|
مصافحه اولى اعزائي اعضاء منتدى الفرده السلا م عليكم ورحمة الله وبركاته هذه مصافحه اولى اخترتها لتكون هي بداية مشاركتي معكم في هذا المنتدى الرائع وهي ابيات بسيطه وقصتها اني تواجهت مع شخص با الصدفه ودار الحديث بيننا عن مزاين الابل وجائزة النخبه التي اخذوها الفرده وهم جديرين بها ولكنه لمح بالكلام بدون تصريح ان الفرده حصلوا على الجائزه يوم صار ثمن الابل الفلوس فدار بخاطري هذه الابيات :
ولكم جزيل الامتنان عبدالعزيز بن راشدبن سدحان |
رد: مصافحه اولى صح السانك والفوز بالمزاين الحمدلله مابها منه من احد لا المال والرجال والفوز فخر لقبيلة حرب كلها وبأسم القبيله |
رد: مصافحه اولى اخي عبدالعزيز مصافحة رائعة تسودها الود وتسودها الغلا
هذا وانا شاعر وابمدح ربعي = باأبيات شعر باالفخر محكومه يشهدبها التاريخ قبل اكتبها = عند العجم قبل العرب مفهومه تحية من اعماقي لك خاصة وماقصرت بيض الله وجهك
بااولادراشد لااعتزا واحدنا = نقوم قومه ماوراها قومه ونصير لجل العزوه من اقصانا = تقول جيش لدولة محكومه صح لسانك وصدقت ,, صدقت ,, صدقت والدليل واضح وامامنا هو مجالسنا * مجالس الفرده* قاموا قومة ماوراها قومة وهذي عوايدهم ماهي بغريبه على عيال راشد وانت لاهنت على القصيدة ياتاج رأسي :( |
رد: مصافحه اولى بااولادراشد لااعتزا واحدنا *** نقوم قومه ماوراها قومه ونصير لجل العزوه من اقصانا ***تقول جيش لدولة محكومه لله درك يبن سدحان مصافحة جميلة وابيات رائعة زكية لك اجمل ود وتحية وبارك الله فيك نحن بحاجة لإبداعك يبن العم فحيا هلا في مجالس الفردة مرحبا مليون دمت لمحبيك |
رد: مصافحه اولى صح لسان الشاعر ابن سدحان وبيض الله وجهك رح ياردي العرف وانشد عنا00000وتفيدك العريّف باالمعلومه ويستاهل ماجاه |
رد: مصافحه اولى صح لسانك يابن سدحان ولا هان راسك |
رد: مصافحه اولى شكرا لجميع من عطر هذه الصفحه بمروره |
رد: مصافحه اولى ابن سدحان صح الله لسانك وهذا هو الموقف المشرف دون القبيلة بااولادراشد لااعتزا واحدنا نقوم قومه ماوراها قومه ونصير لجل العزوه من اقصانا تقول جيش لدولة محكومه وهذا هو الشعر الجزل ودمت على الخير والمحبه |
رد: مصافحه اولى لاهنت يابن سدحان وصح لسانك .. القصيده جزلها من رجال كفو .. أعجبني ما أعجب الكثير وهما البيتين : بااولادراشد لااعتزا واحدنا نقوم قومه ماوراها قومه ونصير لجل العزوه من اقصانا تقول جيش لدولة محكومه |
رد: مصافحه اولى صح لسانك ماقصرت كمال وجمال رد النقا يرفع الرأس قصيدة تقف شامخة الرأس على سياج الحمية تحياتي لك نازف الحرف |
رد: مصافحه اولى اقتباس:
صح لسانك ولاهي غريبه منك حومتك لامنك ولامن ابوك الله يرحمه وصح لسانك للمليون والله يعافيك |
رد: مصافحه اولى رح ياردي العرف وانشد عنا وتفيدك العريّف باالمعلومه بيض الله وجهك يابن راشد كفيت وفيت ... وفعولنا غنيه عنه الردي ذبحته الغيره لك تحياتي |
رد: مصافحه اولى اشكركم اخواني جميعا على مروركم وارجو ان اكون كما وصفتموني |
رد: مصافحه اولى بسم الله وهاذي يميني اطيب مصافحه لاطيب مصافح حياك الله ياعبدالعزيز من اول مشاركه عطرت مجلس ربعك بهذا العطاء الجزل هذا هو التميز وهذا هو مانريد هذا مجلس شعركم الخاص اي وجه قبيلتكم فاكرموه المشاركه من حق الجميع ولكن بالجيد والمشرف المسؤوليه مشتركة بيننا جميعا وانظارنا الى القمه اهلا عبدالعزيز شاعر وابن شاعر عبد العزيز بن راشد بن ساير السدحان الفريدي ،والنعم!!! :o |
رد: مصافحه اولى
الشاعر اللي مايمجد قومه =نفسه قبل لوم البشر بتلومه هذا وانا شاعر وابمدح ربعي =باأبيات شعر باالفخر محكومه يشهدبها التاريخ قبل اكتبها=عند العجم قبل العرب مفهومه افعالنا اللي قبل عصر الدوله=وامانها وحدودها المرسومه نقبل وحنا رافعين البيرق=عن الهوان ارواحنا معصومه اهل العتامه باالظفر والسطوه=وقومن تعادينا مهي مرحومه نمشي واباعرنا ليا ربعنا=تارد على الما راضيه محشومه رح ياردي العرف وانشد عنا=وتفيدك العريّف باالمعلومه بااولادراشد لااعتزا واحدنا=نقوم قومه ماوراها قومه ونصير لجل العزوه من اقصانا=تقول جيش لدولة محكومه والابل من العهد القديم الاول=نظفربها على اساس السومه يومن ثمنها دمنا نشريها=والمعركه بحضورنا محسومه واليوم نشريها بسعر العمله=وفزنا بها بمزاين القيصومه يعني بكل الحالتين اهل الابل=والناس كلن راضي بمقسومه شاعر وابن شاعر تقبل مصافحتي وقبلة على الرأس... والقصيدة اكبر من ان اعلق عليها انا اترك ذلك لفحوووووووووووووول الشعراء. دمت لنا ذخراااااااااا يا أبن سدحااااااااااااان تقبل مروري .................................................. ............................ فارس الحرف |
رد: مصافحه اولى صح لسانك وبيض الله وجهك |
رد: مصافحه اولى صح لسانك 000 ويرحم الله اللي انت خلفته |
رد: مصافحه اولى الله يبيض وجهك يابن سدحان انا اشهد نك رديت نمشي واباعرنـا ليـا ربعنـا *** تارد على الما راضيه محشومه ***** والابل من العهد القديـم الاول **** نظفربها على اساس السومـه يومـن ثمنهـا دمنـا نشريهـا **** والمعركه بحضورنا محسومه |
رد: مصافحه اولى اود ان اشكركم على مروركم واعتذر لقلت تواجدي وتفاعلي مع المواضيع المطروحه لنشغالي وعدم جلوسي على النت الا بفترات نادره |
رد: مصافحه اولى ابن سدحان صح لسانك ونعم حالك كفيت وفيت واجزلت والله انا ماحنا عاذرينك مع طيب هالمصافحه وجزالتها هذا يخلينا نطلب اكثر واكثر وتكفى ترى تكفى تهز الرياجيل لا تقاطع المجلس وهات من الدرر الطيبه اللي عندك |
| الساعة الآن 03:48 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir
