|
(صوت الحقيقه).... الإهداء الى كل من اكتوى بنار الجحود ....
الله اكبر يازماني ماعلى الدنيا ملام=دام من عانيت لاجله حط رمحه بنحري لامتى بسكت واجامل واتجاهل للكلام=يكفي انه من سكوتي تنبري حالي بري زادت احزاني وهمّي لين حاربت المنام=بعدها زادي وشربي صار امر من الشري يازماني لو عسرته يلتفت وين الحزام=يبتدي دور المصالح..وانت عزي وفخري ياجزاء المعروف وينك؟؟ليه نسيوك اللئام=ماتحريت لجميل من احرقوا دم ابهري امتزج دم الأفاعي بالحلال وبالحرام= مثل ماصوت الحقيقه بين سري وجهري ذبلت اوراق المشاعر مااحترت وبل الغمام=الظما لاشب ضوّه يحرق العود الطري قبلها قالوا حقيقه...لالطمت الحر شام=وصيدته لارد عنها تنفري كبده فري مالي ومال المشاكل والمعاند والخصام=عندي ارض الله وسيعه واعطي النذل ظهري والجحود ليا عرضلي...قلت للجاهل سلام= لو يتل زرار ثوبه..ماسطى فيه اظفري الردي ماله كلام ولااعتبار ولامقام=ياخسارة بذل جهدي واهتمامي وسهري العوج مهما عدلته يازماني ماستقام =نفسي من عرفه بريّه ..مثل مايوسف بري |
مساء الخير على شاعرنا رشيد الفريدي صــــــــــــــــــح صـــــــــــــــــــــح صــــــــــــــــــــــــ ــح صــــــــــــــــــــــــ ح لــــســـــــانـــــــــك وقصيده في الصميم وبيض الله وجهك ويعطيك العافية . ولك تحياتي,,,,,,,,,,,,,,,,,,, |
ياجزاء المعـروف وينك؟؟ليـه نسيـوك اللئـام ماتحـريـت لجمـيـل مــن احـرقـوا دم ابـهـري بداع بداع بداع وصح لسانك يابو عبدالالة قصيدة جميلة تحمل كثير من الكلمات الرائعة ودمت مبدع ورائع يابو عبدالالة |
ابو عبدالاله صح لسانك واعتلى شانك تعودنا منك الابداع ولاتزال كذلك فدمت لنا متواجدا أخي تفتخر مجالس العز بوجود قامة شعرية مثلك واما هذه الكلمات القوية فهي مواسية لمن عانى من نكران الجميل شكرا لك على هذه الاضافة ونتطلع للقادم من ابداعك تقبل باقات من الورد والكادي لشخصك الكريم |
اخي وحبيبي ابو عبد الاله عزائنا دائما وابدا وجود اهل الوفاء !!!!! والجحود صفة ملازمة للبعض لانها بعض منه .......... ومن تعود صعود الجبال لايلتفت الى السفوح لان مطلبه القمم ... اشكرك على هذه الرائعه المعبره بصدق ، وقوة تهز بالونات الهواء الجوفاء المنفوخه !!! لاعدمتك ............. |
ومن يصنع المعروف في غير أهله....................يلاقي ما لاقى مجير أم عامر صح لسانك قصيدة رائعة جدا واعجبتني وافرحتني ...! وذكرتني ناس يتقون خيبتهم بستائل البشوت ...ولكن ما يلبث هذا الاستائل حتى ينكشف سريعا .... |
يا أمير الشعر يا أمير الأدب يا أمير الحضور يا أمير الرجال الأوفياء , . . الشعر من بعدك تعثر معانيه ..صار الشعر من دون صوتك خساره تعوّد الشعار تصفّهم فيه ... يا خير من قال القصيد وأداره . . يقول المتنبي و دهر ناسه ناس صغار ... و إن كانت لهم جثث ضخام و ما أنا منهم بالعيش فيهم ... ولكن معدن الذهب الرغام . ويقول رأيتكم لا يصون العرض جاركم ... و لايدر على مرعاكم اللبن جزاء كل محب منكم ملل ... و حظ كل قريب منكم ضغن إني أصاحب حلمي وهو بي كرم ... و لا أصاحب حلمي وهو بي جبن .و لا أقيم على مال أذل به ... و لا ألذ بما عرضي به درن . . . ويقول أنا في امة تداركها الله ... غريب كصالح في ثمود . . . وإن كان حافظ ابراهيم قد قال لاحمد شوقي : أمير القوافي قد أتيت مبايعا ... و هذي وفود الشعر قد بايعت معي . فلقد تصرف الشعراء لأنهم أحسوا بحقك في اعناقهم , . . و كم على الأرض من خضراء و يابسةٍ ... وليس يرجم إلا ما له ثمرُ |
لامتى بسكـت واجامـل واتجاهـل للكـلام يكفي انه من سكوتي تنبري حالـي بـري الـردي مالـه كـلام ولااعتبـار ولامقـام ياخسارة بذل جهدي واهتمامـي وسهـري صراحه ابيات في قمة الروعه والجمال الله يعطيك العافيه تقبل تحيآآآآآآآآآآآآآآآآتي |
السلام عليكم ورحمة الله وبركاته اخي رشيد اسمح لي بصراحه انا متلعثم عاجز عن التعبير لاكن صح لسانك على القول الجمبل والجزيل |
اقتباس:
مرحبا مرحبا مرحبا مرحبا مليون يابن نومان هلابك من كل قلبي اسعد الله روحك على اسعادك لي بهذا الحضور المبكر دمت لي اخا ينبض قلبه بالصدق والوفاء |
| الساعة الآن 10:21 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir