|
حب وغلا ياعيال راشد ...... :):):):) الى فهد الهديب ومنصور الوسوس وابو راكان وابو وسيم وابن مطيع واف 15 وعبد الله بن راشد .... والى كل الغالين في هذه المجالس الغاليه .........الذين سألوا عني اهديهم هذه الابيات السريعه **************************************** ياعيال ابوي وعزوتي واعتنازي=ياهل الشموخ اللي بالاعماق ضارب ياهل الوفاء والحب والاعتزازي=ياهل النقا مابين لحيه وشارب ان غبت عنكم حاضرٍ بالمهازي=لواجب وفاكم علمتنا التجارب معكم بذلنا الجهد وقت اللزازي=يوم المجالس ما تلقّى الغوارب وكل ماتأسس فوق ارضٍ عزازي=يبقى طوال الوقت مافيه ذارب واليوم عنكم ماندوّر ملازي=لجل البدايه حب ماهي مآرب للفاحج المشهور فيّ انحيازي=وطبع العتامه حط وسطي مسارب والمسأله .. من كود كثر المغازي!!!=قلت اتمتع بـ (استراحة محارب) ================== وسلامة ارواحكم لاعدمتكم |
رد: حب وغلا ياعيال راشد ...... راااااااااااااااااااااااا اائع يا ابو عبد العزيز وتسلم للفاحج والعتامة يا عالي الهامة وحضور راااااااااااااااقي حضورك يكفي ويزيد وشلون شعرك ومشاعرك الصادقة ابو عبد العزيز صح السانك وعلا شانك الف شكر لها المعزوفة الراااااائعة وتقبل مروري ابنك عبد الله |
رد: حب وغلا ياعيال راشد ...... وهاهو عندليب المجالس أبو عبدالعزيز وبعد غيبة يرجع لنا بقصيدة ومعلقة اعلقها على راسي واعتبرها تاج لي صح لسانك وبيض الله وجهك على هذه القصيدة شاعر ومن فحول الشعراء الذين نفتخر بهم رجوعك لنا هو بمثابة شعورك الصادق فدمت لنا متالقا ومبدعا في شعرك الجزل فلك مني خالص تحياتي وتقديري أبو وسيم |
رد: حب وغلا ياعيال راشد ...... نظراً لعدم وجود أسمي فأنا مريت وتمتعت بالقصيده الرائعه والقافيه الصعبه ويستاهلون فهد الهديب ومنصور الوسوس وابو راكان وابو وسيم وابن مطيع واف 15 وعبد الله بن راشد وجميع الاعضاء فيهم الخير والبركه وننتظر المزيد من شاعرنا الكبير اباعبدالعزيز خلف بن محمد افريد
وياهلابك لك وحشه يالفريد مثل النجم وغيابه له الأثر الكبير على المجالس وملاحظه : عدم سؤالي عنك بحكم قربي منك ومعرفة كل ماتخططله هههههه بس لاتزعلني وأعلم وأقول العمار أشغله والفله كبيره والرجال يبي يغير بالستايل شوي بس لاتنسى تعزمنا بعد الأنتهى من الديكورات - والسلام |
رد: حب وغلا ياعيال راشد ...... والمسأله .. من كود كثر المغازي!!! قلت اتمتع بـ(استراحـة محـارب) كنت تتمتع باستراحة محارب و كنا نتمتع بتكرير النظر بكتاباتك و ابداعاتك المحفوظة في هذا المنتدى الغالي , منذ البداية : من وين تبدا يابن عتاق مـن ويـن ؟ يومك نهمت الشعر واسرجـت خيلـه حتى صار لنا شعرك : وغيثٍ على(كبدي) كما رش هتـان ارخـى جنـوب وحـده النافعـيـه فصرت أبحث عنه وأدوره وأناديه وسمعتك يوم قلت : والله لجي لـو المسافـه كلايـف واني للبّي دعوة الخـال واجيـب بعدها وصلت للعميق ووقفت على بابك و تطيبت معك هنا قربوا لي طيبكم ياهـل المباخـر طيبونـي ياوجيـه الطيبيـنـي ثم رأيت أن الله تعالى استجاب دعوتك : والا يالله يـالـخــلاق تسدّد قول ابـن عتـاق وسدد الله قولك وقلت كلمة نشعر بها إذا دخلنا القواره : يـزول عـن كبـدي ركــود الحـضـاره ويعود لـي حـبٍ مـن القلـب مسـروق و تمضي ليالي القواره و تبقى الذكريات : ايا ليالٍ مضن لي كيـف ابنساهـن اليا تذكّرتهنْ قلـب العنـا جاضـي و تركز الشجن ولكنك تخففه : عوق الخصيم مرفهيـن الضيوفـي ولا كبرت القالات قالـوا عوافـي ثم تزيله نهائيا : ما دمت اوحّد خالق الكون.. مسلـمْ وامشي على منهاج سنـة خليلـه ثم تغرقنا به من جديد و بقوه : لا تحسبن الوقـت مثلـه منـوّل ما انته على تعديل ميلـه بقـادر واصدرت لك مرسوم حظر التجوّل واخذ الحذر ياقلب من سهم غادر و بقدرة شاعر تشرق أمامنا صفحة بيضاء نقيه : الكاف.. كلي جيتكم حب واشـواق الله يهـوّن لهفتـي ..واندفـاعـي هذا الاندفاع الجميل الذي تصر عليه دائما : قالوا تريّض قلت ما اصبر ولا اريْض من عادتي عجلٍ سريـع انتفاضـي مع أنك عدو العجاله في غير البر والفزعه : ويا عيال راشد اسمحوا لي بحرفين على عَجَـلْ وانـا عـدو العجالـه و أعتقد أن العجله هي سبب الخلاف مع اللي محليه ربه : ولو اختلفنا شوي ..في بعض الاحيان نحلّها ... من دون عنـف ومسبـه و لاشك أنها سبب هذا الفرح : ومن الفـرح كـن البَـرَاد يغشانـي ايقنت شيكٍ به رصيـدٍ مـن المـال و ذلك لأنك تريد أن تبعث السرور فيمن حولك : يضحك لهم .. اليا التوى مايل الشـدق ويبذل لهم مـن دم قلبـه .. شهامـه وبالرغم من كل هذا ... : وان قلت انا عن حق نفسي ..تنازلـت ضلّيت مطلوبٍ بتهمـة .. تراخيـت !! ولو جيت للعطار ومن الشـذا ..شلـت قدّامهم ..مـرّه ..وصبـره ..وحلتيـت ويسليك غير اللي محليه ربه طيف مر : مالي امـل .. الا التـداوي بطبّـك ولا لي مقـرّ .. الا اتبيّـأ رحابـك و دخيل القلب : وانا ادري انك خايفٍ حيل ..وادري اني غريبٍ عنك ...وانتـه غريبـي لكن اللي ما هو غريب (( تمساح )) : واليـا بغـا يعتـذر تمسـاح رفعـت لـه مايـل البـوزي وعلى الأرجح أنك لم تقصد تمساح بهذا البيت : من يشكي الغربه وهو بين ربعه؟؟ لكن بـلا لامـاك طـال اغترابـي لكن هنا لمدحك دليل واضح : يكفيك صامدْ تحـت الاخطـار عِـزه وتكفيك روسٍ مانحنـت باعتـزازي مثل وضوح الشاهد يوم رحبت بالحيسوني : مرحبا وقلوبنـا مثـل المرايـه عاكساتٍ للمودّه وانـت شايـف . . . . أردت أن أقول لك يا طويل العمر كلمتين ( أنت لم تغب ) بفكرك و أشواقك و تشجيعك و حماسك و تحميسك , عشنا مع كل هذا زمنا و سنعود لنقرأ قصائدك فكلما عدنا وجدنا بها معاني بديعه جديده , مرة أخرى أنت لم تغب , |
رد: حب وغلا ياعيال راشد ...... كبير يابو عبد العزيز في قصيدك وفي حضورك وفي تواجد وشكراً لك على القصيده المرصعه في الذهب والفضه صح السانك وهذا من حرصنا عليك نسأل من غلاك يابو عبد العزيز لاطول الغيبه مره ثانيه ونسوي عملية اضراب حتى ترجع###$$$##$###$$$##$ القصيده الجميله لا يكتبها ألا شخص واحد وهو وهو انت يا ابو عبد العزيز صح السانك صح السانك صح السانك صح السانك صح السانك صح السانك |
رد: حب وغلا ياعيال راشد ...... الابن الغالي الوفي عبد الله البعيد مكانا والمتواحد بالقلب دائما ابو وسيم من افسده دلالي له هههههابو عمر (لعلمكم كان معي ليلة البارحه!!!!!!!) من لم استطع اكمال مروره وتعليقه (حيث والله العظيم حالت بيني وبين الحروف حارقات الدموع) ابوراشد القامة الشامخه والروح المرهفه والنقاء الصافي مشعل المطيع هذا الخماسي الماسي لكم كل الود والمحبه والامتنان وبكم فخري وانتم ذخري ......... اشكركم على الوفاء والنقاء .......... وتكريما للجميع وخصوصا للقلب الكبير حبيبي عبد الله بن راشد الذي تتبع مشاركاتي واعلنها وعلق عليها بهذا الجمال وهذا الاسلوب الادبي الرفيع الراقي الذي لا استطيع ان اجاريه والله .... اعلن لكم انني سوف استعين بمن يجمع اشعاري ويضعها كلها في مجلس الدواوين هنا ومن يتبرع منكم بذلك لشايبه فله مني الاذن وله كل الحب والتقدير كلي لكم لاعدمتكم |
رد: حب وغلا ياعيال راشد ...... كم انا سعيد بهذا الموضوع الرائع بكل صراحة وجدت نفسي قد دخلت في جو مرهف غاية في الحب والنقاء والصفاء يسيل داخل الشرايين حتى انني راجعت القصيده اكثر من مره لأدخل الى تلك الردود المفعمة بالحب الصافي الصادق لقامة من قامات المجالس القديمة الجديدة ..... (( عندليب المجالس )) ... لقد زاد في توهج الموضوع تلك الدراسة التحليلية المبدعة لمهندس الحرف صاحب الكلمة الصادقة (( عبدالله بن راشد )) .. لقد اذكيت مواجعنا وقلبت صفحات من الماضي وكأنك تجعلنا نطالع معك دفتر الزمن ومواضيع سابقة تفننت اخي عبدالله بعرض تلك الصفحات لتقلب معها ذكرياتنا بين قصائد عندليب المجالس ... لا ادري من اشكر على هذا الموضوع ولكن اقول للجميع بيّض الله وجيهكم وهكذا عهدناكم احبابا واخواناً وابناء عم تفرحون بعودة من يستحق الترحيب وترفعون الراية للمبدعين ... دمتم جميعا على هذا الحب و الود الصادق |
رد: حب وغلا ياعيال راشد ...... عندليب المجالس الأســـــــــــــــــــد كلها ألقاب لإسم عزيز / خلف بن محمد الفريد ولإنه عزيز عند الجميع فلم آتى بجديد وإستراحة المحارب مطلب وبعدها يأتي بكل ماهو جميل فلله درك من محارب قصيده أعجبتنى جداً إستمتعت بقرءتها لافض فوك ياعظم العرب تحياتي |
رد: حب وغلا ياعيال راشد ...... اقتباس:
شكرا لك أخوي منصور على هذه الكلمات الرائعه ... . و لكن الفضل للمبدع و ليس لنا فضل عليه , إذ أننا نحن المستفيدون من الاستمتاع بمداومة النظر في قصائده , لما تسببه لنا كل قصيدة من فكره و متعه و زيادة النهم و الفضول لقراءة القصائد الأخرى . , . شكرا لحضورك الغالي . |
| الساعة الآن 08:55 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir
