مجالس الفرده - عشره شهر عشره

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - عشره شهر عشره (http://www.alfredah.net/forum/threads/alfredah16573/)

عشره شهر عشره

أيها الاخوه أتشرف بوضع هذه القصيده

بين أيديكم راجياً أن تنال إستحسانكم

عمر الشقى قالو بقى لاتخافين=ماهذى أول صدمتن فى حياتي
الاوله فى عام تسع وثمانين= مرت ولا ضرت من الذكرياتي
والثانيه فى عام سته وتسعين= بعشره شهر عشره كلامن ثباتي
وهالحين هذا عام تسعه مع ألفين= بإخر شهر عشره تقرر مماتي
ماني بلك ميت ولاذارف العين= قلى على منهو تهل إعبراتي
من باعني ماشريه مبطى وهالحين= ماهو تكبر بس هذى صفاتي
ماعزنا ربي ونخضع ذليلين=وعيبن علينا نتبع الهيناتي
عز الرجل نفسه على العسر واللين = يسوى جميع الكون والكائيناتي
النفس طابت منك مهما تقولين = ولانيب ميت قبل تدني وفاتي

وســـــــــــــــــلامتــ ــــــــــــكم

رد: عشره شهر عشره

شاعرنا القدير / غازي بن عجاب

صح لسانك وعسى الله يحسن الخاتمة لنا ولك واخواننا المسلمين

الي فهمته ان عمرك 50 سنه

وعسى الله يطول عمرك على طاعته

رد: عشره شهر عشره

صح لسانك ياغازي قصيده وافيه وانت وافي..

اقول لك(عندي امل راس السنه هالسنه زين= بأذن الله أن الحزن ماعــــاد ياتي)

وتحياتي..

رد: عشره شهر عشره

صح لسانك يابن عجاب غازي ابو زوايد

جزاله وكماله جمعتهن بالجماله عسى عمرك طويل وكفوووووووو

عسى السنه هاذي مع سنين وسنين = عقب الشقى تعتاض فاللمقبلاتي

وتقبل فائق تحياتي وصادق امنياتي

رد: عشره شهر عشره

بيض الله وجهك على القصيده الجميله جداَ
ونحن بنتظاااار جديدك الجميل

رد: عشره شهر عشره

وش ابا أقول ابا فيصل شهادتي فيك مجروحه

شاعر علم وتجيد جميع أغراض الشعر

شاعر عذب وتجيد السهل الممتنع

وبهاذا العقد الرائع نستقبلك

واتمنى ان لأتكون

الآخيره

ابو فيصل سجل أعجابي

وياهلابك نورت قسم الشعر عزيز وغالي

وننتظر منك المزيد وأكرر ترحيبي وتقديري

رد: عشره شهر عشره

صح لسانك على القصيده الرائعه

رد: عشره شهر عشره

اخوى

مجرد إنسان

قال خمسين قال الاعمار وش جاب طاريها ؟؟

أنا لم أصل الثلاثين بعد......(هههههههههههههه)

شاكراً لك مرورك وإطرائك

تحياتي

رد: عشره شهر عشره

اخوى
صالح نغيمش
انا قريت من الليالى عناوين= والله كريم ويعلم الخافياتي
شاكراً لك مرورك العطر يابن العم

تحياتي

رد: عشره شهر عشره

بحر القوافى

هذى سنه مرت عليه بعيدين=ولاضن ثالث عيد يالذيب ياتي

شاكراً لك مرورك العطر وإطرائك

تحياتي