مجالس الفرده - قصيده للوالد سعد بن هذيل في وفاة الشيخ / جازي الوسوس رحمه الله

مجالس الفرده (http://www.alfredah.net/forum/)

- مجلس الشعر الخاص (http://www.alfredah.net/forum/alfredah33/)

قصيده للوالد سعد بن هذيل في وفاة الشيخ / جازي الوسوس رحمه الله

هذه القصيدة الوالد في وفاة المغفور له بإذن الله تعالى الشيخ / جازي بن هجاج الوسوس

شيخ الوساوسة من الفردة من قبيلة حرب

يــــا قلب ياللــي تصتلــي بالكوايـا **** صبرك على ما فيك عند الصواديـف

الصبر محمــــود العواقـــب جزايـــا **** يجزا به الخالق وسيع المحاريـــف

صبرك على اللي جاه سيف المنايـا **** بقــفــايــتــا ما عاد فـيها مــناكيــف

مـرحـوم ياجــازي حمــيد الســجايا **** يا عـــز ربــعـه والاجانيب والضيـف

هيف السمين اللي غذوها الشوايا **** كريــم سبــلا ما حســـب لتكاليــف

في جنب بيته مثل ذبح الضحايـــــا **** وصينيته طــول الدهــر للمضاييــف

والبيـت في طلحــه كبيــر النحايـــا **** ينصاه هتــاش الخــلا بالمشاريـــف

فيــه الدلال المكــرمـات الـركايــــا **** بالهيل والبن اليمانــي لهــــا كيـف

مدهال شمطــان اللحى والدهايــا **** ينصاه شيخان القبايـل تقـــل سيــف

وان عدت الهقوات واهـــل الهقايــا **** ميقاف أبو نواف ميقـــاف تشــريف

طلحه زهاها الشيخ وسـط القرايـا **** واخذ لها من ضمن الاوطان تصنيف

يـــالله يــــا عــلام ســـر الخفــايــــا **** تجعل لابو نواف بيض الاصــــاحيف

بحسناك يالخــــالق تزيل الخطايــا **** عطفك ولطفك يوم فتــح المظاريف

وتجبر عزا قلـوبٍ تهـــز الحنـايـــــــــا **** في غصت العبرة وفرقــا المواليف

وجعل المزون الصادقـــه بالنـوايــــا **** اللــي من الغربي تزاحــم مراديف

تسقي ضريح الشيخ عـــدة سقايــا **** تأخــذ على قبره لها ايــــام ما تقيف

وعسى البقاء في روسـكم يالنقايـا **** نواف مع نايــف وهجــــاج ومنيــــف

وباقي الــحرار مكمـلين المزايـــــــا **** تمشي على دروب الرجال العواريف

وتقبلو تحياتي
فهد بن سعد بن هذيل الفريدي