مجالس الفرده - للشعر ميقافٍ مثل واجـب الضيـف

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

- - للشعر ميقافٍ مثل واجـب الضيـف (http://www.alfredah.net/forum/threads/alfredah15958/)

للشعر ميقافٍ مثل واجـب الضيـف

للشعر ميقافٍ مثل واجـب الضيـف=ولاعاش راسٍٍ صد عن وجه ضيفه
والشعر له فاقه مثل مِضرم الكيـف=ماهـو كـلام ولامجـرد وظيـفـه
سلام يامحمـد صـدوق المواقيـف=ياسيفنا وقـت الظـروف المخيفـه
ياللي ورثت المجد عظم وغضاريف=لا .. ماورثت المجد تـاج وقطيفـه
ياقاهر الارهـاب بالفكـر والسيـف=الامن يفخـر فيـك عدلـه وسيفـه
راع الغدر ضاقت عليه المحاريـف=وحقده تحول جوف جسمـه قذيفـه
اهل الخيانـه ماعليهـم تحاسيـف=والمنتحـر يمنـاه ماهـي نظيفـه
نال لجـزاه وراح جسمـه تناتيـف=لانه نـوى نيـه ولاهـي شريفـه
وان كان للارهاب معنـى وتعريـف=اخطر تجـاره بالعقـول الضعيفـه
المملكه فرحت من السيف للسيـف=مادمـت سالـم فالخسايـر خفيفـه
الله يجيرك من جميـع الصواديـف=وتبقى جبل بيـن الجبـال المنيفـه
رمز الشموخ ولاتهـزك عواصيـف=خالقـك ربـي للأمـور الكليـفـه
وبيت القصيد اللي مافي صحته زيف=بيتٍ لكم ياأهل السيـوف الرهيفـه
حنا ورثنا المجد عظـم وغظاريـف=لا .. ماورثنا المجد تـاج وقطيفـه

الشاعر : رشيد الفريدي

صح لسان شاعرنا المبدع
وسلمت يمينك يابا محمد

صح لسان الشاعر الغالي ابو عبدالاله

وتسلم يمينك على النقل يابويارا

صح لسان الشاعر ابو عبدالاله المبدع

وسلمت يدين اخي ابو محمد المميز

ولك تحياتي

صـــح الســان الشــاعر رشـــيد الــفــريـدي
قصـــيده جــزله من شــاعر جزل ..شاعر ويستحق أن يكون في مقدمة من يحملون لواء الشعر الجزل
إستمتعت بهذه القصيده
والتي تحمل في ثناياها كل الروعه وكل الحبكه الشعريه من شاعرنا الجميل

تسلم يميـــنك اخوي ابو محمد
ودائما مــبدع في طرحك الرااقي والمميز ..

داام ابدااعــك وتألقك ياغالي ..

تقبل مـــرووري وتـــقديري