! مشكور "نجم الليل" ما اطيب كلامك=اشكرك ياكحيلان شكر امتناني رفعتني الله يعلّي مقامك=وما دمت نجم الليل فانت اليماني وصلتني اشواقك وجاني سلامك=عساك تسلم من صدوف الليالي |
| الساعة الآن 01:16 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir