بديت بسم اللي على وعتـــلا فـــوق=رب خلق اللــيــل ومثله نهــــارا
ومن بعد ذكره جتني بيوت لها ذوق= وجني بنات الفكر وراحت تبـارا
وخذت من زين التمـاثيـل طـــاروق=بـحـرٍ شهر بالجـو ثم اسـتــــدارا
حــر طلع بـالجو والـطلع مـرمــوق=يصــيد صـيد ماتصيده الوكـــارا
حـر تعـلا ورتفــع فـــوق شــاهـوق=ناظر وخطـط للمسـيرة اوســـارا
بـــدا شــعاع الشمس وزاد بشــروق=اقطف ثمر زرعك بضو النهــارا
مبروك يابن زيد في شوف معشوق=بنت الشيوخ اللي ترد المــــــثارا
يــامـا ثنو من دون شقح من النـــوق=اليا ثار رمي الهيج وطار الغبارا
صويبهم بالقــاع والراس مفلــــــوق=والا كسيرن مالقولـــه اجبــــــارا
بقيادة ابن سطام اليا لاحــــت بـروق=وتقابلت الخيل له انتصـــــــــارا
وربعي قبايل حـرب والعلــم موثوق=اقفو بجيش الترك فوق المهــــارا
هاك الزمان يوم لاحق وملـــحـــوق=فريسنا جابو زعيم النصــــــــارا
بحق الخوي ستة وللهرج منطــــوق=وقطع يمين الخال وخلا اليسـارا
يقولها حربي كان الدخـــــــــن فوق=نفدا الخوي بالروح دون انتظـارا
واليوم أمن وامان وتغمض المـــوق=بظل السعود معيشين الفقـــــــارا
والخاتمة صلو على خير مخلــــوق=وعلى نبي الله سر وجهــــــــــارا

صح لسان الشاعر مرزوق مضحي مرزوق الفريدي

يستاهل الشيخ زيد ابن حماد

مشكور اخوي ابو خالد الحربي على هذا النقل

ويستاهل الشيخ زيد ابن حماد